اسكريبت كامل

يووه مافيش و لا صورة عدلة خالص كدة دي ضحكتي مش حلوة و دي مكشرة و دي عيني قررت تحول و دي...
مش عارفة تتصوري!
رفعت راسي لمصدر الصوت الذكوري
افندم!
ملاحظ إنك مش عارفة تتصوري فبسالك
إنت مركز بقي!
مش بالظبط
اومال
شايف إنك مش عارفة تتصوري ف قولت اساعد مش أكتر
ليه
هو إيه اللي ليه هو السبب اللي قولتله خمس تلاف مرة مش واضح!
إنت بتزعقلي ليه ي أستاذ إنت
أصل الاجابة واضحة ف مش فاهم المخ في اجازة و لا إيه
قصدك إني غبية و كدة!
فهمتيها لواحدك إزاي
علي فكرة بقي عيب كدة و اتفضل شوف رايح فين

أمشي
أه امشي
همشي!
ما تمشي و لا لزقت ف الارض
إيه ي بت لسانك دا
بت ف عينك
بصلي من فوق لتحت بنفاذ صبر و قال
تصدقي أنا غلطان
و سابني و مشي! دا مشي بجد! أنا عيل صغير و الله خلاص اتأففت و ربعت ايدي و قولت
اوف و هو كان هيعمل إيه يعني الله يسامحك ي أية مش لو كنتي جيتي كنتي صورتيني بدل العوج اللي أنا فيه دا راح الصرف و الفستان
خلصت كلام مع نفسي و ثبت الفون ف مكان و حاولت اتصور تاني مطلعتش غير بصورة
طب و بعدين الفرح بينتهي و انا مخدتش الخمستلاف صورة بتوعي يعني مهغيرش صورة الفيس! وال...
هاتي موبايلك
لسه بلف نع..
هو انت
كلمة كمان ومش هرجع تاني
إنت بتهددني ي اسمك إيه
هاتي موبايلك
فضلت افكر حبة لحد ما استسلمت و اديته الفون و فضل يصورني لفترة مش عارفة اد ايه بس كانت العروسة صحبتي مشيت ومفضلش ناس كتير و هو بيصورني بصيت نظرة صدمة اللي هو إيه دا دول مشيوا بصلي و قالي
واضح إني سرحت
بعدها رد بتوتر قصدي سرحنا
دا إحنا و لا كأننا كنا هنا ي جدع
جدع! خدي موبايلك شوفي الصور خلينا نمشي
بصيتله باستغراب و خدت منه الفون و ببص ف الصور و إيه دا إيه الحلاوة دي إيه الصور القمر دي هو إزاي شاطر كدة دانا مكنتش بتصور قبل كدة
لاحظ انبهاري بالصور ف قال حلوين
دول قمر إنت بتصور حلو كدة و لا عشان أنا اللي حلوة و كدة.
نرجسية مشوفتش زيها
نزلت الفون و بصيتله و أنا بضحك ضحكة خفيفة لا بجد تصوريك حلو فعلا
حط ايده ف جيبه و فرد نفسه منا عارف
تنك
بصلي بثقة حقي و الصور تشهد
خلاص ي عم المغرور بس الصور حلوة تنفع مصوراتي
مصوراتي!!
أه مالك
رد بضيقالصبر من عندك يالا نمشي و لا انتي بايتة هنا
روحت جيبت شنطتي بسرعة و رجعت قولتله لا ماشية
اتفضلي يالا
و إنت
هشوف حاجتي و احطها ف العربية و أمشي
حاجة إيه
نع...
قطع كلامه رنة فونه
ايوة ي حبيبتي
لا أنا خلصت هلم حاجتي و جاي أهو
سيبته بيتكلم ف الفون و سحبت نفسي و مشيت لما ادركت إني واقفة مستنياه و بتكلم معاه كأنه إبن خالتي!
ركبت و انا عمالة اتفرج على الصور و مبسوطة بيهم جدا أول مرة حد يصورني و ابقي حلوة كدة! نزلت الفون بصيت بغباء
اسمه! أنا نسيت أعرف إسمه!
و بعدين قولت و أنا مالي كدة كدة مش هشوفه تاني
روحت و سلمت علي ماما وبابا و دخلت غيرت و بعدها كلت و مسكت الفون كلمت أية و فضلت اغيظها إني اتصورت صور جامدة و إني مش هوريهلها إلا لما أنزلها و هي فضلت تتحايل عليا و أنا مرديتش عقاپا عن إنها مجتش معايا قفلت معاها وافتكرته وابتسمت وأنا بتفرج علي الصور للمرة الخمستلاف و بقول ربنا يرزقني بواحد بيصورني حلو كدة و قفلت الفون و نمت
صحيت