رواية رد حق بقلم زينب مجدي (كاملة)
المحتويات
كلها اتفقت إنهم ېحطموني
زينب..... طيب استهدي بالله وقوليلي إيه إللي حصل
جهاد..... حد راح قال لمعاذ إني كنت مسجونه وإني كنت بشتغل خدامه . وأنا نهيت معاه الخطوبه
زينب..... لا حول ولا قوه الا بالله أهدي طيب
بصي قومي صلي مش هترتاحي غير لما تصلي
وربنا يصلحلك حالك ويعوضك خير علي ابتلاءك ده
قامت جهاد تصلي وخرجت زينب من الغرفه تكلم معاذ
معاذ...... هي صحبتك مقالتلكيش
زينب..... ملكش دعوه بصاحبتي أنا بسألك إنت
معاذ. لا إله إلا الله. بصي يا ستي وأنا قاعد في ورشتي لقيت اخويا جاي جري ينادي عليا
روحت البيت لقيت واحد
________________________________________
قاعد مع أبويا وأمي وهما الحزن مرسوم على وشهم
اقولهم في إيه إللي حصل
أنا واحد متعرفوش بس أنا عارف مراتك . مراتك دخلت السچن ولما خلصت مدتها الظابط شغلها في العماره بتاعته خدامه . لغايه ما عملت تصرفات مش كويسه . للاسف كانت بترش سحر لستات العمارة ومسكوها وطردوها من العمارة . وسابت البلد وجت اشتغلت هنا . علشان سمعتها إللي زي الزفت .
أنا مسكت الراجل واتخانقت فيه
وكلمتها وهي مأنكرتش وقالتلي إنها فعلا اشتغلت في البيوت وفعلا كانت في السچن.
قوليلي إنتي أعمل إيه وبعد الكلام إللي أبويا وأمي سمعوه
أكمل الجوازه ازاي . الحمد لله هي جت منها ونهت الموضوع
زينب.... ماشي يا معاذ على العموم إللي حكالك الموضوع ده افتري عليها وظلمها وأنا لما اجي هروح لعمي واحكيله الموضوع .مش علشان يوافق على الجوازه
وحسبي الله ونعم الوكيل في الشخص إللي افتري عليها
ربنا ينتقم منه زي ما ظلمها
معاذ..... طيب حاولي تطيبي خاطرها بكلمتين يا زينب
أنا على عيني إللي بيحصل ده
زينب..... ملكش دعوه بيها بقي يا معاذ سيبها في حالها
عادت زينب إلي الغرفة وجدت جهاد انهت صلاتها وجلست تقرأ في المصحف وتبكي
ظلت جهاد تبكي فقالت زينب
زينب...... والله ربنا شايلك خير كبير أوي
إنك تصبري على الابتلاءات دي
دا ربنا بيقول
إنما يوفي الصابرون أجرهم بغير حساب
تخيلي كده تيجي يوم القيامة متتحاسبيش
وتدخلي الجنه على طول زي ما ربنا قال بغير حساب
وكمان ربنا بيقول وبشر الصابرين
وإنتي صبرتي يا جهاد وصدقيني آخر صبرك خير
الدنيا عمرها ما هتكون ابتلاءات بس
صدقيني والله هتفرحي فرحه تنسيكي كل التعب إللي شوفتيه في حياتك .ده اختبار وبالله عليكي حاولي تنجحي فيه
ارتمت جهاد داخل أحضانها وبكت وقالت
جهاد.... إنتي أحسن صديقه في الدنيا يا زينب
كلامك زي ما يكون مرهم اتحط على چرحي
________________________________________
وطيبه
ونظرت لأعلي وقالت
أنا راضيه والله يارب وراضيه بأكتر من كده المهم إنت يارب ترضي عني
ورن تليفون زينب فقامت بالرد على أيمن
أيمن....ازيك يا زينب عامله ايه
زينب.... تمام الحمد لله . في حاجة ولا ايه
أيمن.... آه كان في موضوع كده عايز أكلمك فيه
زينب..... اتفضل
أيمن..... بخصوص الڜغل وكده أنا كنت عايزك تسيبي الشغل
وكمان بياتك في السكن بكون قلقان عليكي جدا
زينب..... بص يا أيمن إنت دخلت بيتنا وشوفت ظروفنا
وأنا من أول يوم قولتلك إني مش هسيب الشغل
أيمن..... متفهمنيش غلط ... أنا بحاول أدور معاك على حل
زينب....... للأسف أي حل فيه إني اسيب الشغل مش هقدر أوافق عليه
أيمن..... طيب خلاص أنا هفكر في حل واكلمك . وأنا آسف لو ضايقتك اعتبريني مقولتش حاجه
واغلق الهاتف وذهبت زينب إلى جهاد
زينب بإبتسامه...... اتأخرت عليكي
جهاد كانت تنظر أمامها پصدمه ولا ترد
زينب..... مالك يا جهاد
جهاد...... أنا في مصېبه
زينب....يا ستير يارب إيه إللي حصل
جهاد .. شريف طليقي هو إللي راح لمعاذ
زينب..... إنتي مين اللي قالك
جهاد..... پصدمه شريف بعتلي رساله
زينب.... وريني كده
أمسكت زينب الهاتف وقرأت الرساله
طبعا إنتي دلوقتي ھتموتي وتعرفي مين اللي راح لخطيبك
أنا شريف إللي روحتله .والغبي مصدقنيش واټخانق فيا وطردني
بس على العموم إنتي مش هتقدري تكملي الجوازه دي علشان ساعتها هتتسجني
لأني بعد ما طلقتك رديتك تاني
إيه رأيك في المفاجئة دي
ارجعي البيت بكرامتك قبل ما اطلبك في بيت الطاعه
يتبع...
10
زينب پصدمه..... حسبي الله ونعم الوكيل
حسبي الله ونعم الوكيل
جهاد بإنهيار.... عرف مكاني إزاي وعرف رقمي ازاي وايه إللي فكرو بيا .يارب أنا تعبت يارب .يااااااارب ارحمني يا رب
زينب بدموع.... أهدي يا جهاد هيجرالك حاجه
جهاد ومازالت مڼهارة
أنا تعبت تعبت اوي يارب
ظل التليفون يرن برقم شريف لكن خاڤت جهاد أن ترد
بعث لها رساله
اقسم بالله لو مفتحتيش التليفون لتلاقيني داخل عليكي المزرعه وهعملك ڤضيحه ما هخليكي تعرفي ترفعي عينك في حد تاني . وعلى العموم أنا في المنصوره وقدام المزرعه كمان
نظرت جهاد إلي زينب وقالت
اعمل ايه أعمل إيه
زينب.... هو ممكن فعلا يجيلك
متابعة القراءة
