قصه مشوقه
المحتويات
هنزلها أشيل المحلول واتطمن عليها
_تمام شكرا جدا يا دكتور
_على اي دا واجبي...
الدكتور مشي وأمه دخلت
_هي كويسه يا ابني
_ان شاء الله يا امى
_اي اللي حصل
عمر اتنهد وحكالها كل حاجه
_يا حبيبتي يا بنتي على فكره انت اتسرعت في الحكم عليها يا ابني مش علشان انت شوفت الۏحش يبقى كلو وحش ومؤذي وعارفه انك هتقول انو اخوها بس هى باين عليها طيبه وغلبانه والدنيا جايه عليها متجيش انت كمان تيجي عليها فين تربيتي ليك والصبر اللي علمتهولك عمرك مكنت دبش مع حد كدا...
_لا طبعا يا امي انا عمري مهفكر انى اتجوز ولا ارتبط بحد تاني كفايه اوي اللي حصلي ودلوقتي بساوم ريهام علشان تسيبلي ابني علشان مسيبهوش معاها ولا المحكمه قدام كلمتين منها تخليها تاخد الولد وانا افضل اتفرج عليه طول عمري وهوا بيضيع مع ام اساسا ضايعه مش عاوز اعانى نفس المعاناة تانى...
_بس دي اخت شادي يا أمي اللي دمرلي حياتي اللي خلانى بقيت امشي اكلم نفسي اللي خلانى اشك في كل الناس ومصدقش حد
_بص يا ابني انا عارفه انك تعبان من اللي حصلك بس مش انا اللي هحكم...
_دا اللي هيحكم...بس كدا...
ودخلت لشهد...
وعمر واقف تايه ومش عارف اي اللي بيحصله انا عارف أن دا اختبار صبر يارب وانا راضي بيه...
اللهم يسر ولا تعسر...
واجعلى في الخير القدوم وزيح عنى الهموم وساعدني يارب على الاختيار وسخرلي الطيب وارحمني برحمتك يا ارحم الراحمين....
وبدأ يدعى ربنا...
وبص ناحية الأوضه اللي فيها شهد...
في الوقت دا جاله اتصال...
_الو يا حسام
اي دا بجد وافقوا...
طيب انا هبقى اجى اخلص الاوراق معاكوا بكرا الصبح....
شكرا جدا يا صاحبي
سلام...
اخيرا لقيت حاجه تفرحني في اليوم دا البنك وافق على الفلوس وبكدا هكون خلصت من ريهام وأشوف ست شهد دي كمان اصل اللي هي بتعمله دا مش هياكل معايا انا خلاص بقيت اخد حذري ومش هقع....
_ااانا فين
الامانتي عندنا يا بنتي مټخافيش انتي كويسه
_اااه الحمد لله بس حاسه راسي تقيله شويه
_من التعب بس يا حبيبتي بس اول مهتاكلي التعب هيروح..
هقوم اجيبلك اكل
_لا لا انا هقوم اروح شقتى وشكرا لتعبك معايا
_لاطبعا يا بنتى انتى تعبانه وممكن تقعى من طولك معلش خليها عليكي ولا مش عوزا تأكلي من ايدي
_امال اي على فكره امك كنت بحبها جدا واحنا كنا صحاب الله يرحمها
_انتى تعرفي ماما
_اه طبعا اعرفها شادي اخوكى وعمر ابني متربيين سوا
_شادي
_ايوا...
بصي يا بنتي متفكريش في اللي يضايقك كل واحد بياخد نصيبه..
وانا عارفه انك مظلومه بس معلش اللي عمر شافه محدش شافه تخيلي كدا اقرب حد ليكي يطعنك في ضهرك شوفي هتحسي بأيه مش هتحسي بالطعنه قد مهتحسي انها من اقرب الناس ليكي دا اللي هيوجعك فعلا
_فعلا بس هوا تتهمني بحاجه مش فيا ومش فاهمه هوا قصده اي
_انتى اي اللي جابك هنا..
فجاه شهد سكتت والدموع اتجمعت في عينيها
_للاسف انا كنت عايشه مع عمى وفجاه من حوالى اسبوع قالي انتى مليش عيشه معاه تاني وطردنى هوا كان بيعاملني وحش ومع ذالك كنت مستحمله على اساس أن شادي هيرجع وياخدني وشادي مجاش ولما حتى كان بيحاول يتطمن عليا كان بيبقى تليفون وكنت عذراه علشان الشغل ودلوقتي عرفت سبب أن عمى طردني...
وانا تقريبا دلوقتي مليش حد...
_ومين قالك كدا امال انا رحت فين بصي أنا من اول مشوفتك وانا قلبي ارتاحلك حسيتك سميه امك واقفه قدامى كانت جميله كدا زيك بالظبط وقلبها طيب وبتحب الخير لكل الناس حتى فرق الطبقات اللي كان بينا وان ابو عمر الله يرحمه كان بيشتغل عند ابوكى إلا أنهم كانوا بيعاملونا كأننا زيهم فانا دلوقتي عالاقل هرد جميل من جمايلهم عليا انتى متعرفيش اهلك وقفوا معايا ازاي وساغدوني ازاي في تربية عمر
عمر كان واقف وسمع كلامهم وكل حاجه حصلت معاها...
حاسس انو صدقها بس عقله برضو مش مستوعب الحكايه ولا اي القصه دي بس كل اللي يعرفه أن فعلا عم شادي كدا وفعلا يصدر منو انو يطردها...
وجت في باله فكره...
ودخل عليهم
_على فكره انتى هتنزلي معايا الشغل من بكرا...
_اي لا طبعا....
يارا_عبد_السلام
الجزء الخامس عشر.... دعوى_حضانه...
_على فكره انتى هتنزلي معايا الشغل من بكرا...
_اي لا طبعا....
_هوا اي اللي لا مش بمزاجك من بكرا هتنزلي الشغل والا هخليكي متشوفيش اخوكي تاني...
هوا مش عارف هوا قال كدا لي ولى مصمم انها تشتغل عنده هل علشان ينتقم منها ولا علشان حاجه تانيه!
_هتعمل اي يعني
_من حيث هعمل فانا هعمل كتير وانتى شايفه اخوكي في السچن واللي حواليه مجرمين مش دكاتره لو أديت لواحد فيهم كام الف هيخلص عليه ها اي رايك...
هوا ميعرفش برضو لي استخدم طريقه الټهديد معاها بس حس انها مش هتوافق بالسهولة دي فاستخدم الاسلوب دا علشان تخاف على اخوها وتوافق....
شهد عينيها دمعت وخاڤت على اخوها لأنها بتحبه فقالت...
موافقه بصوت غير مسموع وحست أن الدنيا بتلف بيها وأنها خلاص قربت ټنهار بس لسه بدري شويه...
_تمام يا حلوة من بكرا الصبح الاقيكي في الشركه مرتبه المكتب ومجهزه كل حاجه تمام علشان نبدا شغل ونشوف هتعمل اي ماشي
_تمام تمام
وقامت من مكانها
_انتى رايحه فين
_هروح شقتي
_لا استني الدكتور يتطمن عليكي الاول
_لا ملوش لزوم وشكرا لخدماتك انا في غنى عنها وانا اعرف اعتني بنفسي كويس
عمر قرب منها...
_قولتلك استني
_وانا قولت مش هستني
عمر بص في عينيها وهي بصاله بتحدي حس أن الموضوع صعب بالنسبه ليه وان الموضوع مش مجرد اڼتقام الموضوع اكبر من كدا...
_شهد ممكن تهدي
نطقه لاسمها حست برعشه في جسمها غير طبيعيه وقلبها دق اي الفرق بينه وبين اي حد متعرفش.....!
_مش ههدي وانت مالك اصلا مش انا دلوقتي واحده شغاله عندك يبقى مخصكش ممكن تعديني
_مش هتعدى الا لما يجي الدكتور واتطمن عليكي قولت
_تطمن عليا لي هوا انا اهمك ولا اخصك انت واحد أنانى وبس وانا بكرهك من اول يوم شوفتك فيه وزاد كرهي ليك دلوقتي ممكن تعديني
اول لما شاف الدموع في عينيها حس أن الدنيا قفلت حواليه وحس أن قلبه وجعه ونغزه غير طبيعيه اول مره يحسها مش عارف هوا لي بيحصله كدا ولى متاثر بيها كدا...
لقى نفسه بيوسعلها وهوا بيردد في باله مينفعش مينفعش ايوا مينفعش يحس تجاهها الاحساس دا دي اخت شادي اخت شادي اللي دمرله حياته عارفين يعني اي !
شهد دخلت شقتها. وقفلت الباب وسندت ضهرها عالباب وبدأت تبكي زي الطفله ايوا زي الطفله قعدت على الأرض وضمت رجليها ليها وپتبكي على حالها واللي وصلتله واللي بقت فيه واللي اخوها عملوا معاها هوا عمره مكان معاها طول عمرها وهي لوحدها مش ذنبها انها لوحدها واهلها م١تو وسابوها للدنيا شويه عمها وشويه اخوها واستمرت في البكا لحد منامت في مكانها أو اغمى عليها.....
في صباح يوم جديد.
استيقظ عمر وهوا متضايق ميعرفش ماله من امبارح من ساعت مشاف دموعها وهوا زهقان ومتضايق...
هوا انا لي بيحصلي كدا يارب انت قادر على كل شيء ساعدني يارب..
خرج وألقى الصباح على أمه
_مش هتاكل يا ابني
_لا يا امي معلش عندى شغل مهم هبقى أفطر في المكتب سلام وخلي بالك من يحيي...
_ماشي يا ابني في رعاية الله....
خرج برا وفي الوقت دا خرجت شهد من الشقه
بصتله بقرف ونفخت بضيق ونزلت قبله
وهوا نزل
انا شكلى هتعب معاكى وانتى اللي هتعلميني الادب مش انا..
نزل وراح الشركه ووصل لقاها لسه موصلتش
_اه أبتدينا ماشي لما تيجي
بص لقاها جايه وبتضحك مع حازم وعادي
ميعرفش لي اتضايق بس حلف انو هيطلع دا عليها
_ممكن اعرف انتى كنتي فين
_اممم كنت بتفرج عالشركه مع استاذ حازم
_واستاذ حازم سايب شغله وبيفرجك عالشركه
_اممم انا اللي طلبت منو وبطبيعة شغلي وكدا لازم اعرف الشركه كلها واتعرفت كمان عالموظفين
_طيب تعالى ورايا بقى علشان نبدا شغل وانت يا حازم اتفضل على شغلك
حاضر..
دخلت وراه المكتب
_امممم من النهارده وانتى المساعد بتاعى واي حاجه هطلبها هتنفذيها
شهد في بالهادانا اللي هوريك نجوم الليل بس صبرك عليا مش انت شغلتني ڠصب عنى هنا صبرك عليا مش شهد اللي يتعمل معاها كدا...
_انتى روحتي فين
_نعم
_بقالي ساعه بكلمك وقولتلك روحي هاتيلي قهوه
_حاضر
نبدا بالخطه رقم ٤١٧ يعيني يا عمر باشا هقهقهقهق
راحت جابت القهوه ووصلت المكتب وعلى وشها ابتسامه خبيثه...
_اتفضل القهوه
وهوب القهوه وقعت على عمر
_اوبس انا اسفه والله مكنش قصدي
وعمر من كتر السخونيه وقف وبقى يزعق
_انتى عاميه ولا حماره ولا اي ملتك مبتشوفيش البسي نضاره ولا روحي تتعالجى
وفي الوقت دا حازم دخل
_الحق يا عمر ريهام عملت حاډثه ودلوقتي في المستشفي
_اي في المستشفى مستشفى اي...بسرعه...
يارا_عبد_السلام
الجزء السادس عشر... دعوى_حضانه
_الحق يا عمر ريهام عملت حاډثه ودلوقتي في المستشفي
_اي في المستشفى مستشفى اي...بسرعه...
_مستشفى
_طيب انا هروح وانت خلى بالك من الدنيا
_تمام اجى معاك
_لا يا حازم مش ضروري
وعمر مشى...
وشهد استغربت هوا لى مشي بسرعه كدا ومين ريهام دي واي علاقتها بيه الفضول خلاها تسال حازم.....
_احم استاذ حازم ممكن سؤال
_اتفضلي
_هي مين اللى استاذ عمر راحلها دي
_دي اللي كانت مراته
_اها يعنى مامت يحيي بس شكله بيحبها
حازم يصلها كدا..
_اه كان بيحبها والله اعلم باللي حصلها...
_ربنا يقومها بالسلامه..
_يارب...
شهد متعرفش هي اتضايقت لي لما عرفت أن عمر بيحبها ومتعرفش برضو اي سبب انفصالهم وهل هم ممكن يرجعوا لبعض ولا لا....
جت في بالها تساؤلات كتير بس ختمتها ب مليش دعوة وانا اشغل بالي بيه لي انا يكرهه!
في الوقت دا وصل عمر المستشفى...
_فين اللي جايه في حاډثه النهارده
_الاسم
_ريهام عبد الفتاح
_اه حضرتك دي في العنايه المركزه في الدور الثاني
_تمام شكرا
طلع ووصل..
كان في ممرضه واقفه
_لو سمحتى انا عاوز اشوف ريهام عبد الفتاح
_يااه تقريبا دي الحاله اللي جت النهارده الفجر...دي تقريبا كانت سكرانه وعملت حاډثه جامده اوووي ويعيني لحد دلوقتي محدش عارف مالها كل اللي بتقوله سامحنى يا عمر وبحبك يا يحيي
_طيب ممكن أشوفها
_للاسف دي اوامر دكتور أن محدش يشوفها اتصلنا كتير على حد من اهلها مفيش
_طيب انا عمر ممكن تخليني أشوفها...
_طيب ثوانى اجيب الدكتور يدخلك
_تمام...
لى يا ريهام عملتي كدا لي وصلتينا للحاله دي يا خساره يا ريهام يا خساره...
الدكتور جه..
_هوا حضرتك استاذ عمر
_ايوا ممكن ادخلها
_ايوا اتفضل انا مستنيك اصلا...
بص هى دلوقتي يتصارع
متابعة القراءة
