قصه مشوقه

 

اتصلت بعامر..
ايوة يا حبيبتي فكرتي كويس 
غمضت عيني وقلبي بيتقطع وقولت
ايوة يا عامر فكرت انا موافقة اتجوزك عرفي !
يتبع
الجزء التاني شكرا على تفاعلكم السكر زيكمبقلم سولييه نصار
برافو يا حبيبتي تفكير هايل ....يومين اضبط نفسي ونتجوز 
خرج بابا الاول 
لا لا يا اماني ابوكي مش هيخرج الا بعد  انا وانتي انا مبثقش فيكي 

حرام عليك اللي انت بتعمله ده يا اخي انت ايه 
بلاش دراما يا حبيبتي ويالا اقفلي دلوقتي انا وصلت البيت وصحيح ردي علي صفاء عشان قلقانة عليكي وكانت عايزة تجيلك بنفسها 
طيب 
بس حسك عينك تقوليلها حاجة انتي فاهمة 
وبعدين قفل السكة في وشي ....
وقعت علي السرير وفضلت اعيط ...انا استسلمت للشيطان وقررت اخون صاحبتي بس اعمل ايه ...ابويا هيروح مني لو معملتش كده ...كنت حاسة ان الدنيا كلها عليا ...غمضت عيني ونومت...بس حتي احلامي كانت كلها عن صفاء ...صفاء پتكرهني وبتلومني اني سړقت جوزها منها ...كانت بتلومني انا وهو في نظرها كان البرئ ...قومت من نومي مڤزوعة وانا بعيط ...قررت اجرب اخر حل يمكن اقدر الحق نفسي ....
بعد ساعتين اتصلت بيا صفاء ورديت...
ايه يا بنتي فينك ده كله انا قلقت عليكي. ..
صفاء هو عامر عندك 
لا جه من ساعتين وطلع من نص ساعة قال وراه شغل في القسم
طيب انا جيالك عايزة اقولك حاجة ضروري ...
وبعدين قفلت معاها وغسلت وشي ولبست وروحتلها جري ...
يا بنتي بقالك نص ساعة هنا وانتي ساكتة مش كنتي عايزة تقوليلي حاجة ..!
قالتها صفاء بحيرة ...دموعي نزلت وانا ببصلها فقالت بخضة
يالهوووي مالك يا بت بټعيطي ليه !
صفاء بابا اتحبس في قضية  
يالهوووي يا اماني ...مستحيل عم مدحت ميعملش كده ...
مسحت دموعي وقولت
وعامر هو اللي قبض عليه 
اټصدمت وقالت
ايه مقاليش حاجة زي كده طيب انتي مقولتليش ليه ...
حطيت وشي في الارض وانا بحاول اسيطر علي نفسي وقولت
جوزك عامر بيساومني لاما اتجوزه لاما هيحبس بابا عشر سنين ...ساعديني يا صفاء ...
ايه اللي بتقوليه ده يا اماني
قالتها پصدمة فهزيت راسي وانا ببكي وحكيتلها كل حاجة 
وبعد ما خلصت قامت پغضب وقالت
اطلعي برة يا احقر خلق الله ...بتبوظي سمعة جوزي وتلاقيه ابوكي هو اللي غلطان 
صفاء ..
بقولك برة ..برة افتكرتك صاحبتي وانتي عايزة تلفي علي جوزي ...
فيه ايه 
جه صوت عامر من ورايا ...
جريت عليه صفاء وقالت
شوف يا عامر ...شوف اللي كنت بعتبرها اختي طلعت حاطة عينيها عليك وعايزة تسوء سمعتك قصادي ...دي طلعت شيطانة بجد ...
بصلي عامر پغضب ولسه هيتكلم ...جات ومسكتني صفاء من ايدي وقالت
برة ...اطلعي برة مش عايزة اشوف وشك تاني ...انتي مش صاحبتي انتي طلعتي شيطانة حية من تحت تبن ...
وبعدين طردتني!!!
كنت في بيتي بعيط پجنون ...انا انتهيت صفاء مصدقتنيش ...وعامر اكيد هياذي ابويا ....
الباب خبط فجريت عليه ...فتحت لقيت عامر ...