قصه كامله
المحتويات
يلا اطلع بره وانتي جهزي الاكل بقى يلا
كان بيزعق جريت وقفت على البوتجاز و نادر خرج بسرعه رغم ان بابا بيدلعنا و وبيضحك معانا بس وقت ما بيكون جاد بيكون شخص شديد جدا اول مره نشوفوا .
خلصت اكل وطلعت رصيت على السفره و ماما طلعت قعدت معانا ولسه هعقد الباب خبط فتحت لقيت يونس و تسنيم حضنت تسنيم وسلمت عليها ودخلوا بإحراج اول ما شافوا الاكل يونس اتكلم
بابا اتكلم _ايه ده اللي غلط ده احسن وقت حماتك بتحبك انت وهي اقعدوا يلا معانا
_لا شكرا والله أكلنا يا عمو
_ليه يا بنتي كده كملي معانا دي حتى سجى اللي عمله الاكل
Eman Saleh
بابا مسك فيهم وقعدهم ويونس قعد على الكرسي واتكلم
_بقى انتي يا سجى اللي عملتي الاكل
_انا هجهز رقم الإسعاف قبل ما ناكل عشان تلحقنا
ضحكوا كلهم وانا بصتله وكشرت
_ليه بقى ده انا اكلى احلى اكلي مكلتوش قبل كده
_واضح واضح
نادر ضحك _عشان تعرفي مش انا لوحدي
بصتله بغيظ وهمست _بارد !
بدأنا ناكل ويونس كان بياكل وباين عليه علامات الرضا بصتله بانتصار وضحكت بابا بص ل تسنيم واتكلم
ابتسمت بهدوء _انا في تالته طب بيطري يا عمي
ماما بصتلها وابتسمت _ايه ده نفس كلية نادر ابني اتجدعني كده وانزلي اتدربي معاه مع أن انا مش عارفه حابين ايه في كلية الحيوانات دي
تسنيم ضحكت واتكلمت بخجل _والله يا طنط انا ما كنت عايزاها بس التنسيق الي منه لله بقى
نادر بصلي بغيظ و تسنيم اتكلمت بدهشه فيها بعض الخجل _معقول يا دكتور نادر حد يسيب بشړي عشان بيطري!
_اه انا بحب المجال ده
_ليه يعني سوري تسيب تعامل البشر وتتعامل مع الحيوانات مش فاهمه حاجه
_انتي اللي بتقولي كده يا دكتوره تسنيم بعد ما قعدتي في الكليه تلات سنين المفروض تكوني عرفتيها
_ما هي بيطري فيها مميزات واهمها أننا بنعالج كائنات مش بتعرف تتكلم ولا تعبر عن اللي جواها الحيوانات دي كائن صامت مش بيعرف يتكلم ف احنا بنعالجه ده في حد ذاته حاجه عظيمه أما الإنسان ف بيعرف يقول ايه بيوجعه أما الكائنات دي لا
_طيب ما فيه قسم زي قسم الأطفال برضوا مش بيعرفوا يعبروا
بصتله وابتسمت وانا بصتلها _خلصي الامتخانات بس وتعالي اتدربي في المزرعه مع نادر
نادر اتكلم بسرعه _ياريت
سكت شويه واتكلم بتردد _فصدي يعني عشان ادربك ازاي تتعاملي معاهم بسهوله وتحبي كليتك اكتر ولا
متابعة القراءة
