رنا تليفونك بيرن
المحتويات
رنا تليفونك بيرن
طلعت من الأوضة ومسكت التليفون بإستغراب
رقم معرفوش مش هرد
ردي يمكن في حاجة مهمة
ضحكت هيكون ايه مهم يعني أنا محدش يعرفني اصلا
سبت التليفون وقعدت رن كذا مرة كتير ورا بعض لحد ما زهقت ورديت
ألو مين معايا
رنا
برقت پصدمة نفس الصوت متغيرش
رنا أنا محتاجلك دلوقتي حالا
قفلت التليفون بسرعة وقعدت رميته بعيد وكنت بحاول اسيطر على نفسي
م مفيش.. مفيش حاجة محدش
خدت التليفون ودخلت الأوضة كان عمال بيرن بإصرار رهيب
مردتش ولكن لقيت رسالة منه
أنا محتاجلك فعلا يا رنا لو سمحتي تعالي اشوفك بس آخر مرة مرة واحدة بس أنا هبعتلك العنوان ولو جيتي هتبقي حققتيلي أخر أمنية ليا
مكنتش مصدقة أي حرف بعته ولكن قررت إني أروح للمرة الأخيرة
وصلت على المكان اللي بعته كانت شبه الصحرا مفيش ناس البيوت شكلها مخيف
ده المكان يا أنسة
تمام شكرا
اديتله الفلوس ونزلت من العربية بصيت حواليا ومشيت خطوتين لمحت عربية جاية سريعة ملحقتش آخد رد فعل داست على رجلي
أنا أنا بجد آسف أنت كويسه
قولت بۏجع رجلي رجلي مش قادرة
مسك ايدي وقومني هاخدك على المستشفى
مكنتش في حالة أقدر اعترض عليها سندني وركبنا العربية
متقلقيش بسيطة بإذن الله
كنت مغمضة عيني بحاول استحمل الۏجع
وصلنا المستشفى وجاب كرسي قعدني عليه ودخلنا
عدى وقت طويل عملت أشعة وربطولي رجلي وقالولي إن لازم اقعد يومين هنا!
أنا بجد آسف مخدتش بالي منك خالص
شكرا إنك جبتني المستشفى
ابتسم دي أقل حاجة اعملهالك
ابتسمت وبصيت للسقف وافتكرت المقابلة
اليوم عدى ومعرفتش أكلم حد لإن التليفون مش معايا مكنتش عارفه أنا فين حتى
صحيت تاني يوم على صوت
صباح الخير
غمضت عيني وفتحتها تاني كان هو
ضحك ايه الإحراج ده
لا لا مش قصدي بس في حاجة يعني
جاي اخرجك واوصلك بيتك بس أهم حاجة نفطر الأول
بصتله بإستغراب مكنتش فوقت ومكنتش مستوعبه هو بيقول ايه وايه الإبتسامة الحلوة اللي على وشه دي كمان!
قومت ولقيته بيطلع ساندوتشات من الشنطة وبيديني
خدتها وابتسمت الله جبنة رومي أنا بحبها أوي
بصتله بدهشة أنت اللي عاملهم!
ابتسم بالهنا والشفا يا رنا
قولت وأنا باكل صحيح أنا معرفش اسمك لحد دلوقتي
يوسف
عاشت الأسامي يا يوسف
ضحك وكملنا أكل وساعدني عشان أقوم كان لسه في ۏجع في رجلي
سندت على ايده وأنا حاسه بإحراج أكتر حاجة شدتني ريحة برفانه من قوتها كنت
حاسه إني دايخه بسببها
بصيت على ايدي اللي ماسكها وماشي كنت حاسه بالأمان
أول مرة أجرب الشعور ده كان احساس غريب
قادره تمشي للعربية
بصتله وهزيت راسي ب اه
أنا آسفة إني تعباك
طبطب على ايدي أنا السبب في كل ده أنا اللي آسف
بصيت في عينه وابتسمت وافتكرت تليفوني
يوسف صحيح أنا تليفوني فين شوفته
في العربية معايا متقلقيش
ركبنا العربية وقولتله العنوان واتحرك
فتحت التليفون وبصيت على الرسايل ملقتش ولا رسالة جديدة!
رنيت على الرقم لقيته مقفول! بصيت للفراغ لثواني وبعدين حمدت ربنا إنه مبعتش حاجة جديدة
مستنية رسالة من حد
بصتله لا أبدا
صحيح أنت كنت في المكان ده بتعملي ايه لوحدك
بصتله بحذر
ل ليه ف في حاجة
لا أصل غريبة يعني مكان مفهوش حد غير مجرمين وحرامية بنت زيك بتعمل ايه هناك ده شغلني شوية
ابتسمت بتوتر وغمضت عيني وريحت على الكرسي
فضلت عامله نفسي نايمة
متابعة القراءة
