زوجي المفتري بقلم هويدا زغلول

ده مش ببلاش الاكل ده انا دافع حقه كرامتي وبعدها دخلت 
المطبخ وانا عامله اعيط وصعب عليا نفسي 
اوي من اللي بيحصل فيا ده
وتاني يوم كانو العيال رايحين المدرسه 
واول مره احس انهم فرحانين أنهم واخدين 
اكل كويس وهما رايحين المدرسه
وليد 
بقول لك ايه هو انت المفروض هتقبضي امتى اصل انا كنت محتاج قرشين كده الفتره الجايه

ولاء 
هو ايه الموضوع يا وليد هو انت مش شايف ان انت دايما كل الحمل عليا ولا ايه انت مش ناوي 
تنزل تشوف شغل ولا اي
وليد 
واشتغل ليه بقى ربنا يخليكي ليا ويخلي كمان شيماء لينا اللي بقت تجيب لنا كل اللي نفسنا فيه
ولاء 
ارجوك مينفعش اللي انت بتعمله ده انت 
راجل البيت والمفروض انك انت اللي تشتغل 
وتصرف علي البيت ولا اي
وليد 
بقولك اي نفسي تغيري بقي الاسطوانه 
دي انا خلاص زهقت منها يخربيت 
نكدك وبعدها مشيت وروحت الشغل
سمير 
كويس ان انت جيتي بدري في بنتين غايبين على المكنه النهارده معلش كنت عايزك تقعدي تخلصي الشغل كله
ولاء 
بس انت عارف لو شيماء جت وشافت ان انا قاعده على المكنه ممكن تعمل في ايه
سمير 
اسيب الشغل يتعطل يعني وبعدها دخلت 
شيماء ومعاها البنتين
شيماء 
وانا ما هانش عليا خالص يا حبيبي انا حاسس ان انت في ورطه واسكت انا رحت لحد البيت وجبت البنات ليك
سمير 
اي ده يا ناديه هو مش انتي كلمتني وقولتي 
انك اجازه انهارده انتي واختك شروق
ناديه 
اعمل اي مدام شيماء جت البيت وانا 
مقدرش اقولها لا
شيماء 
يلا كلكم انزلوا تحت وبعدها نزلنا 
بطل اللي انت بتعمله ده انا عارفه انك قولت 
للبنات متجيش علشان تخليها مرتاحه
سمير 
نفسي اعرف انتي ليه كده
شيماء 
مش لازم تعرف احمد ربنا ان مستحمله اعيش 
حياتي بدون اطفال بسببك
سمير
انتي هتفضلي كل شوية تفكريني بالموضوع ده يا شيماء قولتلك كذا لو عايزة تطلقي انا معنديش مانع
شيماء
وهو انت تقدر تستغني عني برضو ياحبيبي انت متعرفش تمشي شغلك ده من غيري
ورجعت البيت هلكانة لقيت جودي بتقولي
الموبايل بتاعي جميل اوي ياماما انا بجد بحب عمتو عشان جبتلي الموبايل اللي كان نفسي فيه
ندى
ايوه بس احنا عايزين تدخلو النت ياماما عشان نعرف نفتح فيس بوك وتيك توك والحاجات دي
ولاء
بقينا نعرف الحاجات دي يا ندى منين بقا ان شاء الله
جودي 
ده كل أصحابنا في المدرسه معاهم موبايلات وفيها فيس بوك وتويتر وتيك توك
ولاء 
احنا معندناش الكلام ده انتو فاهمين محدش يتكلم معايا في الموضوع ده تاني
وسبتهم ودخلت المطبخ 
ندى 
خلاص ياجودي ايه رايك نقول لعمتو وهي تركب لنا النت
جودي 
فكرة خلاص لما تجي انا هقولها
ورجع وليد من برة وقالي 
خلصتي الاكل الا انا جعان اوي
ولاء 
حاضر يا وليد قربت اخلص اهو انت عارف انا لسه راجعة وهلكانة
وليد 
طيب زودي عشان امي طالعة تتعشا معانا
ولاء 
تنور يا وليد 
وطلعت حماتي وقاعدت وقالت 
عاملة ايه في المصنع عند شيماء ياولاء دي مبسوطه منك على الآخر وبتقول ولاء نضيفه وبتخلي المكاتب زي الفل
ولاء بضيق 
طيب الحمد لله انها مبسوطه من شغلي
الحما 
اومال ياختي دي مبسوطه على الآخر دي كانت بتفكر يوم الاجازه تاخدك تنضفي لها شقتها لحسن الست اللي بتنضفلها تعبت ومش قادرة تروحلها
ولاء 
نعم ايه الكلام ده ياحماتي ده اليوم اللي مبصدق اقعد فيه مع بناتي اروح كمان اشتغلها في بيتها ده ظلم ده ماتتكلم ياوليد
الحما 
وهو وليد هيقول ايه ياحبيبتي هي مش دي ولاء ولية نعمتك انتي وجوزك وعيالك
وليد 
اسمعي كلام امي يا ولاء انتي عارفة شيماء خيرها علينا
ولاء 
حاضر هنفذ اي أوامر تانية يا حماتي
الحما
لا ياختي مش عايزة منك حاجه
وجه يوم الاجازة ولقيت وليد بيقولي
يلا ما يلا ياولاء هتتاخري على شيماء
ولاء
حاضر ياخويا رايحة اهو انا رايحة الجنة يعنى اش حال رايحة اشتغل لاختك خدامة وانت ساكت وراضي
وليد
ومالو ياقلبي ياهي شيماء هتشوفك بقرشين برضو
ولاء
ماهو ده كل اللي همك انا ماشية
سبته ومشيت ورحت عند شيماء وفتحتلي وقالت
اهلا ياولاء ادخلي
ولاء
والنبي ياشيماء قوليلي انا هعمل ايه عشان الحق انزل بسرعة اروح للبنات انتي عارفه النهارده يوم اجازتي وبحب اقضيه معاهم
شيماء
طيب مالك جاية حامية ليه كده يا ولاء تعالي وانا هاقولك تعملي ايه
وفضلت اروق شقتها وعشان شقتها كبير اخدت مني مجهود كبير اوي وبالصدفة وانا بزق الكومودينو بتاعها عشان امسح وراه وقع ورق على الأرض وقولت لنفسي 
ده ورق ايه ده لما اروح اقول لشيماء ولا لا شوفي يابت ياولاء ده بتاع ايه وقريته ولقيته
يلهوي يا