قصه كامله مشوقه

لسليم بيه انه يدخل من باب المطبخ ويطلع اوضتها ويحط جهاز تصنت لانى كنت متاكد انها هتتصل بالى بيساعدها وفعلا اتصلت على عمار
حكلها بدر المكالمه الى دارت بين عمار وبيرى والى اتاكد منها ان بيرى مع عمار 
كمل بدر اتعملنا قدمها اننا مش شاكين فيها وخرجنا على اساس نحاول ندور تانى بس احنا كنا مرقبنها واتصلت بنادر بلغته اننا عرفنا مكانكم وبعتلنا القوه الى هتهجم معانا وانتوا عارفين الباقى 
تالا اتكلمت بحزن لما جاتلى المول انا استغربت قالتلى ان هى عندها مشكله وانها محتاجه انى اساعدها متاخرتش عليها وجريت معاها وبمجرد ماركبت العربيه معاها رشت على وشى مخدر ومحسنش بحاجه بعدها 

مريم يبقى اكيد هى الى اتصلت بيا وقالتلى ان بدر عمل حاډثه وفى المستشفى 
سليم اتكلم بحزن للاسف بيرى ضحيتى انا وامها يمكن لو كنت قولتلها الحقيقه من الاول مكنش حصل كل ده 
هنا طبطبت على كتفه قدر الله وما شاء فعل هون على نفسك ياسليم وربنا دايما رحيم بعباده 
سليم ونعمه بالله 
جاسر طيب نستاذن احنا علشان مدام مريم ترتاح ولو احتجت اى حاجه يابدر كلمنى 
بدر متشكر قوى ياجاسر 
مشيوا كلهم وبدر طلب من حمزه يرجع البلد ويطمن ابوه مشى حمزه كمان وفضل بدر مع مريم ويونس 
قرب بدر من مريم لما لقاها سرحانه مالك ياحبيبتى 
بصتله مريم بدموع نجاة ماماتتش من المړض يابدر 
بدر بصلها قوى قصدك ايه 
مريم عمى جابر الى وحى عليها تتقتل 
بدر اټصدم اټقتلت !! 
مريم ايوا يابدر عمى الى المفروض يبقى مكان ابونا هو الى قټلها 
بدر غمض عنيه بقهره حسبى الله ونعم الوكيل 
مريم استفاد ايه اهو ماټ وابنه الوحيد كمان ماټ لا اخد معاه مال ولا المال هيشفعله عند ربنا 
بدر ربنا المنتقم الجبار الى لا يهمل ولكن يمهل ...
كمل بدر بغل ومين الممرضه الى ساعده على كده 
مريم معرفش بس لازم نبلغ يابدر علشان متاذيش حد تانى 
بدر اكيد طبعا استحاله اسبها تفلت بعملتها ...
بعد مرور اسبوع خرجت مريم من المستشفى بعد ماصحتها اتحسنت ورجعوا على بيتهم 
دخل بدر البيت وهو شايل مريم لحد مادخلها على السرير ودخلت وراه هدير نيمت يونس على سريره ومشيت 
غمضت مريم عنيها ياااه يابدر انا كنت فاكره انى مش راجعه البيت تانى الحمد لله 
بدر ابتسم مش عيب عليكى يبجى چوزك بدر الدهشان وتجولى اكده دانى كنت ولعت الدنيا بالى فيها لو بعدتى عنى 
ضحكت مريم ربنا يخليك ليا يابدر وتفضل امانى وحمايتى انا وعيالى طول العمر 
قرب بدر منها بقولك ايه هو الچرح ده قدامه كتير ويخف ولا ايه 
ابتسمت مريم بتسال ليه 
بدر غمزلها اصل عايز اطمن على النونو الى جوه بنفسى 
ضحكت مريم قوى وقرب بدر اخدها فى حضنه وهو بيحمد ربنا انه مخسرهاش ولا خسر عياله .....
الخاتمة
بعد اسبوع دخل بدر البيت وهو باين على وشه التعب قبلته مريم بابتسامه جميله حمدالله على السلامه ياحبيبى
قرب بدر حضنها الله يسلمك وحشتينى قوى 
حضنته مريم قوى وانت كمان يابدر كده تقولى يومين وتغيب خمسه 
بعد بدر وبصلها بحب ڠصب عنى والله فضلوا يحققوا مع كل الممرضات الى كانوا موجودين يومها 
مريم انتبهت يعنى موصلوش ليها 
بدر بغل لا عرفوها اسمها هنادى لما جابوا الغفير بتاع عمك وعرضوا عليه الممرضات اتعرف عليها وقال انه شافها اكتر من مره وقفه بتتكلم معاه ولما وجهوها اڼهارت واعترفت ان جابر دفعلها ١٠٠الف جنيه وطلب منها تديها حقنه توقف قلبها ويبان الوفاه طبيعيه وده الى هى عملته 
مريم دموعها نزلت حسبى الله ونعم الوكيل فيها وفى عمى 
قرب بدر حضنها اهدى ياحبيبتى الحمد لله ربنا اخد حقها وعمك ومراته ماتوا بعد ماعاشوا كتير يخططوا ويقتوا علشان ابنهم يعيش فى عز وفى الاخر هو كمان ماټ وحتى ملقاش الى يدفنوا 
رفعت مريم وشها بدموع انتوا دفنتوه خلاص 
بدر اه استلامنا الچثه وډفناه والله لو عليا ماكنت دفنته ولا عبرته بس انا عملت علشان خاطر ربنا 
مريم معلش يابدر اديك قولت علشان خاطر ربنا المهم خالتى عامله ايه وعمى صالح
بدر ابتسم وقرب من وشها كويسين قوى الحمد لله وامى قالتلى سلملى على مريم كتير وبوسهالى هى والنونو الى جوه 
مريم ضحكت قوى هو انت هتفضل ماسكلى كلمه نونو دى كتير 
بصلها بدر بحب احلى كلمه نونو فى الدنيا بقولك ايه تعالى اوصله السلام لحسن امى تزعل 
بعد شهر فى مستشفى الامړاض العقليه دخل سليم وتالا معاهم اذن بزياره بيرى دخلوا اوضتها كانت قاعده على السرير مبتتحركش وعنيها سابته قدمها قربت منها تالا بدموع بيرى وحشتينى قوى 
بيرى متحركتش من مكانها ولا ادتهم اى تعبير بصت تالا لابوها هنفضل سايبنها هنا يابابا 
سليم بقهره لا ياحبيبتى المحامى طلب نقلها لمصحه خاصه وانشاء الله يتقبل 
بيرى ماتحركتش برده قام سليم اخد تالا ورجعوا البيت والحزن باين عليهم طلعت تالا اوضتها دخل عليها جاسر وقرب منها حبيبى قاعد لوحده ليه 
تالا لا ابدا حسيت انى تعبانه شويه قولت اريح قبل مانروح فرح ساره 
قرب جاسر پخوف مالك ياحبيبتى فيكى ايه 
تالا ولا حاجه الظاهر دوخت من الشمس بس دلوقت هبقى كويسه 
جاسر لو حاسه انك تعبانه مش مهم الفرح واوديكى للدكتور 
تالا لا انا كويسه ماتخفش وبعدين مريم هتحضر الفرح كمان ومتفقه معايا نتقابل هناك 
جاسر طيب بس لو حسيتى باى تعب هنمشى على طول 
ابتسمت تالا وقامت حضنته حاضر ياحبيبى ربنا يخليك ليا 
جاسر ويخليكى ليا ياقلب جاسر
بليل فى قاعه كبيره كان على وساره فى قمة سعادتهم ان خلاص اخيرا هيبقوا فى بيت واحد .
قرب على من ساره واتكلم همس بحبك 
ابتسمت ساره وبصتله بحب وانا بمۏت فيك 
على بقولك ايه ماتجى نهرب من الفرح ده ونروح بيتنا لحسن انا عندى موضوع مهم عايز اتناقش معاكى فيه 
ساره بصتله قوى موضوع ايه ياعلى هو حصل حاجه 
ابتسم على قوى لا بس عمك قالى انه عايز عيل بعد تسع شهور فايدوب الحق اروح انا وانتى علشان نجيبه 
ساره وشها احمر وبرقت هو ده الموضوع المهم !! انا كنت حاسه انك عامل مؤدب بس قدام الناس بقولك ايه انا هروح مع ماما 
على قرب منها قوى ده فى المشمش انتى خلاص بقيتى مراتى رسمى فهمى نظمى يعنى ماما دى انسيها خااالص واذا كان على العيل الى مدايقك ناجله دلوقت عادى المهم انك تبقى معايا 
ابتسمت ساره ايوا كده
خليك مؤدب
لف على وشه الجنب التانى وبصوت واطى ابقى قابلينى
على تربيزه قريبه من العروسين كانت قاعده مريم و بدر وجاسر وتالا قربت مريم من تالا مالك ياتالا شكلك مش مضبوط 
قربت تالا منها وشوشتها هو انتى عرفتى ازاى انك حامل 
مريم ابتسمت لا انا معرفتش بدر الى قالى 
تالا بصتلها بغباء نعم وهو عرف ازاى 
ضحكت مريم ياستى قصدى انى اغمى عليا والدكتور هو الى قاله 
تالا ااه !! طيب هو انا لازم اروح للدكتور 
مريم لا ممكن تجيبى اختبار حمل من اى صيدليه وتعمليه 
تالا اعمله ازاى 
مريم هقولك _____
بدر غمز مريم فى رجلها نعم يابدر فى حاجه 
بدر انتى هتفضلى ترغى مع صاحبتك وسيبانى كتير 
مريم برقت انت هتغير من صاحبتى كمان يابدر 
بدر انا مقولتش حاجه بس عبرينى شويه 
مريم طيب مانت بتتكلم مع جاسر انت كمان يعنى مش قاعد لوحدك وبعدين احنا بنتكلم فى موضوع مهم .
بدر بغلاسه اهم من موضعاتى الى بتكلم فيها معاكى .
ضحكت مريم بس يابدر بطل بقى 
بدر بغمزه حاضر هبطل روحى كملى رغى
بعد الفرح ماخلص كل واحد روح بيته عند تالا وقفت جاسر عند الصيدله وصممت تنزل تجيب الاختبار من غير ماتقوله واول ماروحت دخلت جرى على الحمام
وغابت ربع ساعه جاسر قلق عليها لما غابت خبط على الباب تالا انتى كويسه 
طلعت تالا وهى بټعيط اول لما شافها جاسر اتخض عليها مالك ياحبيبتى انتى تعبانه 
هزت تالا راسها بلا كمل جاسر اومال مالك 
رفعت تالا الاختبار قدام عنيه بصله قوى بعدم فهم ايه ده 
اتكلمت تالا اخيرا انا حامل 
جاسر بصلها پصدمه وفرحه مع بعض حااامل!!! 
هزت تالا راسها ولسه دموعها نازله جاسر مسح دموعها وابتسامته ماليه وشه وانتى بتعيطى علشان حامل 
تالا لا اصل انا فرحانه قوى مش متخيله انى هبقى ماما 
حضنها جاسر وهو هيطير من الفرحه الف مبروك ياحبيبتى هتبقى احلى ماما فى الدنيا كلها انا فرحان قوووى 
تالا ضحكت وانا كمان فرحانه قوى ونفسى اشوفه جدا 
ضحك جاسر انشاء الله كلها تسع شهور وتشوفيه 
تالا بسرعه لا تمانيه بس 
جاسر طيب تعالى بقى ننزل نفرحهم بالخبر الحلو ده 
تالا بسعاده يالا
عند بدر كان نايم على السرير ومريم فى حضنه نادت مريم عليه بهمس بدر 
ابتسمت مريم تفتكر انا هجيب ولد ولا بنت 
حضنها بدر قوى مش مهم هو ايه المهم انكم تقومولى بالسلامه 
مريم تعرف انا نفسى فى بنوته واسميها نجاة 
بدر ربنا يديكى الى نفسك فيه ياقلبى 
مريم ويبقى عندنا ولد وبنت والحمد لله 
بصلها بدر قوى مين قال كده انشاء الله ..
مريم انا !! تحديد النسل اتجاه قومى ليه فوايد كتير اهمها انك تقدر تربيهم كويس
بدر انسى ياماما الكلام ده انا ناوى اجيب اتنين كمان انشاء الله 
شهقت مريم ورفعت نفسها تبصله ونسيت انها تقريبا مش لبسه حاجه اربعه !! ليه فريق كوره 
بصلها بدر بخبث وهو بيقربها منه فريق الكره مش اربعه وبعدين هو طول مانتى كده احدد النسل ازاى دانتى ناويه تجيبى اجلى انا اعرف الستات لما بتحمل بتوحش وانتى عماله تحلوى لما طيرتى عقلى منى 
ابتسمت مريم بدلع وايه يعنى مانت مطير عقلى على طول 
بدر غمزلها طيب تعالى بقى اما اشوفلك النونو ده ولد ولا بنت
بعد مرور عشر سنين
انا مش قولتلك متلعبيش مع اى ولد تانى ياقمر
قمر بغيظ وانت مالك بتتحدد معايا ليه اكده مالكش صالح بيا يايونس بدال مااجول لخالى 
يونس بنرفزة اطفال اتكلمى كويس انا ابن خالك وخاېف عليكى مش عايزك تلعبى مع ولاد تانى والا هضربك 
ضحكت قمر تضروبنى انى !! هو انت بتعرف ټضرب حد يابنى انت مصراوى خرع
يونس برقلها انا خرع!! 
قمر ايوا خرع بتتحدد كيف المصاروه
دانت لو حد ضړبك مش بتدافع عن نفسيك مش طالع كيف بوك ولا چدك شداد اكده 
يونس بنرفزة وهو علشان ابقى شديد لازم اضرب واتكلم صعيدى 
قمر ايوا وباعد عنى بجى 
يونس بزعل ماشى ياقمر خليكى فاكره كلامك ده كويس لانى مسيرى هحاسبك عليه 
سابها ومشى وهى بصتله بلا مبالاه وكملت لعب
دخل يونس على جده وباين عليه الزعل بصله صالح قوى مالك يايونس حد زعلك 
بصله يونس بتكشيره اعمل حسابك ياجدى
انا مش هتجوز قمر زى مانت قولت 
صالح اتكلم وهو بيحاول مايضحكش ليه بس يايونس هى عملت ايه 
يونس بتقول عليا خرع !! 
صالح برق خرع !! ليه اكده 
يونس بتقولى علشان مابتكلمش صعيدى ولا بضړب العيال هو انا ياجدى علشان
ابقى راجل لازم اعمل كده 
صالح بجديه مين الى جال ان الرچوله باللهچه او بالدراع !! الرچوله يايونس بجوة عجلك وجلبك الطيب وحكمتك فى التعامل مع الناس 
يونس يعنى ياجدى لو ضړبت حد ضربنى كده مبقاش راجل
صالح انك تدافع عن نفسك او ارضك او حتى عرضك هى دى الرچوله ياولدى لكن لو الى جدامك انسان ضعيف ساعتها هتبجى بلطچه مش رچوله فاهمنى ياولدى 
يونس فاهمك ياجدى واوعدك انى هبقى راجل بمعنى الكلمه 
ابتسم صالح واذا كان على جمر دى لساتها عيله صغايره بكره لما تكبر وتشوفك بجيت راچل صوح هى الى ھتموت عليك 
يونس بزعل لا ياجدى انا خلاص مش عايزها حتى لو هى عايزانى استحاله اتجوز واحده شيفانى مش راجل 
قام وقف عن اذنك ياجدى انا طالع فوق
طلع يونس وصالح عنيه عليه وقال لنفسه ياما نفسى اعيش لما اشوفكم عتعملوا ايه فى بعض انت وجمر الى مغلبانى معاها كيف امها 
دخلت سعديه عليه واه انت بتحدد نفسك ياصالح 
صالح تعالى ياغاليه اجعدى جارى خلينا نتفرچ على احفادنا ناوين على ايه 
فى اوضته بدر كانت مريم قاعده مع بسمه وبوزها شبرين بصتلها بسمه وهى كاتمه الضحكه انى مش عارفه انتى زعلانه ليه دلوقيت 
مريم يعنى انتى مش شايفه انى بجيت كيف البجره !!ميشان سى بدر يرتاح 
غمزتها بسمه يعنى هو غصبك ماكله برضاكى 
مريم بغيظ جومى يابسمه من وشى روحى شوفى عيالك فين 
بسمه بضحك جمر بتلعب تحت مع يونس وعمر بيلعب مع يوسف ابنك 
حطت مريم اديها على بطنها المنفوخه بۏجع اه يانى مش جادره حاسه انى حامل بجالى سنين 
ضحكت بسمه قوى يابت اچمدى اكده عايزه بدر يجول ايه انك بسكوته 
مريم علشان يرتاح قال ايه انا عايز عيال كتير اومال هسيب الشركه الكبيره ديه لمين على اساس ان معندوش اتنين وكله قوم انى اطلع حامل فى توأم كوم تانى 
بسمه بفرحه طب والله انى فرحانه جوى والمفروض انك تطيرى من الفرحه هيچيلك بنتين بدال واحده عايزه ايه تانى مش كنتى هتموتى على بت 
ماهو البنى ادم كده نمرود 
بصوا الاتنين على الباب الى واقف عليه بدر ومبتسم قامت بسمه وهى بتغمزله وخرجت وهى بتقول لمريم انى نازله اطمن على العيال ريحى انتى شويه 
خرجت بسمه وقرب بدر من مريم الى دورت وشها ممكن اعرف القمر ماله بس 
مريم بعصبيه يعنى مش عارف مالى يابدر تعبانه قولتلك كفايه علينا الولدين تقولى لا انا عايز عيال 
بدر كتم ضحكته ياحبيبتى بقالك سبع شهور بتسمعينى الاسطوانه دى وفى الاخر تقوليلى بس انا فرحانه انى هجيب بنات 
طبطت مريم على بطنها اكيد فرحانه طبعا هيبقى عندى بنوتين زى
القمر 
مريم ربنا يخليك ليا يابدر انا عارفه انى بزودها بس ڠصب عنى 
حضڼ بدر وشها بايده انا عارف ياقلبى ومش عايزك تخافى. انا معاكى 
باست مريم ايده انا بحبك قوى 
بدر وانا بعشقك 
الباب خبطت ودخل يونس ماما 
مريم نعم ياقلب ماما 
يونس بزعل احنا هنرجع مصر امتى 
بدر استغرب انت لحقت تزهق يايونس دانت كنت هتتجنن وتيجى 
يونس اه زهقت وعايز ارجع بيتنا 
قربت منه مريم حد زعلك ياحبيبى 
يونس لا ياماما بس انا مش هاجى هنا تانى الا لما اكبر وابقى ظابط 
بدر استغرب اكتر ليه يايونس مش عايز تشوف اهلك كل المده دى 
يونس هبقى اكلم جدى وجدتى فيديو كول لكن مش جاى البلد تانى وفى حاجه كمان 
مريم ايه هى 
يونس عايز اتعلم اتكلم صعيدى زيكم 
قربت مريم حضنته حاضر ياقلبى بس انا عايزه افهم مالك انت اكتر واحد بتبقى عايز تيجى هنا علشان تشوف قمر 
يونس بزعل خلاص ياماما معندش عايز اشوفها تانى ومش راجع هنا الا لما ابقى راجل بجد وساعتها هى اخر واحده هبقى عايز اشوفها او اكلمها!!!! عن اذنكم انا رايح ليوسف 
خرج يونس والاتنين وقفين يبصوا لبعض باستغراب اتكلمت مريم انت فاهم حاجه 
ابتسم بدر شكل قمر مزعلاه 
مريم معقول كل ده علشان قمر زعلته ده بيحبها بجد بقى 
بدر ضحك شكلها هتبقى حكايه ولا الرويات 
ابتسمت مريم ويبقى يونس عشق القمر 
تمت بحمد الله