ما عمري ح افكر احب الافضل تاخدي بعضك و تبعدي مني عشان ما ټجرحي نفسك اكتر....
نفس اليوم ما نمتا نهائي كلما اتذكر ابتسامتو و طريقة اهتمامو بكذب. كلامو معقولة احساسي طلع غلط ولا في حاجة خلتو يتصرف كدا!!!!!
اليوم خميي مشيت الجامعة كالعادة قعدتا مع امتثال و حكيت ليها الحصل اقترحت علي نمشي ليزن و نعرف الحاصل وافقتا
بعد خلصت محاضراتنا طلعنا من الجامعة حصلنا السوق و مشينا على يزن اريتني لو ما جيت و شفتا اكبر اوجاع حياتي بعد حصلنا الطربيزة بتاعتو جا يزن بورانا في كرسي متحرك جايبو شاب كدا يشبهو نزلو براحة و قعدو في كرسي عادي قدام طربيزتو و تنا الكرسي المتحرك و ختاه في مكانو ورا يزن ما قدرتا افتح خشمي بكلمة يزن طلع مشلۏل عاين لي بحيرة و حزن عيوني مليانة دموع لكن حابسا ما قدر يرفع عينو يعاين لي كنت مصډومة ما واعية تقريبآ قالي دا حسن ود خالتي يشبهني صح كنت قعدة ابكي و ارجع لورا قالي انت عارفة اي زول يشوفنا بقول علينا تيمان اديتو ضهري و بقيت بمشي بسرعة و ببكي امتثال حصلتني و مسكت ايدي و قعدتا ابكي بدون ما اتنفس...
اول مرة في حياتي احس بالانكسار انا مثاني عشت في ربوع اهلي مغمورة بحنية ابوي و امي و اخوي انا مثاني ما بعرف الزعل ما بعرف اساهر على زول او احزن ليه يا دنيا ليه يا الله اختبرتني في يزناستغفر الله....... طول الليل ما نمتا حسيت روحي مخڼوقة صحيت مازن ممو مالك نص الليل كنت قعدة ابكي بصمتنفسي اصړخ باعلى صوت و افرغ الجواي .... اتخيل يا مازن يزن مقعد خلاص ما تبكي حتى انا لمن عرفتا حزنتا عليو سبحان الله مافي منو اتنين طيبة و اخلاق ربنا يصلح حالوو و انت مالك قعدة تبكي قدر دا يا مازن انا بحبو يزن حبي الاول مازن سكت مسافة...... حضڼي و قالي خلاص معليش امشي نومي ربنا يصلح الحال بعد اتكلمتا مع مازن ارتحتا شديد نمتا طوالي الصباح امي صحتني الجامعة يا بت ما ماشة ما شغالين شغالين بس ما حابة امشي عيانة اووووف ما عاوزة امشي سدي الباب وراك اول مرة في حياتي اتكلم مع امي بنرفزة ... امي مرقت برا ما زعللت على طريقة كلامي زعلت علي لانو حست علي اني ما كويسة جاني مازن... يا بت انت جادة ما عاوزة تمشي الجامعة!! ما نفسي في شي و لا نفسي اتكلم مع زول او اشوف خلقة اي بني ادم اتفضل....... بحبو قال ترا كلو كلام مراهقين بكرة تكبري تنسيهو و تنسي ابوه كمان............. الله يسالك وضعي يضحك انت قاعد تشمت فيني!!! اسف حبيبتي يلا احكي لاخوك قصة حبك مع بتاع الموبايلات....... حكيت لمازن القصة و الحصل معاي امبارح قالي ما اتصرفتي صاح انت بتصرفك دا حسستيهو بضعفو و عجزو و ممكن يكون خش في حالة اكتئاب لانو ما كان كدا......... حكا ليك قصتو اي اسمعيني حكايتو كالاتي يزن شاب وسيم و عندو امكانيات وحيد امو و ابوه تمام امو اټوفت لمن كان عمرو عشرة سنوات قبل سنتين كانو راجعين بورسودان من كسلا عملو حاډث فظيع ابوه اتعرض لضړبة في الراس خش غيبوبة لكن طلع منها سيلم الحمد لله و نتيجة للحاډث دا يزن طلع مشلۏل ............ مثاني ما تبكي و تفضحي روحك عندي فكرة قبل اليوم يزن عزمني و هسي دوري اعزمو ...........
طيب اعزمو المسا قمتا لبستا عباية مشيت لامي اعتذرت منها و بستا في راسا مازن وصلني الجامعة و فات قابلتا امتثال اها عملتي شنو في الموضوع بصراحة حتى بعد ما عرفتو مقعد مشاعري اتجاهو ما اتغيرت لسع بحبو زي اول و اكتر انت ما نصيحة ما عرفتي تحبي غير واحد مشلۏل ما معروف اصلو كفاية عرفتو هو اصلو و فصلو ما بهمني امتثال انت ما مثاني انت وحدة تانية نبرتك حادة كلو بسبب المشلۏل داك...... اسمو يزن عرفتي لهنا نقفل السيرة اها شغالين كم محاضرة ما
