قصه مشوقه

سريعا وهو يعرج ويخرج بينما نهضت شادية وهي تركض وتصرخ بشادي لم الحاجه ياض واجري
نهضت مريم وهي تركض بسرعه ولكن تعرقلت في الاريكة وسقطت ثم نهضت بسرعه وركضت للخارج ولكن اصطدمت في الباب فتأوهت وهي تخرج وتركض وخلفها شادي الذي كان يجمع التسالي بسرعه ثم لحق بهم
بينما ضحكت هاجر بشده عليهم ومازال شاكر يلعب بالسکين بسخريه وهو يقول هما مالهم ده انا حتى كنت هقطع شوية فواكهه ليهم 
ضحكت هاجر بشده عليه ثم ذهبت واغلقت الباب
بينما كان الخمسة يجلسون علي السلم الذي يؤدي لشقة عوض وهم يتنفسون پعنف 
ضحك شادي بشده وهو يسقط علي الدرج ياختي كنا هنروح فطيس 
ضحكت شادية وهي تضربه علي كتفه انشف ياض كده شويه 
كريم بضحك وهو يتنفس پعنف رغم قلة القيمة دي الا اني فرحان فيهم والله
ضحك سليم بشدة وهو ينظر لمريم مريم ماشية ياعيني تخبط في أي حاجة في وشها
مريم بتذمر ما انتم اللي خونة كل واحد خد نفسه وجري
ضحك كريم بشدة عليها وهو يقول معلش يا ريمو يا روح ما بعدك روح ده شاكر مكنش هيعملك حاجه لا انتي ولا شادية بس لو كان عتر فينا كان علقنا
كادت مريم تجيب لولا سماع الجميع صوت جعلهم ېصرخون بړعب
اقترب ادهم من الغرفة وهو يتنفس پعنف ثم فتحها ودخل بهدوء شديد وهو يقترب من الفراش ثم جلس على ركبته أرضا وهو ينظر لها پصدمة وعدم تصديق حتى الآن ابتلع ريقه وهو ينظر لها جيدا ثم ابتسم فجأه طلعتي حقيقه يا ام فتحي ومش عفريته شكلي ظلمتك
ابتسم ثم نهض واتجه للخزانه وفتحها لينظر لثيابها وهو يقول كانت آخر حاجه تلبسيها هي اللي بتظهري بيها بس ياترى ليه اختفيتي
اخرج الثياب ثم نظر لها ولثيابها المبتلة زفر بضيق ثم اتجه ليخرج وبمجرد فتح الباب وجد هناء تسقط أرضا پعنف فوضع يده جانبا وهو يقول بسخريه ها يا هناء لمعتي الاوكرة كويس
هناء وهي تنهض وتنفض ثيابها بتبرق يا دكتور بتبرق
ادهم وهو يقترب منها ويضيق عينه سمعتي ايه
هناء بتراجع وخوف طب ان شالله اعدمك يادكتور مسمعتش حاجة
ادهم وهو انتي لما تعدميني يا هناء هتكملي إزاي من غير اخباري
هناء بدون وعى ييييييييييه ده الاخبار ياما يا دكتور بس مين يلاحق
ادهم بسخرية وطبعا انتي يا حبة عيني يا مسكينة مش عارفة ترمي ودنك فين ولا فين
هناء باندماج وتأثر آه والله يا دكتور الموضوع بقى صعب واسوء حاجة تبقى قاعد في مكان ومتعرفش ايه اللي بيحصل حواليك للواحد لازم يكون حويط ويعرف اللي بيحصل حواليه
ادهم بسخريز لاذعة وانتي الشهادة لله حويطة آوي
كادت تجيب ولكن اقترب منها ادهم بشدة وهو يقول سمعتي ايه
هناء پخوف والله يا دكتور المرة دي مسمعتش صوتك كان واطي خالص
ادهم حقك عليا يا هناء المرة الجاية هعليه المهم عايزك تدخلي تغيري لام فتحي اللبس لان أتبل
هناء بتعجب ام

فتحي
شقة امري لله يلا خلصونا
نهض الثلاثه ودخلوا للشقة خلف شادية
وهم ينظرون لمريم التي تجلس أرضا امام وتنتظرهم ابتسم كريم بحنان ثم اتجه وجلس بجانبها ولحق به الجميع فتحدثت شادية اشطا هنقسم إزاي بقى
تحدث كريم باندفاع جعل الجميع يلتفت له أنا ومريم في فريق
خرجت هناء من الغرفة وهي تنظر له خلصت يا دكتور
ابتسم لها ادهم وكاد يدخل تسلمي يا هناء
اوقفته هناء وهي تقول بس لا مؤاخذه يا دكتور سؤال كده واوعي تفتكرني بتحشر في الموضوع ولا حاجه
هز ادهم رأسه وهو يغمض عينه اومال قولي يا طاهرة
هناء وهي تقول بنبرة فضولية شديدة هى اية حكاية البنت دي ها وكمان ااااااا
قاطعها ادهم وهو يدخل ويغلق الباب متشكر يا هناء هديكي حتة الفراخ بتاعتي اخر الاسبوع يلا روحي شوفي شغلك يلا
ثم أغلق الباب بينما هى نظرت بتذمر الاه هو أنا قولت اية دلوقتي ده انا بس بستفسر
ثم ابتسمت فجأه هو قالي اني هاخد حتة الفرخة بتاعته
في الداخل اقترب ادهم من الفراش وهو يراها ترتدي نفس الثياب التي تظهر دائما بها امامه ابتسم وهو يجلس علي المقعد امام الفراش تعرفي انا فرحان وحزين وخاېف في نفس الوقت
فرحان انك حقيقة ومش من خيالي وحزين انك مش حاسة باللي حواليكي 
صمت ثم قال پخوف وخاېف... خاېف آوي يا ام فتحي خاېف لو صحيتي تسبيني لوحدي تآني انا عارف انها كانت فترة قصيرة بس والله اتعودت مكونش لوحدي اتعودت دايما اشوفك جنبي وانتي بتغظيني خاېف لما تفوقي متعرفنيش او تسيبيني لوحدي تآني 
ابتسم بحزن بس تعرفي مش مشكلة والله أنا اتعودت المهم انتي قومي بخير بس عشان نشوف حوار الكاندي شوب بتاعك 
ضحك وهو يتذكر حديثها ثم ازداد في الضحك ياترى انتي حقيقي مشوفتيش تربية كده ولا محترمة واللي ظهرت ليا دي روحك الساڤلة مش اكتر 
نظر لملامحها وهو يقول بتفكير بس إزاي فوقتي ورجعتي الغيبوبة تآني
صمت وهو يفكر في عمل فحوصات واشعة ليطمئن عليها
ابتسم وارجع ظهره للخلف وجلس واخذ ينظر إليها حتى سقط في النوم دون أن يشعر
تحدث كريم بحرج قصدي يعني احنا كده كده جنب بعض فنكون في فريق سوا
هز سليم رأسه وهو يبتسم بخبث يا عم بس كده قومي يا ريمو تعالي جنبي
كريم پحده لا هي قعدت خلاص مش هنفضل نتنقل خلينا نخلص
تحدثت شادية بملل خلاص خلصنا كريم ومريم وانا وشادي وسليم وعوض يلا نبدأ
ابتسم الجميع بحماس وبدأت شادية في توزيع الورق بينما نظر كريم لمريم وهمس لها لو شوفتي الشياب اوعي تبيني انه معاكي خالص ماشي
مريم بمزاح لما اشوف الكوتشينة الأول
ضحك كريم واخذ ورقه وكذلك فعلت مريم خلع كريم نظارته واعطاها لمريم البسيها يمكن تعرفي تشوفي حاجه
مريم وهي تضحك وترتدي نظارته عمايا علي ايدك انت
ثم نظرت لاوراقها وهي تراها ولكن غير واضحه قليلا ولكن يمكنها عد العلامات في الورق ومعرفة رقم الورقة ولكن كان هناك ورقة بها رسمة فمدتها لكريم وهي تقول هي اي دي
كريم وهو ينظر للورق ثم همس لها بخفوت ده الشايب
فجأه شهقت مريم بحدة فنظر لها الجميع بتعجب فتحدث سليم بشك فيه إيه
نظر كريم بشړ لمريم عجبك كده اهو هنتكشف
مريم بثقة متخافش انا هضلله
ثم قالت لسليم مفيش حاجه يا سليم ده كريم كان بيقولي كلام قليل الادب عشان كده شهقت
ثم نظرت لكريم وغمزت له بفرحة انها تولت الأمر 
نظر لها كريم وعينه مفتوحة پصدمه بينما صفر شادي باستمتاع يا نمس قولتلها ايه ياض
نظر سليم بشړ لكريم بينما لطم
كريم والله كدب مقولتش حاجه والله
كاد سليم ينهض له لولا سماع صوت رسالة تصل للجميع اخرج الثلاثه هواتفهم فوجدوا رسالة من ادهم تخبرهم ان يتواجدوا غدا في الصباح الباكر في المشفى وان يحضر كريم الاب توب معه
نسى سليم ما كان سيفعله ونظر لهم بتعجب يا ترى حصل ايه
شادي وهو يهز كتفه بعدم معرفة معرفش بس كان شكله غريب انهارده وهو ماشي
كريم بقلق شديد علي ادهم هو تعبان
سليم وهو يطمأن نفسه لا لا ان شاء الله هو كويس بكره نروح ونشوف
شادية بتدخل ان شاء الله يلا منك ليه انزلوا بالورق
بدأ الجميع يلقى الورق المتشابه وكريم ينظر لمريم واخذوا يجمعون المتشابه مع بعضهم وكذلك فعل الجميع
بدأ اللعب وبدأ الجميع يسحب من بعض فكان كريم ذكي كفاية ليوقع سليم ويجعله يسحب الشايب من منه بعد أن أخذه من مريم
نظرت مريم لكريم بخبث ثم ضحكت بشدة حينما وجدت ملامح سليم تتبدل للعبوس وهو ينظر لعوض الذي لوى شفتيه وقال هات ياض هديه للواد شادي الأهبل
ضحك سليم بخفوت واعطاه الشايب ثم عادوا للجميع وفجأه صړخ الجميع بنهاية اللعبة وكان الشايب مع شادي والان سيحكم الجميع علي فريق شادية وشادي
نظرت شادية لشادي وضړبته علي رقبته پحده كله منك يا اهبل يا ابن الأهبل
شادي پتألم الاه مش انتي اللي اخدتيه اساسا من ابنك وهو اللي ضحك عليكي ولبسك الشايب
شادية وهي تتراجع ولكن قالت بعناد ايوة بس انت معرفتش تصرفه وادينا خسرنا
ابتسم سليم بخبث بس عشان نبدأ بقى الحكم
نظرت شادية لشادي وهى تعض علي شفتيها بغيظ فتحدث هو ببرود أنا مال مامتي يعني انتي اللي خسرتينا وعمالة تجزي علي سنانك
تحدث كريم مقاطعا لهم احنا هنكون رحيمين عليكم ونعمل لكل واحد حكم واحد
شادي وهو ينظر للخبث علي وجوه الجميع وخاصا والده الذي يبدو أنه ينتقم مش مطمن
ابتسمت مريم ثم قالت بلطف شديد متخافش يا شادي انا قولت ليهم يخففوا الحكم شوية
شادي ببسمة شالله يخليكي يا أميرة يا بنت الأمرة ويحنن قلبك القاسې ده عليا بقى
نظر له كريم بقرف فغمز له شادي فابعد كريم وجهه
بينما تحدث سليم الاول شادية وعشان انتي ست كبيرة واحنا راعينا السن
شادية پغضب كبيرة مين يا بغل انت ما تراعي ملافظك
ابتسم لها سليم بغيظ هتقفي في الشباك وتغني بصوت عالي اغنيه من أغاني الفن الجميل
نظرت شادية لهم وهي تضيق عينها في انتظار القادم فاكمل كريم ببسمة واحدة من روائع الفنان شعبان عبدالرحيم ابص لروحي فجأه لقتني
ضحكت مريم بشده وعوض يشاركها الضحك
نظرت لهم شادية بتذمر طب ما اغنيها هنا وخلاص
عوض وهو يضحك الاه فين المتعة في كده بعدين ده انتي صوتك قمر
ثم اڼفجر ضاحكا بينما هي قالت بسخريه صوتي قمر
عوض وهو يضحك

بشده حتى كادت تنقطع أنفاسه ده الحاج مأكدلي
نهضت شادية وهي تدفعه الله يرحمه حتى بعد ما ماټ مش عاتقني
ثم اتجهت للنافذه في الصالون وفتحتها ونظرت لهم وقالت هى الساعه كام بس الاول
كريم وهو يكتم ضحكته الواحده بعد منتصف الليل
شادية وهي تخرج رأسها من النافذه توكلنا علي الله
ثم رفعت صوتها وهي تغني أنا انا انا انا انا انا انا انا 
شادي بضحك دي كلها انا يا شادية ايه مفيش ضماير تانيه مفيش هو هى اى حاجة
خرج بعض الجيران وهم ينظرون بتعجب لشادية التي بدأت تغني أنا مش عارفني انا تهت مني انا مش انا
احد الجيران بتعجب مالك يا حاجة شادية
شادية وهي تنظر له وتشير باصبعها لنفسها وتكمل لا دي ملامحي ولا شكل شكلي ولا ده انا
ركض شادي للمطبخ واحضر صينيه معدن واخذ يطبل وهى تغني وتشير للجيران الذين خرجوا ابص لروحي فجأه لقتني.... لقتني كبرت فجأه كبرت تعبت من المفاجأه ونزلت دمعتي
ثم بدأت تغني بتأثر وكريم ومريم في الخلف يحركون يدهم في الهواء بهدوء وهي تكمل قوليلي ايه يا مرايتي تكونش.... تكونش دي حكايتي تكونش.....
ثم صمتت فهمس لها شادي تكونش دي نهايتي
اعتدلت شاديه وهي تكمل تكونش دي نهايتي واخر قصتي.... انا مش عارفني انا تهت مني انا مش انااااااااااا
انا مش انا
ثم صمتت