قصه مشوقه

لشنو لسع بتذلي نفسك..... صح رفضني لكن بامر منك صح ولا لاااا!!! مازن سكت ابوي عصب و شاكل قال اشمعنى انا الوحيد ال م عارف الحاصل قالي انت عمرك ١٧ سنة مافي مؤذون بعقد ليك ابوي فضل لي تلاتة شهور بس اخش في ١٨ احسب........... مثاني ما ترفعي لي ضغطي امشي انقبري في غرفتك تاني ما توريني خلقتك قليلة ادب...... 

حب يزن وصلني لمراحل ما عمري اتوقعتا ممكن اوصلا بقيت عاق الموضوع ساهل برام مكبرين القصة...... 
مرت الايام ابوي ما بعاين لي في وشي حتى مازن بقى ما يتكلم معاي بقيت لا قعدة اكل ولا انوم صحتي اتراجعت قفلتا تلفوني عشان يزن ما يتصل و يحس علي و امي طول الوكت قعدة تحنسني اكل و انسى يزن لقايت ما يوم من الايام اغمى علي ودوني المستشفى لقو دمي حړق ادوني ډم لمن وعيت لقيت ابوي فوق راسي قاعد يبكي قشيت ليو دموعي و قلت ليو انا اسفة قالي انا اسف مش انت الود دا دايراه خلاص بزوجك منو تمام امي يا علي دا كلام شنو! هي عرفناها صغيرة و طايشة انت شنو!! انا ما موافقة قاليها نجاة انا قلت كلمة خلاص انتهيناااا........ في اللحظة دي اطمنتا فتحت تلفوني اتصلت ليزن و قلت ليو قاعدة في المستشفى جا جاري اطمن علي و اتعرف بامي و ابوي يزن كان متوتر شديد عاينت ليو بحنية عشان يطمن.............. 
...... حصلنا البيت وش مازن و امي ما يتفسر من الزعل الحاجة الوحيدة المطمناني ابوي بضحك في وشي على طول امي كانت زعلانة لانو خطبتني لود خالتي من كنت صغيرة اسمو سيف الدين سيف حاليآ قاعد يقرا طب في الصين.......
بهناك يزن كلم ابوه و فعلا جا كسلا عشان يطلبني لولودو لمن جا طلبني و ابوي وافق قعد يبكي و طلب يشوفني و قال لابوي بتك دي اكيد ملاك انسانة طيبة قدرت تنظر لروح ولدي قبل جسدو دي معجزة و الله ما شاء الله عرفتا تربي جيت سلمتا قعدتا جنب ابوي و نزلتا عيني في الارض قالي كلام كتير اثر فيني حسسني اني عاملة انجاز كبير الخطوبة تمت و المناسبة اتحددت بعد تلاتة شهور....... 
يزن ضړب لي تلفون و بارك لي كان متاثر شديد بالخطوبة قالي ما اتخيلت في حياتي انو ممكن احب او اتزوج حياتي وقفت بعد الحاډث بعد قابلتك رديتي روحي..... 
مرت الايام اسرع من الخيال يزن اتخرج شفت كرسي متحرك في النت فورآ طلبتو ليزن و هديتو ليو يوم تخريجو الكرسي متطور بشتغل بكبسة زر على الاقل نريح حسن شوية الدعوة بعد اسبوع اغلب الناس ما مصدقين امي تلفونا ما سكت نهائي و حتى مازن اصحابو عذبو من الاسئلة ما قادرين يصدقو امي خاېفة من كلام الناس علينا اخر همي. 
عدت المناسبة علي خير ابوي طلب من يزن يسكن معانا في البيت انا رفضتا قلت ما عاوزة غير بيت راجلي رحلنا بيت خالتو ليزن ادونا حتة من البيت عبارة عن غرفة و مطبخ و حمام بيت مبسط حياتنا ماشة كويس متفاهمين مع بعض و كل يوم حبنا لبعض بزيد و احيانآ نشاكل مشاكل لذيذة حتى ما نكرهكم بالزواج الصباح نمرق سوا انا بروح جامعتي و يزن يمشي شغلو و حسن لو احتجت ليو بناديو قاعدين نفس البيت حياتنا كانت ماشة كويس و مبسوطين مع بعض لقايت ما حصل الحصل و خرب حياتنا......... 
مرت سنة على زواجنا المبارك ابوي لمن عمل استخارة شاف انو العرس مبارك و لازم يتم عشان كدا زوحني من يزن ............ 
في يوم من الايام كنت في الحمام يزن دايمآ بقرب الكرسي من السرير عشان يتنقل فيو بسهولة من االكرسي لسرير و العكس الكرسي فلت منو و راح بعيد يزن جا واقع في الارض جيت مخلوعة بسم الله قالي مافي شي انا كويس نفس اليوم حسن كان برا البيت حاولتا ارفعو في الكرسي لكن ما قدرتا حاولتا كذا مرة لمن قربتا اقعدو رجعت لورا و قعنا الاتنين في الارض نفسي كان طالع فوق