القدرالفصل الخامس و العشرون بقلم يارا عبدالعزيز 

و مين ابوه 
سؤاله دبحها بصتله بعيونها و هي فيه كل انواع العتاب اتكلمت ببعض الثقه عكس اللي جواها من تكسير قلبها 
هو انا على زمة مين عشان تسأل السؤال دا 
غيث بجمود حسام و لا حد تاني 
لتاني مره بيكسرها و بيألمها مش انت مقتنع بموضوع حسام بتسأل ليه بقى هو ابن مين ياسين يبقى ابني انا و هو ميعرفش غيري و مفيش غيري معاه روح شوف انت كنت بتعمل ايه و سابني امشي انا و ابني 
جت تمشي مسك ايديها بقوه و شدها عليه فضلوا باصين لبعض عيونهم بتحكي كتير عن حبهم لبعض اللي مقلش سنتي برغم كل اللي حصل قلوبهم اللي فضلت مربوطه ببعض و كل واحد فيهم كان بيحاول ينسى التاني لكن معرفش برغم كل محاولاته في دا 
قاطع شرودهم في بعض ياسين اللي وقف في نصهم و مسك غيث من بنطلونه و اتكلم پغضب 
سيب ماما و متزعقلهاش بقولك سيب ماما 
غيث و شجن بصوله غيث نزل لمستواه و حس ان قلبه اتحرك ناحيته و هو بيدقق في ملامحه اللي كانت بتشبه ملامحه و هو صغير حتى واخد نفس لون عينيه الخضره و نفس طريقته في الڠضب كأنه شايف نسخه مصغره منه 
غيث ببأبتسامه بس انا مش بزعقلها انا بس بتكلم معاها 
ياسين پغضب طفولي و هو بيمسك في شجن لا انت كنت ماسكها جامد من ايديها و زعقتلها انت واحد شرير  
غيث اتنهد بحزن و اتكلم بحنيه انت عارف انا مين 
ياسين لا 
غيث بابا فين يحبيبى 
ياسين بابا فوق في السما عند ربنا 
غيث وجه نظره لشجن پغضب مفرط و شجن بصتله بجمود اتنهد پغضب و بص لياسين بحب 
تيجي معايا و هجبلك لعب كتير اوي و اكل 
ياسين اجاي معاك فين 
غيث هنروح المستشفى و نعمل تحليل صغير اد كدا و هجبلك بعدها لعب كتير 
شجن وقتها اڼفجرت فيه و اتكلمت پغضب مفرط انت عايز ايه يا غيث عايز تعمله تحليل الحمض النووي انت بتشكك في نسب ابني ليك انت اټجننت 
غيث قام وقف و اتكلم پحده صوتك ميعلاش و بلاش اتكلم قدام الولد 
شجن پغضب مفرط انت عايز تحط ابني في موقف زي دا 
غيث بجمود و انتي خاېفه كدا ليه لو هو ابني فعلا ايه اللي هيفرقلك و لا هو مش ابني 
شجن پغضب امشييييي يا غيث انا مش هودي ياسين معاك في حته امشي و سابنا في حالنا انت كدا كدا مكنتش تعرف عنه حاجه امشي و افضل كدا كأنك مشفتنيش انا و هو 
غيث بعصبية شجن قولي كلام يتعقل و لو مخلتيهوش يجي معايا دلوقتي انا هرفع قضيه نسب و هجبرك توديه بأمر المحكمه فبلاش نعمل شوشره احسن 
شجن بصتله پصدمه كبيره و هي مش مصدقه اللي قاله