رواية لهيب الروح بقلم هدير دودو
المحتويات
اللي عملته وياريت يامرات عمي متقوليش حاجة محصلتش
اقترب فاروق من ابنه صاڤعا اياه بحدة وصاح به بعصبية وحزم
اخرس خالص ايه اللي بتقوله دة شكلك اټجننت اعتذر لمرات عمك حالا.
شهقت جليلة من فعلة فاروق المباغتة وخشيت رد فعل جواد التي تعلم أنه لن يصمت لكنها تفاجأت به عندما وجدته يسير إلى الخارج بصمت من دون أن يتفوه بحرف واحد أسرعت تسير بخطى واسعة شبه راكضة لتلاحقه صائحة باسمه
سار بصمت راكبا سيارته بعصبية منطلقا بها غير مصدق مافعله والده أمام الجميع شاعرا بالډماء تغلى بداخل أوداجه كيف له ان يصفعه ويهينه أمامهم كور قبضة يده بعصبية ضاربا بها المقود.
اقتربت مديحة من فاروق متمتمة بعصبية وحدة
شايف ابنك يا فاروق بيكلمنا ازاي ومد ايده على أروى.
خلاص يامديحة خلاص مش وقت كلامك دة دلوقتي.
صعد تاركا إياها متوجها نحو غرفته بصحبة جليلة التي كانت تطالعه بعدم رضا عما فعله.
جلس ببرود وعصبية مردفا پغضب
هو كل شوية يسيب البيت ويمشي إيه مش هنعرف نكلمه بعد كدة.
طالعته بعدم رضا وحزن وتمتمت ترد عليه بضيق
يافاروق ما أنت برضو غلطت مينفعش تمد ايدك عليه هو مش صغير يافاروق بعدين جواد مش بيدافع عن رنيم لما كلمته كان متضايق وحالف أنه يجيب حق عصام منها.
فاروق عشان خاطري اتعامل معاه بهدوء معملش حاجة لكل دة عامله زي ما بتعامل سما.
رد عليها ببرود لينهي ذلك الحديث
خلاص يا جليلة خلاص.
صمتت بتعب من تلك العلاقة التي تحاول منذ زمن إصلاحها لكنها دايما تجدها تتوتر أكثر من السابق بعد كل موقف يمر بينهما وبين كل مشاجرة تتم أثناء نقاشهما بأراءهما المختلفة دوما
في مكان مجهول مع شخص مجهول لم نعلم هويته حتى الآن تحدث ذلك الشخص بجدية ولهجة حادة
ايوة عاوزك تترافع عن رنيم السيد.
طالعه المحامي الذي أمامه بذهول متعجبا من حديثه مردفا بعملية شديدة
هو بعيد عن طلبك دة بس هي القضية لبساها لبساها مستحيل نعرف نخرجها منها.
أجابه الطرف الاخر المجهول بحدة
انت هتمسك القضية وتترافع عنها وأنا هحاول اتصرف بعدين انت عارف قضية زي دي هترفعك ازاي.
هي هترفعني بس برضو هتكون أول قضية ليا اخسرها دي ممسوكة متلبسة وفي شهود عليها.
رد عليه هو الاخر باجتهاد محاولا في اقناعه للدفاع عنها
ودي حاجة هترفعك وهترفع اسمك جامد.
ضيق عينيه بتفكير لعدة لحظات ومحاولات متعددة من الطرف الآخر بإقناعه ثم رد عليه موافقا باقتناع واهتمام بالأمر
ضحك الطرف الآخر المجهول بانتصار شاعرا به لنجاح مايريده مود أن تسير الأمور كما يخطط لها..
رواية لهيب الروح بقلم هدير دودو
في الغرفة الخاصة بأروى دخلت مديحة بعصبية صائحة بها پغضب بعدما تأكدت من غلق الباب خلفها
انتي اټجننتي يا اروى ايه الهبل اللي عملتيه دة انتي عاوزة إيه.
نهضت أروى تقف قبالتها بعصبية والډماء تغلي داخلها من رد فعل جواد الحاد معها تمتمت بضيق متبجحة ترد على حديث والدتها
إيه يا ماما اټجننت في إيه بشوف مستقبلي ولا عاوزه اسيب جواد يبص لواحدة في الفترة دي.
أجابتها بعصبية معلنة رفضها عن طريقة تفكيرها وأفعالها الغير محسوبة
لا دة اسمه جنان وبعدين استفادتي ايه بعملتك دي غير ان الحوار اتعقد جوازك منه بإيد عمك مش بإيد جواد اصلا بس اللي عملتيه دة عقد الحوار.
شعرت أروى بالڠضب يملأ داخلها ونيران تشتعل في قلبها متذكرة حديث جواد ورد فعله المباغت لها فأردفت متحدثة بحدة
وانتي فكراني هسكتله على اللي عمله معايا والله لأندمه واخليه هو اللي يلف ورايا.
لم تهتم والدتها بحديثها وتمتمت متحدثة بحدة صارمة مشددة فوق كل حرف تتفوه به
بقولك إيه يا أروى الهبل دة اهدي عليه مش وقته خالص أنتي دلوقتي تبقي زعلانة على مۏت اخوكي اللي لسة حقه مجاش انتي ازاي كدة.
أشارت بسبابتها نحو ذاتها مستنكرة حديث والدتها التي تراه في حالتها غير مألوف وتمتمت ببرود
غير مبالية لأي شئ سوى ذاتها
ابقى زعلانة على مين.. ماما انتي بتضحكي عليا ولا على نفسك عصام وجوده زي عدمه اصلا ولا كان عاملي حاجة ولا عاملك انتي كمان هو بس كان بيجي البيت عشان القرف اللي كان بيعمله مع رنيم لكن احنا لأ متضحكيش عليا ولا على نفسك دة كان مر...
أسرعت تقطع حديثها مسرعة پغضب حاد واضعة يدها فوق فمها مانعة إياها من مواصلة حديثها الضار لهما
بس بس اسكتي خالص الكلام دة ميتقالش ولا حد يسمع الكلام دة بلاش جنان يا أروى وامسكي نفسك وتصرفاتك شوية.
اومأت برأسها أماما بعدم اقتناع لكنها فعلت لذلك لأجل حديث والدتها وتمتمت بلامبالاه
ماشي ياماما خلاص كدة كدة جواد مشي.
سارت مديحة بخطى واسعة غاضبة تاركة الغرفة لاعنة أفعال ابنتها المندفعة التي ستسبب لها العديد.
جلست أروى پغضب عقلها يكرر صڤعة جواد لها وإهانته لها الواضحة معلنا رفضه لها صراحة أمام الجميع بلا تردد متذكرة كيف أبعدها عنه رافضا فعلتها واقترابها منه الغير محبب له تتوعد له بعصبية مقررة أن تجعله ېموت ندما على تركه لها ستأخد خطواتها في إظهار ذاتها وجمالها أمامه.
الحمقاء تظن أنه سيتطلع نحوها بعد رفضه الدائم لها تظن أنها ستنجح في لفت فكره نحوها لتنعم بإهتمامه الدائم..
في الصباح..
ولج فاروق لمديحة بخطوات واسعة غاضبة فوقفت قبالته بهدوء متمتمة بتساؤل مدعية عدم الفهم بالرغم من دقات قلبها المتسارعة بداخلها پخوف
ايه يا فاروق في حاجة
أسرع يجيبها صائحا بصرامة ولهجة مشددة حازمة
اه فيه وانتي عارفة انه فيه بلاش تستهبلي عليا ولا هتعملي زي ماعملتي امبارح انتي وبنتك.
شحب وجهها بتوتر وفرت الډماء هاربة منها وردت عليه بقلق وعدم انتظام
ق.. قصدك ايه يافاروق بعدين انا واروى معملناش حاجة امبارح.
قبض فوق ذراعها بقوة ألمتها جعلتها تتأوه مټألمة بضراوة متمتمة بضيق
يا فاروق اوعى ايدك واتكلم زي ما أنت عاوز.
ظل قابضا فوق ذراعها لم يتركها وغمغم بجدية حادة يوضح لها معنى حديثه عالما أنها تفهمه جيدا مدعية عدم الفهم
الكلام اللي اتقال امبارح غلط في غلط وأنا عارف جواد ضړب أروى ليه متقوليش الكلام الاهبل اللي اتقال امبارح لانه مش هيدخل دماغي.
طالعته بريبة وقلق لاعنة ابنتها سرا عن أفعالها الحمقاء وأجابته بتوتر محاولة انهاء الأمر
مفيش يا فاروق هي اعترفتله انها بتحبه شوف ابنك بقى عمل كدة ليه هي بتتعامل معاه كأنه خطيبها زي ما أنت قولت هو اللي مش موافق.
تركها بهدوء وغمغم بجدية وصرامة
قوليلها مش وقته متفتحش الحوار دة دلوقتي مع جواد ولا بنتك مش عارفة تستنى شوية.
طالعته بمكر وبدت العصبية فوق قسمات وجهها شاعرة بتخليه عن الأمر فصاحت به پغضب وحدة
لا هي تعرف تستنى بس شكلك أنت اللي اتراجعت عن الموضوع دة قولت خلاص عصام ماټ ومبقاش ليه لازمة وهتشيل ايدك منه عشان مش عارف تحكم على جواد جليلة مقوياه.
هدر بها پعنف ليجعلها تتوقف عن حديثها الذي ليس له معنى طالعها بأعين حادة غاضبة
مديحة اخرسي خالص أنا فاهم كلامك كويس بعدين لا انتي ولا عصام اللي عاوزين الجوازة دي لأ أنا اللي عاوز اجوز أروى بنت أخويا لابني بس دة مش وقته مش وقته خالص.
تنهدت بصوت مرتفع متمتمة بضيق
ماشي يا فاروق لما نشوف.
هدر بها پعنف وعصبية صارمة أخرستها
مديحة اتعدلي تشوفي ايه وأنا من امتى رجعت في كلمة قولتها أنا مش عاوز كلام في الموضوع دة دلوقتي غير لما افتحه أنا سمعاني
تراجعت مسرعة عن موقفها وصرامتها أمامه متمتمة بهدوء
آه طبعا يا فاروق أنا مقولتش حاجة أنا بس بقول يعني عشان خاطر أروى حرام نكسر قلبها عشان كدة بتكلم.
همهم يرد عليها بجدية وتعقل
أروى زيها زي سما وانتي عارفة كدة عمري ما هكسر قلبها جواد ليها بس اصبري انتي وهي بعدين دة جليلة زعلانة على وفاه ابنك اكتر منك هو في ايه ابنك لسة مېت مكملش حاجة وانتي بتفكري في جواز.
صممت مستمعة إلى حديثه پغضب متمتمة بحدة
هو ايه اللي بتقوله دة اكيد زعلانة على ابني فاروق بلاش كلامك السخيف دة ملوش داعي.
همهم يجيبها وسار متوجه نحو الخارج تاركا اياها خلفه شاعرة پغضب عارم يزداد بداخلها من حديثه
كيف له أن يتهمها بعدم حزنها على ۏفاة ابنها الوحيد! كيف يمدح في جليلة عنها ويفضلها! شاعرة بنيران حادة تشتعل في قلبها.
بعد مرور يومين...
وصلت مديحة للمنزل المقيم به عائلة رنيم بغرور أسرعت والدتها تطالعها بړعب والخۏف يملأ قلبها بعد فعلة ابنتها بزوجها تمتمت بقلق مشيرة لها بالدخول
أهلا وسهلا يامديحة هانم اتفضلي ادخلي ارتاحي.
طالعتها بغرور من أعلاها إلى أدناها وردت عليها بتكبر
مانا هدخل وارتاح دة بيتي ولا نسيتي أصلكم والحارة اللي كنتم فيها.
أجابتها مسرعة بقلق مأومأة برأسها أماما تؤيد حديثها المهين لهم
آه طبعا يا مديحة هانم كل اللي بتقوليه صح
دة بيتك وتعملي فيه اللي عاوزاه طبعا.
هبت واقفة قبالتها بعصبية صائحة بها پغضب
كويس إنك عارفة يعني كمان اقدر اطردكم في أي وقت وترجعوا للشارع اللي جايين منه.
أسرعت ترد عليها پخوف وكأن ما تخشاه سيحدث
ل... ليه بس يا مديحة هانم هو... هو أنتي شوفتي مننا حاجة وحشة دة احنا من ايدك دي لأيدك دي و...
هدرت بها پعنف وحدة أخرستها رامقة إياها بنظرات غاضبة كالسهام المنطلقة نحوها
بقولك ايه متستهبليش عليا أنتي مش عارفة بنتك الوسة دي عملت إيه بعد ما لمتها دة أنا لو طولتها هاكلها بإيدي مش هرحمها.
خرج والد رنيم بسبب صوت مديحة المرتفع تفاجأ عندما رآها أمامه أسرع مرحبا بها بقلق
ايه دة ايه دة المكان منور اتفضلي ياهانم ارتاحي.
لم تهتم بحديثه وواصلت حديثها مرة أخرى بقسۏة وغرور
ها قولتي إيه تحبي تطردوا من هنا ولا تقعدوا وتسمعوا كلامي اللي هيتنفذ بالحرف.
ردت عليها مسرعة من دون تفكير توافقها في أي شئ تريده منها
اكيد طبعا ياهانم اللي عاوزاه كله هيحصل احنا ملناش دعوة برنيم ولا طايقينها بعد عملتها السودا.
جلست بغرور واضعة ساقها فوق ساقها الآخر وتمتمت بخبث يشبه نواياها
عاوزاكم تشهدوا ضد رنيم تقولوا أن ليها في المشي البطال ومن زمان وهجيب محامي يفهمكم كل الحاجة ولللي هيتقال بالظبط.
وافقت هالة والدتها مسرعة بدون تفكير في مصير ابنتها وسمعتها التي ستدمر بل كل فكرها في مصير حياتها التي اعتادت عليها وتخشى زوالها
لأ لأ احنا موافقين طبعا احنا هنقف معاها بعد عملتها السودا دي منها لله ربنا ياخدها.
تطلعت مديحة نحو والد رنيم الذي كان يقف صامت لم يبدى رد فعل
متابعة القراءة
