قصه مشوقه

ليو قالي اكيد شال التلفون و حدثو كنت خاتة ايدي فوق الطربيزة حقتو و بدون ما ينتبه خت ايدو في ايدي ايدو بااردة لمن حس بايدي رفع ايدو سرعة و اعتذر مني و فضل يعاين لي بخجل و ما بخت عينو في عيني كنا الاتنين محرجين من الموقف قالي امسكي دي بطاقتي لمن تكوني جاية علي اتصلي لانو مرات بكون في الجامعة صحي انت بتقرا بتقرا شنو قالي بقرا تقانة معلومات و السنة دي خريج بالتوفيق و انت انا بقرا طب اول سنة لي ما شاء الله ربنا يوفقك يا منو انا مثاني و دي صحبتي امتثال اتشرفناااا راحة يدو ناعمة و باردة..........

امتثال مفتحة بتتجاوب مع الاولاد عندها اصحاب كمية في الجامعة و في الحلة..... 
اليوم جمعة خشيت المطبخ مع امي طبخنا اكل شعبي فطرنا كلنا في سفرة وحدة ابوي عاوزة عشرين الف..... عاوزة عباية طيب بعد الصلاة شكرآ باابا قلت في نفسي انوم شوية قبل الصلاة اول ما غمضتا عيوني جاتني صورة يزن بسم الله قدر ما اغمض ما بشوف غير صورة يزن اتذكرتا لمن اتحسستا ايدو و نظراتو البريئة عيونو بتلمع من البراءة بدون اي انذار لقيت نفسي بفكر في يزن و ملامحو و ايدو البااردة المسجد اذن و صلى ابوي جا راجع اداني القروش صليت مسكتا شيتاتي قريت نزلتا دراسة لخلايا و المادة الوراثية في تلفوني فادتني كتير في اللحظة دي اتذكرتا البطاقة رفعتا من الشنطة و سيفت الرقم فتحت الواتس يزن خاتي صورتو برو طالع حلو في الصور عاينت ليو مسافة و حفظتا تفاصيل وشو حواجبو غزيرة عليو غمازات و شامة قريبة لشفايفو حسيت نفسي عاوزة اشوفو و اسمع صوتو بعد تردد رسلت ليو مساء الخير ما رد تاني يوم برضو رسلت ليو مافي اي رد امتثال عاوزة احكي ليك لكن اوع تضحكي فيني ما بوعدك على حسب الموضوع احكي قلت ليها امبارح كنت قعدة افكر في يزن و عاينت لصورتو كتير حسيت قلبي ح يشق صدري و يطلع كان بدق سريع خاېفة اكون مريضة بمرض خطېر احسن افحص صح!! امتثال هههههه معليش بس ما قدرتا امسك ضحكتي لكن بالجد يا مثاني مرضك خطېر و ما ظنيت عندو علاج اسټشهدي بس عيوني دمعت انت جادة امتثال طبعآ لااا انت عويرة انت معجبة بيزن لاااا بعد نطلع نمشي ليو اذا قلبك برد و ارتاح معناها انت معجبة بيو و اذا لااا امشي افحصي طيب اتفقنا ..
و فعلآ مشينا ليزن لقيناهو قاعد نفس قعدتو سلمنا عليو قالي عاوزين تصلحو شنو ولا شي بس آااا........ صحي امبارح رسلت ليك في الواتس يزن واتسابي اصدارو انتهى لكن بحدثو خلال اليوم طيب مشينا امتثال حاسة بشنو بصراحة كدا التوتر راح حاسة نفسي ماخدة جرعة حنان بجد مبسووطة امتثال يزن احلى مني صح لااا انت احلى منو حقيقة ملامحو حلوة......... 
احساسي ما يتوصف اول مرة بحس بوجود حاجة تخصني براي يزن جميل خلقة و اخلاق يا ترا هل ممكن يعاين لوحدة مربوشة زيي فتحت النت لقيتو اونلاين رسلتا ليو رد فورآ اتكلمنا عادي ونسة عامة بدون تعمق كان منزل صورو في الحالة احترتا الصورة حلوة باين عليو مبسوط لكن بكتب كلام حزين مع الصور المشكلة وين!! يا ربي شنو المحزن يزن قدر دا مرت الايام و بنتكلم مع بعض على طول اتعرفنا على بعض اكتر في يوم من الايام سالتو. يزن انت ليه بتنزل كلام كلو حسرة و الم و كانو فقدتا حاجة عزيزة عليك!! رد لي بعد مسافة قالي الحياة قست علي و الايام ظلمتني لكن الحمد لله كل شي من ربنا لا اعتراض ما فهمتا حاجة كلامو ما واضح لهسي ما عرفتا الشي المحزنو نسيت الموضوع خالص قلت احسن ما اقلب عليهو المواجع....... 
مازن يا ممو يزن دا محلو وين لانو عندي شغل كتير....... طيب تنزل في محطة الشجرة و تمشي البرندات الفاتحة عكس القبلة لو قلت داير يزن اي زول بوريك ليو سمح..... 
مازن مشى ل يزن صلح تلفونو مازن قالي بصراحة