قصه كامله

وبطني كانت واجعاني شديد 
مشينا المستشفى وعملو لي الفحوصات. لما النتيجة طلعت دخلنا للدكتورة
قالت لي ماشاءالله انتي صغيرة المفروص بعد دا تهتمي بنفسك 
قلت ليها خير يا دكتورة ما يكون عندي مرض خطېر 
قالت لي خير انتي حامل مبروك
قالت لي انتي حامل مبروك
قلت ليها كيف يعني حامل اكيد في غلط في التحاليل راجعيها تاني انا مستحيل اكون حامل انا بس اتحسست امس من المعطر ما اكتر من كدا 
قالت لي التحاليل دي كلها صحيحة وانتي حامل 
انا ومهند بقينا نعاين للدكتورة مخلوعين ومهند بدا ينظر لي بطريقة غريبة قال لي قومي ارح البيت عشان ترتاحي 

الطريق كلو مافي زول فتح خشمو مع التاني . وحتى في البيت برضو قاعدين وساكتين خالتو سوسن جات باركت لي وكانت مبسوطة شديد لأنو هي ماعارفة انو نحن اتزوجنا قبل يومين بس هي مفتكرانة طولنا عشان كدا ما لاحظت وكانت فرحانة .
اليوم كلو نحن قاعدين وساكتين مافي واحد حاول يتكلم مع التاني
وانا بقيت بفكر وبفكر انو كيف انا حامل بعني حتى أعراض حمل ماعندي . وانا متأكدة انو تهبي ذا كان من المعطر الفي العربية بس وبديت ابكي خاېفة كلام الحمل دا يكون حقيقة بكيت وبكيت بكل قوتي ومهند ولا فكر حتى يسألني أو يجي يتكلم معي ويخفف عني كان قاعد ماسك تلفونو
كنا بنعاين لبعض لكن مافي كلام يتقال 
نمنا على كدا الصباح مشيت شربت الشاي مع خالتو سوسن . وحكت لي عنها وعن اولادها قالت عندها بنت وولد . البت بتدرس جامعة في داخلية والولد متزوج وحتى كان ساكن في الجزء القعدنا فيهو نحن بس حاليا سافر هو ومرتو وبرجعو بعد سنة لأنو عندو شغل 
قعدت مع خالتو سوسن فترة طويلة وما كنت دايرة ارجع لأنو ما دايرة اشوف مهند 
بعد شويه خالتو جات شايلة صينية قالت لي هاكي قومي امشي افطري مع راجلك قلت ليها ما مشكلة باكل معاك هنا هو لسه ما صحى من النوم 
قالت لي صاااحي امشي ما تكسري كلامي قلت ليها حاضر 
دخلت لقيتو قاعد في الكنبة ختيت الصينية قدامو وانا قعدت 
بدينا ناكل وأثناء الاكل مهند خلعني بسؤالو 
مهند ابوهو منو 
ليان انا ماعارفة والله العظيم وما متزكرة حاجة عليك الله ما تتهمني بحاجة انا ما عملتها 
مهند كيف يعني ما اتهمك والتحاليل أثبتت انك حامل بعد دا انتي ما محتاجة اتهام اصلا 
ليان انا ما عملت حاجة تخليني اخجل من تربيتي ولا سويت حاجة توطي راس ابوي ولا تكسر ضهرو 
مهند طيب والحمل دا جا من وين ولا براكي حملتي ما تمثلي لي دور البريئة 
ليان معقول انت ما بتعرفني للدرجة دي 
مهند فعلا انا ما بعرفك ولا داير اعرفك انتي بالنسبة لي مسؤلية مؤقتة وحتنتهي المهم انا احميكي بس ما اكتر من كدا 
و اسف لأني اتدخلت في حياتك الخاصة اكتر من اللازم لو محتاجة حاجه كلميني. وما تخافي لأنو انا حأطلقك قريبا عشان ترجعي لأبو ولدك وتعيشو في سعادة
مر اسبوع ونحن ما بنتكلم مع بعض وحتى لو اتكلمنا بكون كلام سطحي وجاف وكل مرة بذكرني انو حيطلقني 
يوم من الصباح في زول اتصل عليهو وقام طلع من البيت مستعجل 
مشيت قيلت مع خالتو سوسن ورجعت ومهند لسه ما رجع 
قعدت افكر في حملي دا كيف ح أقدر اتصرف معاهو وهو اصلا منو الابو قلت معقول يكون رامي