العاجز والحسناء الفصل السابع كامل
فكرة انك تصدقى انى بخونك انا والله عمرى مااعمل كده اخلاقى ماتسمحليش بده وانتى ماتستاهليش منى كده انا رجعتلى ضحكتى فى اليومين بس اللى انتى جيتى فيهم هاجى اضيعك من ايدى بسهولة كده ازاى بس ياليل
كنت طفلة شاطرة جدا فى التعليم كل المدرسين كانوا بيحبونى امى كانت بتشتغل فى المدرسه اللى انا فيه واحده من العمال كانت دايما جنبى بتشجعنى كانت تشتغل علشان تخلينى أكمل تعليمى وأبويا كان بياخد منها فلوس شغلها ويضربها علشان الزفت اللى بيشربه جبت مجموع عالى فى تالته اعدادى كنت فرحانه جدا وامى كانت طايرة بيا بس ابويا قطع فرحتنا قرر انى مش هروح مدرسه تانى كفايه تعليم لحد كده وأطلع اشوف رزقى واصرف على البيت لان الفلوس اللى بتجيبها امى مش مكفياه فضلت اعيط فى البيت وامى تحايل فيا لحد مادخل علينا فى يوم وقالى خلاص شاف بيت هخدم فيه وقالنا نبطل المناحه دى تانى يوم امى جاتلى قالتلى إنها قدمتلى فى ثانوى من وراها هاخدها منازل وازاكر فى البيت واروح على الامتحانات بس ولما سألتها هزاكر ازاى قالتلى هتشتريلى الملخصات بالقسط وهى عرفت الست اللى هشتغل عندها وقالتلها إنها هتساعدنى ماكنتش مصدقة نفسي وكرم ربنا عليا فضلت اخدم فى البيوت والست اللى كنت عندها كانت حنينة اووى وطيبه كانت بتدى لابويا جزء من المرتب على اساس ده كله والباقى تديهولى تقولى خليه معاكى علشان تقدرى تشترى ملخصات وكانت بتوفرلى وقت للمزاكرة فضلت كده لحد الثانوية العامة ماجبت حسيت انى حققت حلم امى والست إلهام اللى فضلت سندانى وكانت افضالها عليا وقدمت فى كلية تمريض وكملت لحد ماخلصت بتقدير كنت خلاص افتكرت انى حلمى اتحقق ممكن اتعين فى الجامعه وحياتى هتتغير وفى نفس اليوم برضو فرحتى اتكسرت وسيد قالى ان خلاص هروح لبيت جوزى ابتسمت بتعب وكملت ابويا باعنى بس بصراحه بفلوس كتيير اووى ودخلت فى نوبة عياط وسائر فضل وهو حزين عليها حس بانفاسها هديت فهم انها نامت وقطع وعد على نفسه أنه
ليل صحت لقت نفسها نايمة جنب سائر افتكرت اللى حصل مش عارفه ازاى حكت كل ده هى بطبعها مش بتتكلم وخصوصا على حياتها اكيد دلوقتى نزلت من نظره اكتر فضلت تلوم فى نفسها وهى باصه لسائر اللى بدأت تركز فى ملامحه قد ايه هو وسيم بشعره الأسود الناعم ورموشه الطويلة لو حد كان حلفلها إنها هتتجوز واحد زى ده عمرها ماكانت هتصدق
اوووى فاقت ليل من سرحانها وركزت فى اللى قالته حطت ايدها على وشها بسرعه
ضحك سائر بصوت عالى على منظرها واخدها فى وهى بعدت بسرعه
امممم ماكان حلو امبارح
انت قليل الأدب علفكره
هااا وايه كمان
ومش محترم
قولى براحتك هاخد حقى منك لما اقف على رجلى
يعنى انت
ابتسملها وهز رأسه بالموافقة
طلعت تجرى على بره وهى بتنادى ياعمو سليم
ايه اللى هيحصل مع سائر وهيمشى فعلا ولالا
العاجز_والحسناء
