قصه كامله مشوقه

مريم جابت المفرش بتاع الترابيزه اللي في الاوضه و غطت شعرها بيه و هي بتغطيه قالت لها امسكي ياكش الممرضات يقولوا عليكي حراميه 
سلسبيل بس يابت 
مريم طيب 
سلسبيل خلاص دور وشك يا دكتور سليم .. انا مش قادره اقوم انا أسفه وربنا يسامحني بقي 
سليم ليس علي المړيض حرج وانتي تعبانه دلوقتي ولو انتي متدايقه من وجودي ف أنا ماشي .
سلسبيل استني بعد اذن حضرتك .
سليم حضرتي !!
سلسبيل اه حضرتك وبعد كده مش هينفع اني اقولك غير حضرتك يا دكتور سليم .. واضح كده أن خطيبة حضرتك مروه دي مش ناويها خير واللي انا مستغرباه اني ماعملتش حاجه انا مش فاهمه مالها ومالي وليه ناوتلي علي الشړ وانا مش عايزه مشاكل .. 
سليم اولا ماتقوليش أنها خطيبتي لأنها مابقتش خطيبتي وأنها عملت كده لاني سبتها علشانك 
سلسبيل علشاني !!
سليم اه علشانك .. علشان بحبك يا سلسبيل وهي عرفت ده بس انتي اللي ماكنتيش حاسه بيها .
وفي لحظه ماهو بيتكلم بجديه تقوم مريم مزغرده زغروده عاليا كده وفي عز ماهي فرحانه يدخل أهل سلسبيل باباها و مامتها و اخوها 
ف مريم اتحرجت كده و ضحكت 
عمر في ايه ايه الزغاريد دي !!
مريم ب إحراج كده أصلي فرحانه أن سلسبيل فاقت بس 
عمر اه .. وانتي عامله ايه يا مريم .
سلسبيل عمر يا حبيبي انا اللي تعبانه مش مريم 
عمر اه اه حمدا لله علي سلامتك يا سلسبيل 
سلسبيل ده دكتور سليم يا بابا .. دكتور سليم .. ده بابا و دي ماما وده اخويا الكبير عمر . 
سليم تشرفت بمعرفتكم .
مريم وهو اللي انقذ سلسبيل يا عمو. 
بابا سلسبيل كتر خيرك يا بني بس متشكرين .. بس هو ايه اللي حصل .
سليم لا شكر ع واجب يا عمي .. هي بس شدت مع زميله ليها و أغمي عليها بس من التوتر من الواضح كده أن ملهاش في الخناقات .
عمر عمي !
بابا سلسبيل ايوه فعلا يا بني هي ملهاش في الخناقات ولا بتحبها من وهي صغيره .
سليم ربنا يباركلك فيها يارب .. عن إذنكم بقي .. سلام الله عليكم.
أهل سلسبيل وعليك السلام ورحمة الله .
بعد أما مشي مامتها قربت عليها وقالت بعد الشړ عنك يا حببتي وان شاء الله تبقي بخير .. وكملت وقالت بصوت واطي كده بس مين القمر ده يابت انتوا عندكوا دكاتره قمر كده يجعلوا من حدك ومن نصيبك شكله خلوق كده .. مريم نطت في الحوار وقالت ايوه يا طنط ادعيلها أن ربنا يجمعهم ع خير كده وبنتك الصراحه كده شكلها واقعه 
قام عمر ناطت في الحوار وقال بس الدكتور بيقول لبابا يا عمي هو في ايه 
سلسبيل هيكون في ايه يعني 
عمر مفيش بستفسر بس 
سلسبيل طيب 
روحوا كلهم و سلسبيل لسه في المستشفي .. و علي الساعه 7 لقيت خالد دخل وقال السلام عليك 
سلسبيل عليك السلام .. خير ايه اللي جابك 
خالد جاي اطمن عليكي لاني ب ...
سلسبيل قاطعته وقالت بص يا أستاذ خالد أنا عارفه انت عايز تقول ايه بس صدقني مش
هينفع لاني مش هقبل اني اخونك لاني بحب ومش عايزه أظلمك معايا ..
خالد بتحبي دكتور سليم صح 
سلسبيل مش هتفرق مين .. المهم انك عرفت وخلاص ..
خالد ماشي يا سلسبيل ربنا يجمعكوا علي خير و يبارك فيكم واتمنالك السعاده معاه و ربنا يجعله يحبك حب سيدنا النبي للسيده عائشه .
سلسبيل ربنا يكرمك ولك بالمثل .
خالد كرمك الله عن إذنك ..