رواية أحبني بالصدق كاملة بقلم سمسمة محمد

عدييل وبدون حب وكلام فارغ فا ليه ترفضيهو وحاليا مهند الرفضتيهو عشانو دا حيعيش حياتو وحيعرس وانتي ليه م تشوفي حياتك وتبدي من جديد ومهند دا اعتبريه صفحه وانطوت وانسيهو وعيشي حياتك لانو البكى والزعل دا لا حيودي ولا حايجيب عشان كدا من هسا اوعدي نفسك انك م تبكي عشانو واستخيري في ابراهيم دا يمكن يسعدك اكتر من مهند انتي جربي بس ..

قلته ليها بس انا م عايزه اظلمو معاي ويمكن يلقى الاحسن مني
نون انتي جربي بس ي اية واستخيري خسرانه شنو
انا فعلا فكرته في كلامها ولقيتو صاح وكنته عايزه انسى مهند بس
بعدها العشاء جاء صليتو وصليت صلاة استخارهوبعدها نون جاتني قالت لي حنحضر فيلم قلته ليها طيب جبنا اندومي وفشار وعصاير وقعدنا نحضر
وبجد انبسطنا وخلتني انسى الحصل وكانت بتحاول تضحكني حرفيا هي اختي الما ولدتها امي
بس رغم اني عامله مبسوطه في جزو مكسور في قلبي 
نمنا متأخر وصحيت الصباح حسيت نفسي مرتاحه واحسن من امس بي كتيرر ... عاينته لقيت نون لسه نايمه 
دخلته الحمام فجأه اتذكرته مهند دموعي نزلو من دون م احس وقفته قدام المرايه واتحديت نفسي وقلته انا حأتجاوزو وحأنساهو والحياه م واقفه عليهو رغم انو موضوع اني انساهو صعب شديد .. استحميت واتوضيت طلعته لقيت نون صحت وماسكه تلفونها
سألتني بقيت كيف
انا الحمدلله احسن يلا ادخلي الحمام وتعالي صلي عشان نشرب الشاي ..
نزلته لقيت امي قاعده صبحته عليها وبستها في رأسها لقيتها عامله لينا شاي وفي بسكويت شلتو ومشيت غرفتي لقيت نون طلعت وعايزه تصلي
بعد صلت قعدنا نشرب في الشاي قالت لي اها حصل شنو بعد م استخرتي
انا ما عارفه ي نون بس صحيت مرتاااحه شدييد 
نون طيب بصراحه كدا انتي رأيك شنو في ابراهيم 
انا الصراحه هو زول كوويس يعني وم شفته منو حاجه كعبهه بالعكس 
نون طيب مدام مرتاحه ليهو وهو زول كويس ماف مانع انك توافقي عليهو
انا والله م عارفه اعمل شنو ضايعه وم عايزه اتسرع
المهم اتكلمنا كتير في الموضوع دا
نون مشت بيتهم بالعصر كدا بعد م مشت انا بقيت بفكر في الموضوع يووم كامل وانا بفكر في الموضوع دا وقررته اني حأبدا حياة جديده مع ابراهيم وحأطوي صفحة مهند وحأتجاوزو ونون ساعدتني شديد في اني اختار القرار دا
قلته م اتصل عليهو طوالي بتصل عليهو تاني يوم عدى اليوم وتاني يوم بالنهار اتصلته عليهو
ابراهيم الو
اناا لما سمعته صوتو سكته مسافه وعايزه اطلع صوتي م قاادره عديييلقمته قفلته الخط طوالي
تاني اتصلته عليهو قلته اتشجع برضو حصل نفس الشي م قدرته اتكلم التقول ماسكين لي خشمي وقفلته الخط للمره التانيه
فالنهاية قلته خلاص بتصل عليهو بعدين أحسنن كنته عايزه اتهرب من الموضوع بي اي طريقه المهم بالليل كدا اتشجعته واتصلته عليهو رده بعد م الجرس قرب يقفل
والمره دي هو م اتكلم
انا السلام عليكم
ابراهيم وعليكم السلام
انا كيفك 
ابراهيم بخير الحمدلله بس مين م عرفتك 
جاتني الشجاعه من وين م عارفه قلته ليهو معاك آية 
ابراهيم اية منو برضو م عرفتك
هنا انا اتأكدته انو هو عرفني بس بتعاور
انا م جادي يعني خلاص اقفل المكالمه
ابراهيم خلاص خلاص انا اصلا من اول كلمه كنته عارف انو دي انتي معقوله بس م اعرف ايتي
انا هنا سكته مسافه حتى قلته ليهو طيب مدام عارفني من الاول مالك بتتعاوروبتين بقيت ايتك
ابراهيم يعني مرتي وم اتعاور معاها كمان وانتي من يوم شفتك ايتي وانا من زمان منتظرك عفكره 
هنا انا فصلته عديل لما شافني سكته قالي اها موافقه بي ولا اجي اخطفك ڠصبا عنك
انا بصوت واطي موافقه 
ابراهيم احلففيي اقسم باللههه انيي م مصدقققيعني وأخيرا حتبقي مرتي وحلالي 
انا انبسطه شديد لما شفتو مبسوط كد
قالي خلاص اجهزي يوم الجمعه حأجيب اهلي واجي
انا بس بالسرعه ديي
ابراهيم ياخ انا الجمعه شايفها بعيده تقولي لي بالسرعه دي
اتكلمنا شويه وقفلنا
وانا كنته مرتاااحه وحسيت اني م غلطانه لما اخترته ابراهيم 
وجا اتقدم لي وحددو العرس بعد شهر ونصوطول الشهر دا وهو كل يوم بتصل علي وخلاني احبو شديييد بتصرفاتو وكلامو ونساني مهند والحصل معاي بالجد كان نعمهحرفيا م مره يوم بدون