قصه مشوقه

حمام السباحة لتأتي العاملة بعد قليل حاملة صينية بين يديها لترص ما بها فوق الطاولة وتنسحب للداخل تاركة تلك التي بدأت بتناول الطعام بشهية مفتوحة ووجه ضاحك كلما تذكرت كلمات ذاك الذي غمرها بعشقه وأفرط في دلالها بطريقة راقيةانتهت من تناول الإفطار لتأتي العاملة وترفع الأواني وبعد قليل أتت عزة حاملة قدحا من القهوة لتنطق بحبور ودلال 
قهوة ست البنات 
ابتسمت بسعادة وبسطت يدها لتتناول قدح القهوة قائلة باستمتاع
ميرسي يا عزة تسلم إيدك
نطقت بسعادة بالغة 
بالهنا والشفا يا حبيبة قلبي 
اطالت النظر بعينيها لتسترسل بمشاكسة 
شكلنا هنستقر هنا وست البنات هيكون مكانها في جناح الباشا قريب
اتسعت عيني إيثار وتوردت وجنتيها لتتحدث بابتسامة خجلة 
إيه اللي بتقوليه ده يا عزة عيب كدة
ضحكت لتتحدث بمداعبة 
هو إيه ده اللي عيب كفانا الشړ ده جوزك حلالك اللي بېموت فيكي
قطبت جبينها تتطلع عليها لتقول بنبرة ساخرة 
بېموت فيا مرة وحدة ودي عرفتيها لوحدك ولا حد قالها لك يا أم العريف
ضحكت لتجيبها بتأكيد 
وهي دي محتاجة حد يقولها لي طب ده الجدع إتفزع وقلبه كان هيخرج من صدره أول ما دخل الصبح ولقانا بنلم حاجتنا في الشنط لولا الملامة كان جري عليك وأخدك في حضنه واترجاكي ما تسيبيه
ابتسمت إيثار بسعادة لتسترسل الاخرى بملاطفة 
العيون بتفضح الحبيبة مهما خبوا عنيهم بتفضحهم وسيادة المستشار عيونه فضحته والنبي الراجل دايب في جمالك يا ست البنات
اكتسى وجهها بحمرة الخجل لتنزل بصرها للاسفل مبتعده عن مرمى عيني تلك المراقبة لتغيراتها بسعادة قطع تلك اللحظة إقبال فريال التي تحدثت بنبرة جادة إلى عزة 
إعملي لي فنجان قهوة لو سمحتي يا عزة
من عنيا يا ست هانم حالا هيكون عندك أحلا فنجان قهوة...نطقت كلماتها لتنسحب للداخل في حين تحدثت فريال بابتسامة مصطنعة 
تسمحي لي أشرب قهوتي معاك
أكيد طبعا إتفضلي... نطقتها باشارة من كف يدها للجلوس جذبت المقعد وجلست لتقابلها ثم تحدثت بنبرة جادة 
هو إنت مش هترجعي لشغلك تاني 
اجابتها بهدوء 
هرجع أكيد
لتستطرد بحرج ظهر بعينيها
المسألة مسألة وقت مش أكتر
هزت رأسها بتفهم لتأخذ نفسا عميقا قبل أن تنطق بنبرة مترددة 
عاوزة اتكلم معاك شوية بخصوص فؤاد يا إيثار 
نظرت لها إيثار بتمعن لتتنفس الأخرى بعمق قبل أن تسألها بعينين مترقبة 
هو أنت نمتي في أوضة فؤاد إمبارح 
قطبت جبينها بعدم إستيعاب لسؤالها لتسترسل الأخرى بتفسير أشمل 
حصل بينك وبينه حاجة يعني
اتسعت عيني إيثار لتستطرد الاخرى بجرأة تصل لحد الوقاحة 
من الأخر كدة انا شفتك إمبارح بالليل وإنت داخلة أوضته
لتسألها مستفهمة 
إحتدم داخل إيثار من وقاحة تلك مفتقرة الأدب لتهتف بنبرة حادة 
من فضلكمينفعش تكلميني بالطريقة دي 
واستطردت بنبرة صارمة وعيني تشتعل من شدة ڠضبها 
ثم إنت مش شايفة إنك بتدخلي في أمور خاصة وميصحش تسألي فيها!
إلى هنا واشټعل داخل فريال لتهتف بنبرة صارمة وعينين حادة كشرت بهما عن أنيابها 
كل حاجة تخص فؤاد تخصني أكتر مما خيالك يصور لك
فؤاد أخويا الوحيد ويهمني أمره...نطقتها بعينين حادتين لتغمض عينيها وتطلق زفيرا يهديء من حدتها لتفتح أهدابها من جديد وتحدثها بعدما تحولت نظراتها لهادئة 
إسمعيني كويس يا إيثار أنا زي ما خاېفة على أخويا فأنا كمان خاېفة عليك إنتوا متنفعوش لبعضده غير إنك ست عندك ولد ومحتاجة حياة مستقرةعلى الأقل علشان إبنك يستقر نفسيا بدل ما انت بتتنقلي بيه من بيت لبيت
نزلت كلماتها المهينة كنصل حاد لسکين مدبب الأطراف غرس بقلبها بكل جبروت ليقطر دمابقلب يأن ألما وصوت خاڤت سألتها 
أنا مش فاهمة إنت تقصدي إيه بكلامك ده! 
أخذت نفسا عاليا قبل أن تتحدث بما قضى على أمال تلك معډومة الحظ 
إحنا عارفين حقيقة جوازك من فؤادوعارفين إن فؤاد عمل كدة شهامة منه علشان يحميك من إخواتك اللي كانوا عاوزين يرجعوك لطليقك ڠصب عنك
اتسعت عينيها بهلع لتسترسل الاخرى كڈبا بما جعل قلب الاخرى يتلوى قهرا 
فؤاد قال لنا على العقد المزور اللي وراه لإخواتك وحكى لنا كمان إنه أول ما وصل بيك القاهرة أخدك وراح عند مأذون شرعي وكتب كتابه عليك علشان لو إخواتك قدموا فيه بلاغ يكون جاهز وكل شيء قانوني
بصعوبة أخرجت كلماتها بتخبط أوضح تشتتها 
فؤاد هو اللي قالك الكلام ده 
أجابتها مؤكدة بزيففقد قصى فؤاد على والده ما حدث أما فريال فقد علمت من والدها وليس من فؤاد كما تدعي 
أيوةفي اليوم اللي جابك فيه على البيت إنت وإبنكبعد ما طلع معاكم فوق نزل وحكى لنا أنا وبابا وماما
واسترسلت بقلب حزين صدقا لأجلها بعدما رأت شتاتها 
أنا مش ضدك يا إيثار بس مش عوزاك تبني أحلام وتتأملى إنها هتتحقق وفي الاخر تتصدمي لما تكتشفي إنها مجرد أوهام وتبقى زي اللي بنى بيته على الرمل وفرح بيه لحد ما جت أول موجة ومحت أي أثر ليه
إغرورقت عينيها بدموع القهر والألم لتتابع الأخرى بصوت متأثر 
مش عوزاك تزعلي مني أنا حبيت أقصر عليك الطريق وأفوقك قبل ما تصحي تلاقي نفسك غرقانة في حكاية هتطلعي منها خسرانة كتير
لتستطرد بتأكيد 
من الأخر كدة فؤاد أخويا لا بتاع حب ولا جوازأنا وبابا وماما لينا سنين بنحاول معاه وهو رافضمش حابب
يعيد تجربة الجواز مرة تانية
تحاملت على حالها واستندت بساعديها على جانبي المقعد لتقف فارده ظهرها وتحدثت بصوت لإمرأة مهزومة 
أنا مش زعلانة منك بس حابة أوضح لك طبيعة العلاقة بيني وبين سيادة المستشار
________________________________________
كل اللي قولتيه أنا عرفاه وعارفة حدودي كويس سواء في علاقتي معاه أو حدودي هنا في البيت 
تعمقت بعينيها لتسترسل 
ومتقلقيش أنا مش مطولة هناوأول ما ظروفي تتحسن هاخد إبني وأرجع لشقتي وشغلي وأمارس حياتي بشكل طبيعي أنا قاعدة هنا بشكل مؤقت لحد ما طليقي واخواتي يزهقوا ويخرجوني من حسباتهم
أومأت فريال برأسها بجمود لتتحرك الأخرى في طريقها لدخول المنزل لكنها سرعان ما استدارت لتتحدث بصوت قوى لإمرأة شامخة 
على فكرة يا مدام فريال أنا كنت رايحة أوضة سيادة المستشار علشان هو كان باعت لي بخصوص خروجي من غير حراسة إمبارح ومكملتش عشر دقايق ورجعت على أوضتي نمت مع إبني
أنزلت فريال بصرها للأسفل لتتحرك إيثار صوب الداخل ومنه إلى الاعلى لتغلق عليها باب الغرفة مطلقة العنان لدموعها التي انهمرت پقهرا على ما وصلت إليهتنفست بقوة لتنوى الرحيل عقب استقرار الوضع وذلك بعد كل ما تعرضت إليه من إهانات داخل ذاك المنزل 
أمسكت الهاتف لتطلب من عزة انتظار صغيرها لحتى العودة من مدرسته والصعود به مباشرة وذلك بعدما شعرت بحاجتها لضمة صغيرها لتستمد منه قوتها وصمودها
بعد عدة ساعات 
عاد فؤاد من عمله عندما حل المساء ليصعد سريعا لجناحه على أمل أن يملي عينه برؤية من ملكت القلب أمسك مقبض الباب وفتحه بقلب يرتجف ويكاد ينخلع ليسبقه إليها من شدة سعادتهتطلع للمكان بعينين متشوقتين لكن سرعان ما اختفت البسمة حين وجد المكان مظلما وخالي من أميرتهضغط على زر الإضاءة ليستكشف ما إذا كانت نائمة تنتظره بفراشه فانهدمت أماله عندما رأى الفراش مرتبا ليحول بصره سريعا نحو باب الحمام ليجده مظلما أيضا ليتأكد من عدم زيارتها لجناحه من الاساسفكر بأن يذهب لغرفتها ليستدعيها فلربما يكون الخجل هو من منعها من الحضور هز رأسه باقتناع ودخل سريعا إلى الحمام ليختفي خلف بابه بعدما قرر بأخذ حماما دافئا يرخي به عضلات جسده المتشنجة نتيجة العملخرج بعد قليل يلف منشفته حول خصره وذهب لغرفة الملابس اختار تيشرت بيتي من اللون البيچ وبنطال مريح من القطن بلون أسود صفف شعره بعناية ونثر رذاذ عطره الفواح وابتسم برضى وهو يلقي على حاله نظرة أخيرة بانعكاس المرأة قبل أن يتحرك بقلب متلهف نحو حجرتها دق بابها وبعدما استمع لصوتها دخل على الفور يبحث عنها بعيون زائغة متشوقة وجدها تتوسط الفراش ممسكة بكتيب لإحدى قصص الأطفال تقص منه لصغيرها القابع فوق ساقيها يستمع لما تقص بإنصاتهلل الصغير عندما رأه فتحدث مبتسما وهو يتجه نحوه 
ازيك يا چو
الحمدلله يا انكل...نطقها بابتسامة واسعة عبر من خلالها عن ارتياحه لشخص فؤادارتبكت حين جاورها الجلوس فوق فراشها ليسحب الصغير من فوق ساقيها ويضمه لاحضانه تعجبت بعدما رأت صغيرها قد لف ساعديه حول عنقه ليشدد من عناقهكيف لصغيرها الخجول والغير مندمج مع الاخرين أن ينجرف بمشاعره ويطلق لها العنان في التعبير عنها لذاك الفؤاد تنهدت پألم لعلمها ما ينتظرها وصغيرها بعلاقتهما معه نظر لها فوجد ملامحها مشتتة فتحدث مبتسما وهو يربت على ظهر الصغير الذي أراح برأسه فوق كتفه باسترخاء 
استغربت لما رجعت ملقتكيش في جناحي زي ما اتفقنا
تلبكت لتتحدث بنظرات زائغة بعيدا عن مرمى عينيه 
انا قاعدة مع يوسف زي ما أنت شايف مكنش ينفع اسيبه لوحده
رد على حديثها بابتسامة لطيفة 
مش إحنا إتفقنا إن عزة هتنام معاه هنا
عزة تعبانة... نطقتها متهربة من عينيه المتفحصة لملامحها ليسألها بجبين مقطب 
تعبانة إزاي 
أجابته بتلبك 
عندها صداع ومرهقة
وضع قبلة فوق وجنتي الصغير الذي مازال محتضنا إياه ليتحدث إليها من جديد 
أنا هتصل ب رقية تطلع تبات معاه هي عندها خبرة في تربية الأطفال وهتعرف تتعا... قطعت حديثه بحدة قائلة برفض تام 
ملوش لزوم تتعبها معانا
مفيش تعب ولا حاجةثم إن ده شغلهم
شغلهم لأصحاب البيت يا سيادة المستشار مش للضيوف... قطب جبينه مستغربا حديثها ليسألها 
طب ما انت من أصحاب البيت يا إيثار
بلاش نضحك على نفسنا بكلام ومصطلحات مش صحيحة... نطقت جملتها بحدة وهي تسترجع بداخل عقلها كلمات شقيقته عن أنه قص لهم ظروف زواجهما وكشف سترها أمام عائلته لتسترسل بذات معنى وهي تتمركز بمقلتيها بخاصتيه 
أنا وإنت عارفين كويس أوي ظروف جوازنا فياريت نتعامل مع بعض على أساس إن الموضوع مؤقت ومسيره ينتهي وكل واحد فينا يرجع لحياته الطبيعية. 
شعر بحدتها فأخذ يتطلع إليها عدة لحظات طويلة بصمت متفحصا أياها بأعين متعجبة ليسألها بهدوء 
إنت كويسة حصل حاجة أنا معرفهاش زعلتك 
تحدثت بثقة ونبرة جادة أرادت بها الحفاظ على ما تبقى من ماء وجهها 
خالص
لتستطرد متسائلة باستخفاف 
إيه اللي بيخليك تقول كدة 
أصل كلامك معايا الوقت مختلف جدا عن كلامنا مع بعض الصبح يعني حسيت... قاطعته بحدة ناهرة 
غلطة يا سيادة المستشار كلامنا كان نابع من لحظة ضعف عيشناها كراجل وست قربوا من بعض وحسوا بتوتر وشوية أحاسيس مكنتش لازم تتحس وللأسف إنجرفوا ورا رغبة 
لتنظر بعينيه قائلة بقوة وتأكيد 
مجرد رغبة والحمدلله إني فوقت لنفسي قبل فوات الأوان
كلماتها كانت أشبه بطعنات ضړبت بها نصف قلبه فتناثرت دمائه النقية على أثرها إبتلع غصة مريرة ليتحدث بصوت ظهر حاد إمتثالا لكرامة الرجل الذي بداخله 
أنا كمان شايف كده
نظر للصغير ولرأسه المرتخية فوق كتفه ليتفاجيء بغفوته وكأنه وجد سلامه النفسي بأحضان ذاك الحنون فاستسلم ودخل بسبات عميق أنزله بين يديه بهدوء واشار لها كي تعدل الفراش وبالفعل جذبته لينزل الصغير برفق ويعدل من وضعية رأسه فوق وسادته ثم يدثره بمساعدتها بالغطاء