أدهم الشرقاوى الفصل ال85والفصل 86كاملين

حاضيقك أكيد حانروح القصر عند جدي بس مش عايز ولادي
يعيشوا فيه زي ما قولتي دا چحيم مش قصر
في شقتنا بتاعت زمان
ممكن نشوف شقه أو فيلا اللي أنت عايزاه وأكيد أولاد ينتقلو مدرسة خاصة مع أختهم
مليكه على كلامك لازم نعيش في الإسكندرية 
أدهم آه لأني مش عايز أبعد عن بنتي أنا مرتبط بها جدا وهي كمان وماقدرش أعيش بين القاهرة والإسكندرية
وكل ولادي متفرقين أكيد ملك حاتفضل مع مامتها شكلا بس في اخر مامتها وكمان ولادي محتاج أتعرف عليهم ويتعرفوا عليا
نعوض بعض عن سنين الحرمان اللي عشناها
مليكه بس أنا ماقدرش أسيب أخواتي هما لسه محتاجين ليا وخاصة سها متعلقة بيا
أدهم أظن أن أولادك أولى وأنا بحاول ألاقي حلول لينا
أنت طلبت الطلاق وأنا مش حاطلقك لأن عايز اخد راحتي في بيتي مع أولادي أكيد حبات معاهم واطلع معاهم بس لو طلقتك مش حاعرف اعمل دا
مټخافيش مش حا فرض نفسي عليك ولا أطالبك بي حاجه
حاتبقي بالنسبة ليا أم أولادي
كان نفسي نكون أسرة وتكوني مراتي بجد بس طالما بتكرهيني فا الأحسن لينا كده ولي أولادنا
لو رفضتي يا مليكه حاخد أولاد وأنا مش حابب دا نهائي
أكثر من كده مش عارف أعمل ليكي أية
انهارده حاخد أولاد القصر يتعرف على جدهم لو حابه ممكن تيجي معانا
مليكه لا
أدهم تمام عايزة شقه ولا فيلا
مليكه أنا أصلا لسه موافقتش ومحتاجة أتكلم مع أخواتي
أدهم براحتك أنا عملت اللي عليا
لو سمحت جهزي أولاد علشان نسافر أنا ورايا شغل كثير
مليكه حاترجع أولاد أمتي
أدهم لما تاخدي قرار ولما هما يكونوا حابين يرجعوا
وقام وسابها
جهزت أولاد وطلعت شنطة صغيرة تحط فيها هدومهم وهي حزينة و شايفه أولادها مبسوطين ازاي
إحساس وحش بتحسو
ادهم متابعها في صمت
خلصت وراحت عندهم
مليكه خلو بالكم من نفسكم و اوعو تعملوا شقاوة
لو سمحت خلي بالك منهم ماتخليش حد يضايقهم
ادهم لو عايزة تحمي أولادك يلا معانا
مليكه لا
أدهم أوك يلا سلام
نزلوا تحت وقابلوا ياسين
ياسين خلاص مسافرين
أدهم آه والله حاولت معاها كثير مش عايزة
ياسين الشيطان راكبها خليها تهدأ كده والبعد عن أولادها حا يخليها تاخد القرار بسرعة
ركبوا العربية تحت نظرات ودموع مليكه
ادهم حرفيا صعبت عليه
وصلوا القصر
رحيم كان في المكتب
خالد وخلود كانو منبهرين جدا جدا بي الفخامة والرقي اللي شافوه في القصر
ادهم جهزتي اللي قولتلك عليه
الشغالة آه يا فندم
رحيم حس ان في حاجة بره
طلع وشاف ادهم واقف ومعاه أولاد
قلبوا ابتدأ يضرب بسرعة ومش فاهم حاجه
ادهم إزيك يا جدي
رحيم الحمد لله مين دول
أدهم ولادي خالد وخلود
هنا كانت نازلة كامليا بعصبية
كامليا أنت اتجوزت عليا ملك راحت تجري عليها
ملك وحشتيني يا مامي
كامليا اوعي كده مش وقتك دلوقتي
مين دول
أدهم ولادي وأظن أنت عارفة إني قبلك كنت متجوز وانت زوجه تانية
رحيم دول ولاد مليكه
ادهم آه مليكه كويس انك فاكرها
وبص ليه بنظرات هات رحيم ارتبك
يلا يا ولاد نطلع نرتاح
خالد وخلود مصډومين من ردة الفعل بتاعت كامليا مع بنتها مسك أيد اختو وطلعوا ورا ادهم من سكات
أما رحيم بقي قعد على أقرب كرسي من الصدمه
ايه رأيكم