قصه كامله

لكن الخيبه اللي انا فيها ممكن اروح في كلبوش لو مصطفى اصر على كلامه
بقول لك ايه مصطفى ده يا اهبل يا بيستهبل هو عارف اللي فيها بس خاېف سمعتهم القديمه ترجع تاني واللي هقول لك سمعه ايه بص ورانا كده وشوف اللي ماشي عايزك تبص وتلف راسك تاني وتمشي وانت ساكت
لف براسه الدكتور
في ايه يعني كلب ماشي ما الكلاب في كل حته
التمرجي
حاول تفهمني لكن عشان اثبت لك الكلب ده هيفضل ماشي معانا اقصد ورانا لغايه ما هنوصل لباب بيتهم
الدكتور
قصدك تقول انه مش كلب وانه جني مثلا
التمرجي
ليه مش مثلا هو كده فعلا يعني شايفك مش مستغرب

الدكتور
مش مستغرب عارف بوجودهم وليه انا كمان حكايه لكن مش وقته نحكيها
التمرجي
زي ما تحب نرجع تاني لكلامي عن عيله مصطفى شوف يا ابني عيله مصطفى ومراته جم بلدنا من يجي اكثر من 100 سنه مش من بلدنا هقول جدهم الكبير جدهم الكبير ده قاعد في بيت واحد الواحد ده الناس كانت پتخاف منه الراجل ده كان ماشي بالسحر يمكن وقتها كان بيقولوا عليه سيدنا لكن هو في الحقيقه كان ساحر وده كان صاحبه اشترى حته الارض دي لصاحبه وقعد فيها صاحبه دوت كان عنده بنت اسمها مزيانه مزيانه دي بقى تبقى جدتهم الكبيره
الدكتور
انت لسه هتحكي لي ما تقول على طول
التمرجي
ما انا بقول لك اهو وقلت لك السكه طويله لازم يا ابني يبقى عندك صبر ما تاخدش كل حاجه بسربعه
الدكتور
طيب كلم كلامك ومش هقطعك
التمرجي
مزيانه دي كانت جميله حسب ما جدودنا كانوا بيقولوا لنا ما كان شعرها طويل وكانت غير شكلنا خالص بلدهم غير بلدنا زي ما قلت لك لكن هم مشهورين بالسحر الناس كانت بعيده عنهم خاڤت منهم ابوها وامها ما حدش بيروح لهم حتى صاحبهم دوت مش بيروح لكنهم عمرهم ما جاءوا من اهل البلد لا اكل ولا اي حاجه ولا خضار ولا فاكهه الناس الناس كانت مستغربه 
الدكتور
مد معايا بسرعه انا مش عارف الكلب بيقرب مننا ليه
التمرجي
ما قلت لك ما تخافش المهم بيتهم زي ما انت شايف الشبابيك فيه مش زي شبابتنا. ولا الباب شفت الباب ده الباب يدخل جمل تحسها قلعه زي اللي بنشوفها في التلفزيون دي زي الف ليله كده ما يغركش شكل البيت كده هو تعبان ده كانوا بيقولوا زمان كان ولا القصر
بقول لك ايه انا رجلي وجعتني والشنطة البلاستك اللي معايا دي فيها رغيفين وحته جبنه تعالى نقعد هنا اهو تحت الشجره دي واهو المغرب لسه ما جاش ولا الليل ليل نقدر نقعد براحتنا
الدكتور 
ايه الحوسه اللي انا حطيت نفسي فيها دي بقول لك ايه ما ينفعش نمشي خطوتين اللي قدام كمان
التمرجي
اقعد وما تطولش في الكلام ولا انا عشان التمرجي انا يا عم مش التمرجي بتاعك انا تمرجي الحكومه وبعدين انت قلقان ليه ما الدكتور الاصغر منك قاعد في الوحده الصحيه لا وراها له شغل ولا مشغله خليك انت معايا
الدكتور
حاضر هقول ايه غير حاضر لغايه ما اخرج من المغرز اللي انا فيه ده انا من ساعه ما دخلت بيتهم وجسمي بيقشر حاسس ان في كهرباء
التمرجي
لا تعالى لي هنا بقى ايه حكايه الكهرباء ديت وليه جسمك اشعر اوعى تكون بتحس بيهم ولا حاجه ايه ملموس منهم
الدكتور
قلت لك هقول لك بعدين
التمرجي
ماشي مزيانه ديت الحكايات اللي جات لنا عنها انها كانت بتقعد فوق سطحهم طول الليل وكان بيجي لها راجل او شاب شكله جميل كان بيجي ومعاه جملين وكان بيبقى شايل حاجات كثيره فوق الجمال الناس اللي شافوه استغربوا ما حدش مننا او من اهل البلد وقتها كان عنده جمال الناس اتكلمت وقالت يمكن بدوي باللي بيسكنوا في الصحراء ومعدي رايح حته مسافر لكن الغريبه بردك ان بلدنا محوطاها جبال جاء منين ده الناس بعدت لكنهم بيشوفوا وهم ساكتين ومش ساكتين بس دول ساكتين وخايفين
الدكتور 
ايوه صحيح الخۏف لو اتمكن من حد ممكن يشله مش يشيل له كمرض لا شلي تفكيره ويشل حركته في اللحظه اللي بېخاف منها زي الجاثوم كده اللي بيجي لنا
التمرجي
ايوه اهو انت لمست بقى بيقول لك الراجل ده راح طلبها من ابوها