قصه كامله

كأنو هو برضو مجبور على الزواج دا 
في سرحتي دي بس جا ليك مهند من وراي وخلعنيلمن نطيت واتلبشت وقشيت دموعي سريع سريع 
قال لي بسم الله يا بت مالك 
قلت ليهو الناس بتقول صباح الخير اول . ارح الشاي جاهز 
قاعدين بنشرب في الشاي سألتو مهند انت مالك ما كلمتني انو انت جاي تخطبني او تعقد على او ايا كان في حاجة اسمها يسألو العروس اذا كانت موافقة ولا لا 
مهند بطلي كلام كتير انا ما داير اتناقش معاك في الموضوع دا وسواء كان وافقتي ولا لا ما كان حتفرق كتير لأنو رايك ما مهم وتاني ما تسأليني اسألة بايخة زي دي.

ليان خلاص معليش تاني ما بسأل لكن موضوع دراستي انا لازم امشي الجامعة ضروري وانت اصلا زمان قلت لي لو اتزوجنا ما حتمنعني من الدراسة صح 
مهند داك كان زمان والوضع حاليا اتغير ومافي ليك طلعة من البيت دا بدون اذني سامعة ولا لا والجامعة دي تنسيها لحدي ما انا اسمح ليك 
ليان مهند عليك الله ما تعمل كدا ما تحرمني من دراستي . الله يرضى عليك مهند والله ما ح أقصر من واجبات البيت. بنضف البيت واطبخ حتى امشي وبرجع سريع اعمل ليك الاكل تجي تلقاهو جاهز بس عليك الله مهند ما تمنعني 
مهند الكلام دا بالنسبة لي منتهي . مافي جامعة يعني مافي 
يلا انا طالع عايزة حاجة
ليان عايزة امي وعايزة ارجع بيتنا 
مهند مع السلامة 
_ طلع خلاني ببكي مسحت دموعي واتصلت على امي 
امي الو ليان كيفك ان شاء الله كويسة 
ليان ما كويسة يا امي انتو كيف وابوي كيف وناس خالتو ريان وخالتو نعمات
امي كلنا تمام الحمد لله. كلهم بسلمو عليكي
اخبارك شنو انتي
ليان كلو ماشي للأسوء حابسني في البيت براي وما بتكلم معاي حتى الجامعة منعني منها انا بعد دا اكون كويسة كيف ي امي 
امي ما مشكلة يا بتي اصبري وكلو بتحلى ان شاءالله واصلا انتي عروس ماشه الجامعة لشنو
ليان امي انا خاېفة يقول لي خلي الدراسة عدييل 
امي لو قال انتي مفروض تسمعي كلامو وما تعارضيهو وتعملي البقولو ليكي بس 
ليان معقول دي انتي يا امي الكنتي بتقولي لي ما تتخلي عن دراستك نهائي هسي تقولي لي اسمعي كلام راجلك 
امي يا بتي كلو لخير ان شاء الله واصلا انتي امانة في رقبتو مستحيل يعمل حاجة تضرك
انتي بس كوني كويسة معاهو واحترميهو اهم شي الاحترام مافي زيو 
ليان كويس يا امي 
خلاص انا ماشة اجهز الفطور عشان احتمال يرجع
امي كويس. مع السلامة اوعك تنسي كلامي دا وسلمي عليهو كان رجع
ليان تمام مع السلامه 
جهزت الفطور وانتظرتو مسااافة في النهاية اكلت براي بس فتحت التلفزيون حضرت شوية الضهر اذن قمت صليت
اثناء ما انا بصلي مهند جا خاشي طبعا عشان مافي زول تاني بجي الا هو
لما سلمت لاحظت ليهو كان بعاين لي وسرحان لما شفتو طوالي عاين في مكان تاني وعمل رايح 
المهم هو زاتو صلى واديتو اكل وقال لي اعملي لي قهوة
عملتها واديتو يشرب وقعدت معاهو
ليان بالمناسبة امي بتسلم عليك 
مهند لقيتيها وين اوعي تكون عرفت مكان البيت دا
ليان هو انا ما عارفة مكان البيت دا امي تعرف كيف اتكلمت معاها بالتلفون وقالت لي سلمي عليهو بس
مهند ايوا تمام 
فكرت اطبق كلام امي واكون زوجة كويسة ومهتمة 
ليان اها كيف ماشي