حكايه زوجه.. الفصل الرابع
الوحيد طريقة لبسها !!
ولما كلمتها قالت دي طريقة لبسي طول عمري لكن هحاول اغيرها مادام بتضايقك .
متزعليش مني يا نجلاء انتي كل حاجة فيكي حلوة وانا استريحتلك من اول ما شوفتك لكن الموضوع ده بس اللي لازم تخاولي تغيريه .
حاضر خلاص هغيره في لبس الخروج انما لبس البيت يا ريت تسيبني علي حريتي .
خلاص مفيش مشكلة انا كنت عاوزك تكلميني عن جوزك وبناتك الله يرحمهم .
فضلت اهديها لحد ما هديت وبدأت تتكلم وقالتلي يحيي وريماس وريتاج كانوا كل حياتي يا ريتني كنت موتت معاهم وارتحت .
بعيد الشړ عنك ربنا كاتبلك انك تعيشي علشان نتقابل انا وانتي في سؤال محرج بس عاوزك تكلميني بصراحة كنتي بتحبي جوزك الله يرحمه
طبعا كنت بحبه ده كان نور عيني الله يرحمه ولو قولت غير كده ابقي كدابه احنا اصلا اتجوزنا عن حب .
اكيد كان في مشاكل بس فضلنا نحب بعض لحد لما ماټ .
انا طبعا بحترم صراحتك لكن بيتهيألي بالشكل ده ان صعب حد تاني يدخل حياتك
انا كنت مش عاوزة اتجوز بعده وبعد بناتي بس انت عارف اخواتي خافوا عليا من كلام الناس علشان كده قالولي لازم تتجوزي .
لأ طبعا مش اي حد وخلاص من يوم مۏت المرحوم وانا اتقدملي ناس كتير .
واكيد طبعا كان فيهم ناس احسن مني
الصراحة من غير زعل معرفش احسن ولا لأ لكن انت اكتر واحد ارتحتلك .
اشمعني انا اكتر حد ارتحتيله
معرفش بس الاحساس ده مش بأيدينا .
بالنسبالي ده مش فرق سن كبير المهم عندي الارتياح النفسي ممكن انت بقي تقولي مراتك كنت بتحبها ولا لأ
لو قولتلك الحقيقة هتستغربي جدا .
لأ ابدا قول .
انا اتجوزت مراتي ڠصب عني لأنها كانت أرملة اخويا الله يرحمه وكانت مخلفه منه وحيد اللي انا بعتبره ابني الكبير دلوقتي .
يبقي اكيد حياتك معاها كانت صعبة اوي .
ممكن تقولي اكتر حاجة كنت بتحبها فيها ايه
كل حاجة فيها كنت بحبها لكن اكتر حاجة كانت مش بتزعلني ابدا وكانت بتريحني في كل حاجة عمرها ما زعلتني ابدا .
ممكن تقولي بصراحة انا احلي و لا هي
ضحكت وقولتلها لأ في الجمال والحلاوة انا عمري ما شوفت احلي ولا اجمل منك ابدا .
لأ انا بتكلم جد حقبقي انتي تحفة تجنني يعني لو مش اعرفك وشوفتك في الشارع لازم
اعاكسك .
ايه ده انت بتعاكس البنات والستات
ضحكت وقولتلها لأ بس انتي بالذات كنتي هتخليني اعاكسك ڠصب عني .
اشمعني انا بالذات يعني .
اصل انتي حلوة اوي .
نجلاء اتكسفت ووشها احمر فعلا انا بعد القاعدة دي معها حسيت اني قربت منها كتير خصوصا بعد كلامها عن جوزها اللي ماټ واتعاطفت كتير مع حزنها عليه وعلي بناتها وقررت اني لازم ارتبط بها .
حددنا ميعاد الجواز بعد شهرين وفي خلال الشهرين حاولت انسيها احزانها وبقينا نتكلم كل يوم بالساعات زي المراهقين !!
علي ميعاد الفرح كنا بدأنا نحب بعض معرفش ازاي الحب اتولد بينا بالسرعة دي !!!
يوم الجواز روحت كتبت الكتاب في بيت اخواتها واخدتها بعربيتي وسألتها تحبي نقضي شهر العسل فين
ضحكت وقالتلي هو احنا هنعمل زي العيال الصغيرين ولا ايه
