اسكريبت كامل

وجوده اتعودت عليه مش متخيله حياتي تبقى من غيره خرجت من اوضتي كانت الساعة 2 الظهر ازاي هو لسه نايم كل ده على طول بيصحى بدري خبطت على باب اوضته بس مفتحليش فضلت اخبط وانده عليه مش بيرد خۏفت عليه فا قررت ادخل اشوفه قربت من السرير بهدوء وانا بنده عليه بس مش بيرد كان ببترعش جامد قربت اجسه لقيته سخن مولع خرجت جبت كمدات ودوا وفضلت اعمله كمدات وصحيته شربته الدوا فضلت جمبه بعمل الكمدات لحد ما حرارته نزلت

جيت اقوم من جمبه لقيته مسك ايدي وقالي بصوت تعبان_ خليكي جمبي متسبنيش علشان خاطري 
فرح_ مش هسيبك حاضر ارتاح انت بس
فضلت جمبه لحد ما راح في النوم وهو ماسك في ايدي بعدها اسحبت من جمبه وخرجت روحت اعمله شوربة خادتها ودخلتهاله بس اتفجأت لقيته قاعد على السرير بيعيط 
فرح_ سليم مالك انت بټعيط ليه في حاجة
لقيته بيحضني وعمال يعيط جامد 
سليم_ فرح انتي هتسبيني صح انا ...انا والله مقدرش اعيش من غيرك انا اسف انا غبي على كل اللي عاملته حقك عليا بس متسبنيش انا عايز اكمل حياتي معاكي انتي انتى اسم على مسمة فعلا فرح انتي فرحتي وكل حاجه حلوة في حياتي انا اسف والله 
فرح_ طب اهدى طيب وبعدين نتكلم انت تعبان 
سليم _ انا بحبك والله العظيم بحبك يمكن من اول يوم كمان بس انا كنت مغفل مش عارف احدد مشاعري بس انا دلوقتي متاكد منها 
فرح بعياط _ مش عارفة اقولك ايه 
سليم_ موافقة تكملي حياتك معايا 
فرح_ بس انت كسرت قلبي وچرحتني 
سليم_ انا اسف هعوضك عن كل دمعة نزلت منك بسببي اوعدك بس علشان خاطري ادي علاقتنا فرصة تانية أرجوكي 
فرح بإبتسامة _ هفكر 
ساعتها كان صوت الست في الباد جراوند وهي بتقول_ ياما عيون شغلوني لكن ولا شغلوني إلا عيونك انت دول بس اللي خدوني وبحبك أمروني. 
تمت
بقلم هايدي يسري