حكايه زوجه الجزء الثاني.. الفصل الثاني

الجزءالثاني 
الفصل الثاني
لأ طبعا ده اكتر وقت انت محتاج فلوسك فيه علشان تبدأ حياتك وتتجوز وتبني مستقبلك .
طيب خلي الفلوس معاك ولما احتاج منها حاجة هبقي اقولك .
لأ فلوسك لازم تكون معاك علشان تتعود تصرف امورك بنفسك و مش تحتاج لحد انا مش هعيشلك طول العمر 
ربنا يخليك ليا يا بابا بلاش تقول كده .
يا بني الاعمار بيد الله بس انا عاوزك تخلي بالك من امك واخوك نور لو حصلي حاجة . خالد المصري

ليه بس بتقول كده يابابا ربنا يخليك لينا .
يا حبيبي انا العلاج اللي كنت باخده علشان اخلف قبل اخلف نور أثر علي صحتي وكبرني فوق عمري اكتر من عشرين سنة .
متقولش كده يابابا ده انت ماشاء الله لسه شاب .
ربنا يبارك فيك يا حبيبي اهم حاجة تخافظ علي مالك وتشوف بنت الحلال اللي تصونك وتخلي بالك من امك واخوك .
هعمل يا بابا كل ده علي عينك ونفسك معايا .
ربنا يبارك فيك يا وحيد .
بعد خروج وحيد سارة جات قعدت جنبي وسألتني ايه الكلام اللي كنت بتقوله لوحيد ده 
هفهمك يا سارة وحيد انا بعتبره ابني البكري وعاوزه يعتمد علي نفسه ومش يحتاج لحد لان الواقع بيقول انه هيبقي الكبير من بعدي خصوصا ان فرق العمر بينه وبين اخوه كبير .
ربنا يخليك لنا يا امير ده احنا من غيرك ولا حاجة .
ربنا يخليكي يا حبيبتي عارفة يا سارة كان نفسي ان وحيد يمسك مكتب المقاولات من بعدي علشان ابقي مطمن لكن هو مش بيحب الشغلانة دي واختار مهنة التدريس !! هو حر في مستقبله ربنا يوفقه .
يا حبيبي مكتب المقاولات انت اللي هتوصله يبقي شركة كبيرة لغاية ما نور يكبر ويبقي مهندس ان شاء الله ويمسكها معاك .
عارفة يا سارة انا مش خاېف الا علي نور .
اشمعني نور اللي خاېف عليه !!!
مش علشان ابني الوحيد ولا حاجة بالعكس انا بعتبر وحيد هو ابني البكري .
من غير ما تقول يا امير انا عارفة كويس بس انا اقصد خاېف علي نور