قصه مشوقه

قاعدين مندمجين اوي و مرات عمي جت وشاركتنا الفيلم وبعدها لقيت وائل واقف قصادنا 
_ ايه هو لسه لحد دلوقتي فيه حد بيسمع الزوجه 13 
نوال ضحكت وهي بتبعد شويه وردت عليه _ بصراحه الفيلم حلو اوي تعالى اقعد معانا 
كان بيتكلم معاها وبعدها بصلي بهدوء _ ازيك يا هاجر عامله ايه
_ الحمدلله انت عامل ايه يا وائل كويس 
رد عليا وهو بيقعد جنب نوال_ الحمدلله عايش 
بصتله بذهول رده فاجئني _ هو حد قايل عليك مېت ايه عايش دي !
_ عادي يعني متهتميش يا هاجر 
_ مش فاهمه حاجه
شوح بإيده _ مش لازم تفهمي على فكره !

مسك الريمود قلب بلامبالاه وانا بصتله بغيظ ايه البني ادم ده هو بقى عامل كده ليه !
قومت من مكاني بضيق وطلعت بره وبعدها وقفت بعيد ونوال وقفت جنبي .
_ اوعي تكوني زعلتي من وائل 
_ لا لا هزعل من ايه وائل زي احمد اخويا بالظبط
_ هو طبعه جاد شوية وكمان حاله الفترة الفاتت بقى غريب 
_ لا انا عارفه طبعه كويس بس هو مكنش كده ابدا 
_هو فعلا مكنش كده بس حاله اتغير من يوم وليله تماما
بصتلها بفضول _ ازاي يعني ماله 
_ مش عارفه فيه فتره كده بقى مش بيطلع من الاوضة ومكتئب دايما حاولنا نعرف ماله معرفناش اي حاجه وحتى الشغل أهمل فيه 
_ ولحد دلوقتي الموضوع ده 
_ لا هو بس بقى تعامله صعب شويه بس عادي بينزل شغله وكده يعني 
_ اها ربنا معاه ممكن تكون حاجه زعلته اوي 
_ هو ده اللي حاولت اعرفه بس ...
مكملتش الكلمه ولقينا صوت ورانا 
_ ايه ده هاجر هنا معقول 
بابتسامه فسلمت عليه 
_ ازيك يا محمد عامل ايه !
_ الحمدلله بخير انتي عامله ايه يا قمر 
_ كويسه انت لسه جاي من الشغل !
_ اه كنت هدخل البيت لمحتكم قولت اسلم عليكم 
_ اها انت أخبارك ايه حاليا 
_ عادي الحمدلله اخبار خطيبك ايه 
_ الحمدلله 
_ مجاش معاكي نتعرف عليه ليه 
_ عنده شغل بس 
اتكلم بغلاسه_عنده ولا مصدق خلص منك 
بصتله بضيق_ مين ده اللي خلص مني هو انت مفكرني زي 
سكت شويه بخبث وبعدها اتكلمت _ ولا بلاش احسن ټعيط 
رجع لورا باستسلام_ لا وعلى ايه الطيب احسن !
نوال بصتله بفضول _ هي قصدها مين 
خپطها على رأسها _ ملكيش دعوه انتي !
_ انا ماشي يا محمد أن ما وريتك !
سابنا ومشي واحنا دخلنا وراه مرات عمي كانت مجهزه الاكل وقعدنا عشان ناكل ونوال كلمت خطيبها ورجعت تاكل معانا مرات عمي دي من احسن الناس اللي بتعمل اكل حرفيا
_ أكلك تحفه يا مرات عمي بجد 
_ يا بكاشه ټموتي في البكش
ضحكت _ لا بجد أكلك دايما بشهدلك انه تحفه بجد تسلم ايدك
_ بالف هنا يا حبيبتي 
كنت قاعده باكل وسمعت صوت الموبيل قومت مسكته ولقيت ماما رديت عليها 
_ ايه يا ماما عامله ايه 
_ سيبك مني دلوقتي انتي مبترديش على تامر ليه !
_ انا ! هو كان تامر رن اصلا يا ماما 
_ يعني مرنش مش هتبطلي الحركات دي يا هاجر ولا ايه 
اتعصبت_ حركات ايه يا ماما هو متصلش عليا اصلا 
_ يعني هو هيكذب يعني !
_ لا انا اللي بكذب يا ماما 
_ هاجر تامر ابن صاحبتي ومش عايزه مشاكل معاها فاهمه
رديت بيأس_ فاهمه يا ماما بس هو برضوا مرنش عليا عشان يزعل الاستاذ 
_سلام يا هاجر 
قفلت وانا بصيت بغيظ للموبيل بصيت عليهم لقيتهم بياكلوا بس وائل اللي بيبصلي وزي ما يكون