عشماوي
المحتويات
هرجع البيت دا تاني
واثناء ما كنت ملبوخة في الشنط الي في ايدي
سمعت صوت محمد
وهو بيسألني
وبيقولي...واخده الشنط دي ورايحة علي فين يا ملك
قلت..انا قررت اخد ماما ونعيش بعيد عن المشاكل
فا رد محمد بحسم
وقالي .
هو احنا مش قولنا ان ده بيتك وبيت ممتك ومينفعش تسيبوا بيتكم
فا بصتلة با امتنان
وقلت...
انا طبعا بشكرك علي موقفك الشهم معانا
لكن انا امي مريضة
ومش من مصلحتها خالص انها تعيش في جو مشحون بالتوتر والخناق كل شوية
واميرة اختك زي منتا شايف كده
مش بترحم حد
فا من فضلك سيبني امشي لان ده فية مصلحة للجميع
فا اعترض محمد علي كلامي
مفيش الكلام ده
من هنا ورايح البيت هنا هيبقي فيه قوانين
ومن اهمها ان كل واحد هنا يحترم التاني
والي مش هيلتزم يبقي هو الي يمشي
فا حاولت اتملص واقولة حجة تانية
لكن محمد قاطعني
وقالي..
خلاص يا ملك
الكلام خلص علي كده
اتفضلي يلا ادخلي علي اوضتك... ودخلي الشنط دي
فا رديت وقلت..حاضر
بس بعد اذنك انا هروح لماما
المستشفي عشان اتطمن عليها
لاني سيباها لوحدها من الصبح
فا رد محمد بكل ترحيب
وقالي..
اه طبعا لازم تروحي لممتك وتطمني عليها
فا اضطريت ارجع بالشنط علي الاوضة تاني
وقلت لنفسي بناقص الشنط
وبسرعة اخدت شنطة ايدي ونزلت
..لكن
اول ما خرجت من باب الفيلا
اتفاجئت...
ان محمد بينادي عليا
فا قلتلة...نعم
قالي ..مش هينفع اخت من اخواتي تمشي لوحدها باليل كده
تعالي اركبي عشان اوصلك للمستشفي
فا قلت في سري
يادي النيلة عليك وعلي اختك
و قربت من العربية بتردد
وقلت ...ايوه بس ....
فا رد محمد بصيغة الامر
وقالي...اركبي
قلت..حاضر
وفعلا ركبت
واثناء ما كنت قاعدة جنبة
بدات اتفحصة بجنب عيني
بصراحة الواد جميل وامور وعضلاتة مفتولة
وفوق دا كلة شهم.. وخادوم
لكن ..انا لازم اهرب منه
واقطع اي صلة ليا بيه
واثناء ما كنت شاردة بذهني
وبيقولي..
مش هتقوليلي هو فين
قلت...هو مين
فا ابتسم محمد
وقالي...طريق المستشفي فين
..فا ابتسمت انا كمان
وقلتلة...اطلع علي طول
وبعدما وصلنا للمستشفي
محمد ركن العربية ...واصر انه يدخل يطمن علي ماما
لكن...قبل ما نوصل لباب الاسانسير
اتقابلت في يمني صاحبتي
الي قابلتني بتكشيرة
مش كان مفروض يا ملك تديني خبر قبل ما تاخدي امك من المستشفي
عشان مدبش المشوار ع الفاضي
فا اټرعبت من كلامها
وقلت...انتي بتقولي ايه انا مش فاهمة حاجة
هو انا مش سايبة ماما في سريرها وانتي كنتي جنبها
فا ردت يمني
انا فضلت معاها طول النهار وع المغرب لقيتها نامت
فا قولت اروح البيت اغير وارجع لها
ولما رجعت دلوقتي لقيتهم بيقولولي ...
ان بنتها جت عملت مشكلة مع الممرضة
واخدت امها ومشيت
في اللحظة دي
طلعنا نجري كلنا علي ادارة المستشفي
فا استدعوا الممرضة الي كانت في النوباتشية ساعتها
وسالوها
فقالت..
ان بنتها المنقبة اخدتها بعدما اتهمتنا بالتقصير في رعايتها
فا سالت الممرضة وانا بردد الجملة بړعب
وقلت...انتي قولتي بنتها
بنتها المنقبة
تقصدي ان بنتها كانت لابسة نقاب
فا ردت الممرضة
وقالت ..ايوه
في اللحظة دي..
انا اتاكدت ان امي اتخطفت
وكان واضح من التعبيرات الي علي وجه محمد..
انة كان بيوافقني الراي
لانة اخدني من ايدي
وقالي...
تعالي نطلع علي القسم ونبلغ ضابط
المباحث
وفعلا طلعنا ع القسم.. وبلغنا.. وحققوا مع الممرضة...
وفرغوا الكاميرات
لكن كل ده كان بدون فايدة
لان الكاميرات رصدت المراة المنتقبة وهي منزلة امي بكرسي متحرك
وبعدما خرجت من المستشفي.. ...ركبت امي السيارة بتاعتها ومشيت بيها
ولما حاولوا يتعقبوا السيارة
معرفوش للاسف
لان السيارة كانت بدون ارقام نهائي
وساعتها رجال المباحث ربطوا ما بين مقټل جوز امي... واختطاف امي
لما لقوا المراة المنتقبة موجودة في الجريمتين
وبعدما اختفت امي وملقناش لها اي اثر
كنت حاسة اني هتجنن
وبقيت بكلم نفسي
واقول.. ازاي امي تختفي في غمضة عين كده
ومين الي له مصلحة في انه يخطفها
واثناء ما كنت بكلم نفسي
لقيت محمد بيطبطب علي كتفي
وقالي..يلا يا ملك عشان نروح
فا بصيتلة وانا بعيط
وقلت...ماما تعبانة يا محمد
وممكن يجري لها حاجة كده
ازاي يخطفوها من المستشفي وهي في الحالة دي
ولية يخطفوها اصلا
فا حاول محمد يهديني
وقالي...
اطمني يا ملك
الدكتور بيقول انه اخر مره شاف فيها ممتك كانت حالتها مستقرة
والست الي خطڤتها اخدت الادوية بتاعتها معاها
يعني ناوية تعالجها
وعموما ...
اول ما رجال المباحث يوصلوا لمعلومات عنها هيعرفونا
يلا قومي عشان نروح البيت وترتاحي شوية
وفعلا رجعت ع الفيلا مع محمد
وتركني محمد ادام غرفتي وراح هو علي غرفتة
واول ما دخلت لغرفتي
سمعت موبيلي بيرن
وكان الرقم الي بيتصل غريب
فا رديت
وقلت..الووو
فا رد صوت غريب
وقالي...الوووو
فا لاحظت انة صوت مفلتر
وكأن حد بيستعمل برنامج لتغيير الصوت
عشان يغير صوتة
فا رديت بعدما ابتلعت ريقي
وقلت...مين معايا
فا رد المتصل
وقالي...انا المخدوع الي قدمت خدمة
وبدل ما اخد باقي اتعابي اخدت علي قفايا
فا رميت الموبيل من ايدي
وقلت لنفسي...جعفر
معقولة..
هو دا جعفر فعلا
طب ازاي
دنا اتخلصت من الرقم المجهول
وجعفر عمره ما شافني ولا يعرف انا مين اصلا
يبقي جاب رقمي منين وعرفني ازاي......
لا لا لا استحالة يكون جعفر
وبالرغم من اني كنت مړعوپة
لكن مسكت الموبيل تاني
وقررت اشوف مين دا
وعايز اية
فا رديت بصوت يوحي بالثقة في النفس
و قلت..انا عارفة انك شخص بيعاكس
احسنلك تبطل امور المراهقين دي بدل ما.....
وقبل ما اكمل
قاطعني المتصل بجملة وقفتني
وقالي...عايز باقي حقي
وباقي حقي هاخده
بس مش فلوس
عارفة عايز حقي ازاي........
مع تحياتي للكاتبة
روايات حنون المصرية
بعدما كنت فاكرة اني خلصت من زوج امي وجعفر البلطجي
اتفاجئت با اتصال من رقم غريب
وسمعت صوت اغرب
بيقولي.. انا عايز حقي
فا سالتة
وقلت..انت مين
قالي.. انا الي قدمتلك
متابعة القراءة
