قصه كامله

ما في يوم اقدر يحرقه لانه رفض يخرج منها
الدكتور
حكايتكم طويلة وانا مش عارف اخر الهري دا ايه
انا عاوز حل منك لله كان لازمتها ايه تعكني في الشغلانه السودة ديه
مصطفى
وانا اش عرفني انا قلت ماټ فأيدك
الدكتور
يا متخلف وحودي چتته فين حخبيه في جيبي الله يلعنكم عيلة ملعۏنة
الزوجة
كنت حبلت ومن اول شهر جت قطوف وقالتلي حتاخد ال في بطني لو ولد 

وكل يوم تيجي
لكن من شهرين ماجتش قلت خلاص مشت ونسيتي
الدكتور 
هما دول بينسوا
راوية
انا عاوزة حل جوزي طلقني لانه حس ان انا ال بخرب بيت اخوه
الدكتور
لا بريئة يا عيني مابتعمليش حاجة الله ېخرب بيتك دا الطلاق اقل حاجة تحصلك يا خړابة البيوت
الزوجة
وجوزك عرف ازاي
راوية
اسكتي ياقمر .. كل يوم يجيلي واحد في الحلم يصوتلي ويشاور على دراعه .. ابص الاقي ايه اليمين مش موجودة
الزوجة
كابوس
راوية
لا والنعمة دا كأنه بجد ومن اسبوع بدا يروح لجوزي في الحلم .. ولما حكالي وشي اتلون
الدكتور
تستاهلي
راوية
وقتها هددني وضړبني فقلتله على ال عملاناه كله واننا اخدنا عضم من كام مقپرة قديمة
الزوجة
طب وانا مالي بيكي مش كان طلبك
راوية
وانت اخدت فلوس ودهب كمان
الزوجة 
اقوم اجبلك الفلوس والدهب مش عوزاهم المهم ابعدي عني .. كفاية المصېبة ال انا فيها.
مصطفى
منك لله يا شيخة اقول فيكي ايه الاواله ضايعه
الدكتور
ماتقولش ولا تعيد ياعم انت طلقها زي العاقل جوز الهبابة التانية دي
مصطفى
ياريت كنت اقدر بس دي لحمي ومالناش غير بعض
راوية
فيه حاجة كمان
الدكتور 
قولي يا وش السعد يا طيبة يا حنينة انتي
راوية
جوزي قال لامه وامه ماتتوصاش زمان اهل البلد عرفوا بالي حصل
مصطفى
طول عمرهم بيكرهونا
الزوجة
ايوا طول عمرهم بعدنا عنهم وقليل ال بيكلمونا
الدكتور
عندهم حق
راوية
ايوا يا دكتور بيكرهوهم من ايام جدتهم الكبيرة ماهي كانت شغالة بالسحر انما ايه بيقولوا عليها كانت داهية مافيش واحدة تروح وتدفع ال وطلبها يتنفذ
الدكتور
ونعم العائلات الكريمة يا سيادة الملاك ابو جناحين راوية
راوية
وانا عملت ايه يعني انا ما احبش حد يبقى احسن مني
الدكتور
على رايك يا ابراهيم هي ليله سوداء من اولها قولي لي بقى يا ست انت ما تحبيش حد يبقى احسن منك في ايه
راوية
ايوه اول واحده اتجوزها سيلفي كانت حلوه واصغر مني وامها مشوراها شوار حلو جوازهم ما عادش غير اربع شهور
الدكتور
اربع شهور يا مفتريه
راوية
ما كنتش بنام فيهم الليل
الدكتور
وليه بقى
راوية
ضحكه وكركره وكل يوم والثاني واخدها المركز مفسحه فيه ومدخلها سيما وجوزي مقعدني في البيت لا بيخرجني ولا بيجيب لي حاجه ده غير الشتيمه وبالاهانه منه ومن امه.
الدكتور 
وبعدين
وبعدين ايه لا بعدين ولا قبلين ولا عملت حاجه هي اطلقت وغارت اللي بعديها كانت احسن منها واحلى منها وابوها راجل مقتدر
الدكتور
وكالعادة طبعا حيتي للهانم عملتلك العمل
راوية
ايوا هو دا ال حصل
مصطفى
ايه الحل في المصېبة دي
الدكتور
والله رايي ان انتوا ترجعوا العظم مكانه
وان العظمه دي متاخده من واحد يمكن وصل ولا واحد من اولياء الله الصالحين والله اعلم
مصطفى
طب واللي بتهددنا دي واللي عماله ترزع في البيبان وسمع الصوت والصړيخ اللي احنا سامعينه من بدري نعمل
الدكتور
يعني مقعدني احل لك مشكلتك وانا ما ليش ذنب في اللي بيحصل كل ده واعمل لي محضر واحتمال اتحبس
مصطفى
لا ما يرضينيش اول ما النهار هيشقشق هروح النقطه واتنازل على البلاغ وهقول اي حاجه هقول انه ماټ وحماتي خبيته علشان انا ما بهدلش بنتها او اطلقها
الدكتور
يا سلام ايوه كده كان فين الحل ده من بدري ونعم الرأي يا ابا الحكم
راوية
بتقول ايه
الدكتور
لا لا بقول ولا بعيد ده واحد زميلك.. سبحان الله على اللي مصبرني على الاصوات اللي انا سامعها وانا قاعد معاكم
قطوف بتغني
يا ام الغلام يا ام الغلام الليلة ليلتك يا ام الغلام والشيلة شيلتك يا ام الغلام هههههه
الليلة ليلتك والشيلة شيلتك والوليد وليدك ههههههه
الدكتور
لا وليها نفس تغني كمان طب وعهد الله .. وباذن الله لحلها لكن لو حصل حاجه لك يا قمر مش هكون زعلان وانت كمان يا راويه قصاد اللي عملتوه في الناس
لكن بجد ودا وعد مني حلاقي حل سبوني بس افكر 
الدكتور بصوت عالي
وتبقي تغني بقى يا ست قطوف .
3
الدكتور
ايوه يا خالي زي ما قلت لك كده قول لي بس اعمل ايه
الخال
ما انا فهمتك يا ابني انت حسيت بيها علشان جدك كان شيخ كلنا يا ابني بنحس بيهم
الدكتور
كلنا يعني كل الناس
الخال
ليه