سيد القمر الاسود
المحتويات
و وجنتها وهو ينهض ..
انا هدخل اخد حمام على السريع..
وارجعلك حالا نحل مع بعض اللغز الكبير ده..
ثم اشار لها وهو يقول بمرح
بس خلي حد يطلع لنا الغدى هنا لاني ھموت من الجوع..
بعد قليل..
استلقى عمر بجانبها بعد ان انهى حمامه وارتدى ملابس منزليه مريحه وهو يقول باهتمام..
وريني كده الاول كراسة الشروط ..
ثم بدء بقرأتها باهتمام..وهو يوجه لها العديد من الاسئله ويدرس الاوراق التي امامه ..
ثم بدء في الشرح لها بجديه وهدوء اكثر من مره دون ان يشعر بالملل حتى بدئت في استيعاب قليلا ..قليلا ما يشرحه لها حتى انتهوا من اعداد نقاط واضحه وقويه سيقوموا بالبناء على اساسها مع ساره المحاسبه الخاصه بشركتهم ..
واخيرا فهمت اللغوريتمات دي بتتكلم عن ايه..ربنا يخليك ليا يا حبيبي ..انت احسن مدرس في العالم..
ثم تابعت بسعاده
انا هاتصل بيهم علشان اطمنهم ..
ثم تناولت هاتفها وبدئت تتكلم مع مرام وهي تحدثها بحماس شديد ثم تابعت
كلمي انتي ياسر وساره وعرفيهم لحد ما اقابلكم بكره..
ثم تابعت براحه
ماشي يا حبيبتي مع السلامه..
ابتسم عمر بسعاده وهو يتأمل فرحتها الطفوليه ..
ثم نهض فجأه يلملم الاوراق و يزيل جهاز الحاسب الخاص بها وهو يقول باهتمام..
يلا بقى يا حبيبي خلصنا شغل يبقى تدخلي تاخدب دوش وتتغدي علشان ترتاحي شويه حفلة بليل..
بطاعه ..
حاضر يا حبيبي ..
ثم دخلت الى الحمام
وهي تدندن بسعاده..
بعد قليل ..
جلست حبيبه بجانب عمر الذي قال بجديه..
مينفعش كده يا حبيبه ..انتي مكلتيش حاجه..
هزت حبيبه رأسها برفض..
والله انا مش بتدلع ياعمر بس حقيقي انا مش قادره وشكل الاكل
قلب معدتي مش عارفه ليه..
تنهد عمر بضيق
انا مصدقك يا حبيبتي..بس مينفعش تفضلي يوم كامل من غير اكل انتي كده ممكن تتعبي
حبيبه بتردد
طيب ممكن اكل اي حاجه حادقه جبنه او مخلل ..اي حاجه من دي يعني..
سحب عمر الهاتف واتصل سريعا على المطبخ وأمرهم باحضار بعض انواع الجبن و قد قاموا بتلبية طلبه سريعا ..ليعود اليها ويجلس بجانبها وهو يقول باسترضاء وهو يتناول قطعه من الجبن
ثم تناول قطعه من اللحم بالشوكه وقربها من فمها وهو يقول باهتمام
انتي هتكلي معلقه من الاكل ده ووراه تاكلي حتة جبنه علشان تضيعي طعم الاكل الي مش عاجبك..
حبيبه برفض ..
بس...
عمر بصرامه شديده يحاول بها ترهيبها حتى تستجيب وتأكل دون اعتراض..
مفيش بس..بطلي دلع وافتحي بوقك..
فتحت حبيبه فمها بطاعه وتناولت الطعام تحت ضغط خۏفها منه في حين حرص عمر على وضع القليل من الجبن في فمها وراء كل ملعقة طعام حتى يزيل الطعم من فمها..
حتى انتهت من تناول الطعام ..
مقولتليش ..عملتي ايه في الشغل النهارده.. في حاجه جديده غير موضوع المناقصه..
ابتسمت حبيبه براحه وهي تقص عليه احداث يومها
________________________________________
كما عودها دائما..فمن اول يوم لها في العمل وحتى الان وهو يحرص وبشده على ان تعتاد على ان تقص له كل احداث يومها في العمل وبالتفصيل..
عمر بجمود
وهاتروحوا امتى تعاينوا النادي الصحي ده..
حبيبه بنعاس..
هنروح بكره انا ومرام وياسر..
عمر بشده وهو يقول بحمايه..
ماشي يا حبيبتي ..نامي انتي دلوقتي علشان تقدري تقومي مرتاحه..
في حين ظل هو بدون نوم وعقله يعمل في كل الاتجاهات..
في المساء ..
وقفت حبيبه امام المرٱه تتأمل نفسها برضا وقد ارتدت الفستان الذي اختارته بعد ان قام المصمم باجراء بعض التعديلات عليه ليناسب ارتدائها للحجاب..
ثم ابتسمت برقه وعمر يقترب منهو يقول بحنان..
زي القمر يا حبيبتي بس ناقصه حاجه واحده..
شهقت حبيبه باعتراض وهي تتراجع للخلف وتقول برفض وهي تراه يفتح صندوق مجوهرات صغير ويخرج منه طقم من الماس المرصع بالياقوت ..
انا مش هلبس مجوهرات ..كفايه اخر مره والي حصل فيها..
اقترب عمر منها ثم قال بجديه..
وايه الي حصل اخر مره ومخوفك اوي كده..
التمعت عيون حبيبه بالدموع وهي تقول پاختناق..
انت عارف ايه الي حصل والي جيلان عملته فحتى لو كنت مش مصدقني فأنا..
عمر بهدوء ..
ومين قال اني مش مصدقك..
حبيبه بدهشه وڠضب
يعني ايه مش فاهمه ..ولما انت مصدقني كنت بتعمل فيا كده ليه
اقترب عمر منها
وهو يتجاهل حديثها ويقول بهدوء
البسي المجوهرات يا حبيبه وكفايه كلام في الموضوع ده لحد كده
حبيبه بتحدي
مش لابسه يا عمر ولو عاجبينك اوي البسهم انت..
اقترب عمر منها وهو يقول بهدوء خطړ..
بتقولي ايه..لو مش عاجبني اعمل ايه..
حبيبه بارتباك وخوف..
انا مقصدش..بس انا مش عاوزه البس مجوهرات ويتقطعوا زي الي هم والا يضيعوا دا انا كان قلبي هيقف من كتر الړعب وانا بلم في في العقد من على الارض
ثم تابعت باحتجاج وهي تراه ينظر لها ببرود
تقدر تقولي كنت هعمل ايه لو فص او حته منه ضاعت او ملاقيتهاش
أدارها عمر و بدء في وضع القلاده الماسيه حول وهو يقول بصرامه مقصوده ..
البسي يا حبيبه ..والي يتقطع يترمي واشتريلك الف غيره..ومش عاوز اسمع بعد كده اي اعتراض على
متابعة القراءة
