قصه مشوقه

في عيونه اسئله كتير 
_ نوال بقولك انا رايحه معرض الكتاب تيجي معايا 
كانت لسه هتتكلم وائل رد بهدوء 
_ انا رايح هناك على فكره تعالي معايا 
هزيت راسي _ اوكي بس مش هعطلك !
_لا خالص يلا 
طلعت ركبت معاه وكنا ماشين لقيته سألني 
_ كنتي بتتخانقي مع مامتك امبارح ليه 
_ وده يهمك 
_ لو مش عايزه تتكلمي براحتك انا ...
ضحكت _ ايه ايه عادي يعني أنا بهزر 
_ كنتي بتزعقي ليه معاها يعني مهما تكون دي مامتك 
اتنهدت بضيق _ ماما دايما مش فهماني وبتفرض كل حاجه عليا حتى تامر خطيبي عشان ابن صاحبتها مصدقاه ومكذباني انا 

_ يمكن عشان متزعلش صاحبتها مثلا !
_ طيب وانا فين من كل ده هي مش عملاه اعتبار ليا خالص اهم حاجه في الكون أصحابها انا لا 
_هو انا معرفش فيه بينكم ايه بس دي مامتك برضوا وبتحبك اكتر من اي حد 
هزيت راسي بشرود وبصيت من الشباك شوية ولقيت العربية وقفت 
_ المعرض هناك اهو ممكن لو خلصتي على الساعه 2 كلميني هكون عندك قبلها موعدكيش عشان هيكون عندي شغل فخدي تاكسي 
ضحكت _ شكرا على الرجوله 
_ اكذب عليكي يعني ما انا بجد عندي شغل !
_ شكرا يا وائل بجد 
ابتسمت ومشيت ناحية المعرض وهو حط النضاره على عيونه وساق .
دخلت المعرض ووقفت فيه شويه وبعدها لقيت فاطمه صاحبتي وقفه بعيد شاورتلها وقربت مني وسلمت عليها
_ وحشتيني
_ وانتي كمان والله انا مصدقتش نفسي لما قولتيلي انك جايه هنا 
ضحكت_ لا صدقي المهم فين المكان اللي هنقعد فيه 
_ لا نقعد ايه احنا هندور على الكتب اللي نقصاكي هنا ولا ايه 
هزيت راسي ومشيت معاها وقعدنا نقلب على كتب اللي كنت بدور عليها من زمان 
خلصنا بعد فتره و روحنا مطعم قريب وقعدنا ولسه يدوب بقرا المنيو لقيت رقم غريب بيرن عليا 
_ الوو مين 
رد بغيظ_ هو انتي اي حد بيرن بتردي عليه على طول 
_ انت مين يعني مش فاهمه وايه اللي مزعلك 
_ انا وائل يا اختي برضوا مش اي حد تردي عليه فاهمه
رديت بلامبلاه _ اه اه إن شاءالله عايز ايه 
_ ايه هو اللي عايز ايه روحتي ولا لسه 
_ لا لسه !
اتكلم پحده _ بتعملي ايه كل ده الساعه 7 يا هانم 
ضحكت انا بحب اغيظه من زمان اوي _ ايه ده بجد تصدق مخدتش بالي اليوم جري مع فاطمه اوي 
_ طيب يلا انجزي وقوليلي انتي فين 
_ استنى هبعتلك اللوكيشن بس بسرعه عشان عايزين ناكل لو هتاكل معانا 
قفلت معاه وعرفته المكان وبعدها فاطمه بصتلي 
_ هو مين ده 
_ ده وائل ابن عمي 
_ اه تصدقي مشفتهوش هو و محمد من زمان 
ضحكت_ قولي الحمد لله انك مشفتهوش 
_ ايه ده ليه يعني
_ يستي بهزر وبعدين مستعجله ليه دلوقتي تشوفيه 
بعدها لقيت وائل دخل وسلم على فاطمه وقعد 
_ ها هتاكلوا ايه 
_ انت شوف المنيو واختار احنا اختارنا 
_ طيب انتوا اختارتوا ايه 
_ كريب طبعا مش عايزه كلام 
_تمام وانا هختار زيكم 
طلب الاكل وبعدها بصتله 
_ انت جبت رقمي منين 
_ خدته من نوال اختي 
_ ومعرفتش منها اني مروحتش وعرفت مني سبحان الله 
_ بطلي استظراف انا اخدته منها بعد ما سيبتك الصبح فهمتي 
_ امممم فهمت 
_ طيب هتطلبوا حاجه تاني غير الكريب 
هزيت راسي بهدوء_ لا هو كريب بس 
لسه هيتكلم لقيت موبايلي بيرن فرديت عليه
_ الوو تامر 
_ اهلا يا ست هانم خطيبتي اللي مصدقت خلصت مني 
_ ايه الكلام ده 
_ مش انتي