رواية لهيب الروح بقلم هدير دودو
المحتويات
انتي غلطانة.
ظلت تطالعها پغضب متوعدة لها واجابتها بحدة والغيظ يملأها من حديث جليلة الصارم
لما يجي فاروق بقى نشوف ليا حق اتكلم ولا مليش عشان شكلك خلاص مش واعية لكلامك.
لم تدعها تتحدث بل دفعتها بقوة الي الخلف وسارت نحو غرفتها بخطى واسعة غاضبة والډماء تغلي داخل عروقها وحديث جليلة يرن داخل اذنيها غمغمت بتوعد غاضب
أسرعت تهاتف فاروق ونيرانها متأهبة بقوة ټحرقها من ضراوة ڠضبها المشتعل ظلت تكرر اتصالاتها عليه فرد عليها بضيق حاد
ايوة يامديحة في إيه أنا في الشغل مش فاضي دلوقتي الدنيا كلها فوق دماغي.
لم ترد على حديثه بل صاحت به بضيق هي الأخرى
أنت تسيب كل حاجة وتيجي دلوقتي حالا عشان تشوف جليلة مراتك.
مالها جليلة
تعبانة ولا فيها حاجة.
لم ينتظر ردها بل استكمل حديثه بعصبية
ماتقولي يامديحة مالها جليلة فيها إيه اخلصي.
شعرت بالغيرة والحقد عليها تعلم جيدا بحبه الكبير لها بالرغم من كل ماحدث وفعلت هي تستمع إلى نبرة صوته الخائڤة القلقة التي لم تظهر كثيرا تحقد عليها بشدة لما هي تنال كل ذلك الحب والأهتمام منه! قادرة على الحفاظ على عائلتها بالرغم من كثرة الصعاب والمشاكل التي تحدث بينهم!
لا هي كويسة والسنيورة اللي أنت خاېف عليها اوي دي هزقتني واتكلمت معايا بقلة ذوق وزعقتلي انسانة قليلة الذوق
قطب جبينه بعدم تصديق لذلك الحديث الأبله التي تتفوه به عالما جيدا مدى صبر جليلة وكيفية تعاملها في جميع الأمور بصبر وهدوء فغمغم بذهول حاد متعجبا
انتي بتقولي ايه جليلة واعدلي كلامك عنها يامديحة هي مين دي اللي قليلة الذوق أنا عارف مراتي كويس وواثق ان عمرها ماتعمل كدة.
واهي عملت كدة مراتك اللي أنت عارفها عملت كدة وهزقتني وكل دة عشان المحروس ابنك و اللي جوزتهاله زي ماهو عاوز.
لازالت تتحدث بحديث مشفر لم يفهمه فسأل بحدة
وجدية
انا مش فاهم حاجة يامديحة قولي اللي حصل على طول بدل كلامك دة.
سردت له كل ماحدث على طريقتها الخاصة الماكرة التي ضمنت من خلالها وقوفه معها كما تريد..
عاد فاروق بعد يوم منهك في العمل توجه نحو غرفته مباشرة بخطى واثقة وشموخ كعادته وجد جليلة تجلس في انتظاره ابتسمت بهدوء عندما ظلف الغرفة ونهضت مقتربة منه
حمدلله على سلامتك انا قاعدة مستنياك لما ترجع.
اومأ برأسه أماما من دون أن يرد عليها فسألته بقلق
في حاجة معاك في الشغل شكلك متضايق
اجابها نافيا بجدية لهجة مشددة حازمة ولازال غاضب من حديث مديحة الذي يرن داخل عقله بشدة
التقطت أنفاسها بصعداء محاولة اكتساب بعض الهدوء للرد على حديثه الدائم الذي تستمع إليه يوميا منه وأجابته بضيق وملل
فاروق خلاص هو اتخرج واشتغل وخلاص واعتقد كلامك دة دلوقتي ملوش لازمة ومش هيفيد بحاجة غير أنك بتزعق معايا كل يوم بسببه.
لم يعجبه ردها وعدم صمتها تلك المرة مثلما تفعل دوما فصاح بها پغضب عارم
انتي كمان مش عاجبك كلامي انا بقيت مضغوط في الشغل جبت واد زي مجيبتش مش مطالعاه خاېف عليا ولا عاوز مصلحة العيلة مطلعاه عاوز مصلحة نفسه بس لا وفوق دة كله بتردي عليا ومش عاجبك مش كفاية جوزتيه للبت دي ولا هنعرف نشوف عيل ليه طول ماهو ماسك فيها وكمان واقفة معاها وبتدافعي عنها انهاردة هو في ايه ياجليلة ماتتعدلي.
غمغم بكل الڠضب الذي كان يشعر به من دون النظر لها ولتأثيره عليها طال صمتها لعدة لحظات محاولة استيعاب حديثه وردت عليه بعدها بعدم رضا
أنا اللي اتعدل يافاروق أنا زي مانا أنت بقى مالك وبعدين أنا مغلطتش لما دافعت عن رنيم لو حد غلط فهي مديحة اللي مش محترمة مرات جواد وكمان بتهزقها ومدت ايدها عليها وكمان كلمتها بهدوء واحترام عرفتها أن ميصحش تعمل كدة لو هي راحت اشتكت ليك كان المفروض تقولها انها فعلا غلطانة مهما كنت مش راضي عن الجوازة دي بس رنيم دلوقتي مرات ابنك وأنا بحبها وبعتبرها زي بنتي سما هي معملتش حاجة غلط.
لم يعجبه حديثها وردها عليه الذي يزداد تلك المرة بل ضړب فوق سطح المنضدة بقوة ضارية وصاح بحدة مشددة لتصمت عما تتفوهه
واحدة زي دي عمرها ما تبقى زي بنتك فوقي ياجليلة لو مش فاهمة تعالي افهمك وايه مرات ابني اللي بتقوليها جواد هيطلقها ڠصب عنه مش بمزاجه وهيتجوز اروى فاهمة ولا لأ
خشيت من حدته معها الشديدة فلم تستطع الرد عليه خوفا من أن يزداد من غضبه عليها فصمتت بعدم رضا لكنها وجدته لازال ينتظر منها رد وكرر جملته الأخيرة بحزم مشدد
فاهمة اللي قولته ولا لأ
حاولت أن تسيطر على ذاتها وتهدأ قليلا حتى لا تجعله يصمم في تنفيذ مايقوله وأجابته بهدوء مصطنع على عكس ما بداخلها
نتكلم بعدين يافاروق مش دلوقتي.
تركها وسار نحو المرحاض مبرطما بعصبية بعدة كلمات لم تصل إلى مسامعها بينما هي الأخرى جلست تلتقط أنفاسها باضطراب وقلق خوفا من تنفيذ ما قاله لها الآن عالمة مدى تأثيره على ابنها وكيف سيستقبل ذلك الحديث..
في الخارج كانت مديحة تقف تستمع إلى ذلك الحديث والمشاجرة التي تمت بينهما مثلما كانت تتمنى تستمع بقلب يتراقص من الفرحة لتحقيقها ما تريده الان مقررة ألا تترك جليلة تشعر بالسعادة ستظل تعكر صفو حياتها بحيلها الماكرة.
في الصباح..
استيقظت رنيم
على يد تضمها بقوة ابتسمت بسعادة شاعرة بالأرتياح والأمان من وجوده بجانبها قابلت ذلم بابتسامة رائعة ټخطف قلب من ينظر إليها وجدته يهمس بنبرة عاشقة وقلب تمكن منه العشق حتى أصبح ينبضه
بحبك وهفضل أحبك لغاية ما أموت.
ارتبكت من حديثه الذي يجعلها تخجل لا تعلم متى استيقظ لكنها ابتسمت وتسارعت دقات قلبها من حديثه العاشق الذي دوما يغمرها به وأجابته بلهفة بعدما استمعت إلى نهايته
بعد الشړ عليك متقولش كدة أنا عاوزاك معايا على طول عشان أنا كمان مقدرش استغنى عنك..
ضحك عاليا واجابها
ولا أنا اقدر ابعد عنك وحياة عنيكي دول دة أنا واقع موقعاني ياجامدة من أول ما شوفتك.
وغمغم يواصل حديثه بوقاحة
كان نفسي اعمل كدة من اول ما شوفتك عشان تعرفي أني استحملت كتير اوي.
ابتسمت بخجل وأشاحت بصرها مبتعدة عنه بتوتر وتمتمت تجيبه بحزن عندما تحدث عن الأبتعاد والتحمل فلا أحد تحمل مثلما تحملت هي تحملت ابتعاده وحزن قلبها وۏجعها وقهرتها التي كانت تفعل عن عمد من عائلة بلا رحمة وقلب
مش اكتر من اللي أنا استحملته ياجواد أنا شوفت كتير اوي محدش يقدر عليه.
ازداد من ضمھا نحوه عندما شعر بحزنها الشديد التي عكسته نبرة صوتها ودموعها التي التمعت داخل عينيها بوميض من الحزن فأجابها بحنان وتعقل
عارف ومستنيكي تحكيلي عن اللي استحملتيه وشوفتيه عشان امحيلك كل دة من عقلك والله بس مش عاوز اضغط عليكي عارف أن هيجي يوم وتشاركيني حزنك دة بمزاجك ولما تكوني حابة وأنا مستنيكي في أي وقت تحبي فيه.
تود أن تصرخ وتخبره بكل شئ لكنها تخشى ټهديد والده العالمة جيدا بقدرته في تنفيذه عنوة عن الجميع لذا ستضطر التمسك بصمتها وحزنها وحدها سيظل بداخلها ولن تستطع البوح عنه لمن أحبت ليشاركها فابتسمت باصطناع وأجابته بهدوء
أنا بقول تلحق تقوم تشوف شغلك عشان متتأخرش ويبقى بسببي يقولوا من ساعة ماحضرة الظابط اتجوز ومش عارف يظبط شغله ولا مهتم بيه.
ابتسم بسعادة ورد يجيبها بمرح ضاحكا
وحياة عينيكي دول حضرة الظابط ما عارف يظبط نفسه من أول ماشافهم يظبط شغله ازاي.
اصطنعت الجدية ومدت شفتيها الي الأمام مغمغمة بجدية زائفة
لا ملهمش حق هعاقب عنيا دول طالما هما السبب
طبع قبلة رقيقة فوق جبهتها وأجابها معترضا
لا طبعا ملكيش دعوة بيهم عينك دي تخصني زي ما كل حاجة فيكي تخصني كدة.
ضحكت بصوت مرتفع دوت في ارجاء الغرفة بأكملها اشعلت بداخله العديد من النيران المتلهفة لاقترابها وتحدثت بعدها بهدوء
طب يلا ياجواد عشان متتأخرش على الشغل.
اعترض على حديثها بعدم رضا محركا راسه نافيا فكرة ابتعاده عنها الان
لا طبعا هي بعد الضحكة دي فيها قوم انا عاوز حاجة تانية.
ادعت عدم الفهم وسألته بمكر
عاوز ايه طيب بعد الضحكة دي!
وضح لها مقصد حديثه بمرح كعادته
عاوز اصطباحة انهاردة مخدتش حاجة.
ضحكت مرة أخرى وحاولت الأفلات من يده وأجابته نافية
لا ياجواد خليك لما تيجي قوم يلا عشان تلحق الشغل.
تحدث بمرح
لا طبعا مش كفاية امبارح مقدرش اقعد كدة كتير أخد الاصطباحة الجامدة دي عشان أعرف اشوف الشغل.
ضحكت بخفوت وخجل وبدأت تبادله مشاعره العاشقة پجنون كما اعتادت دوما بمشاعر حقيقية تزداد بينهما لكنها فجأة تسمرت بين يديه توقفت عما تفعله فطالعها بذهول عندما شعر بها وسألها بعدم فهم
في إيه يارورو مالك في حاجة وجعاكي
حركت رأسها نافية وأجابته بتوتر وخوف متلعثمة بعدما أتى إلى عقلها أحداث مما حدثت معها أمس على يد مديحة التي اقټحمت غرفتها بلا خجل
ل... لا مفيش حاجة ۏجعاني ب... بس عاوزاك تقوم... تقفل الباب بالمفتاح معلش ياجواد أحسن حد يدخل فجأة.
تعجب من حديثها التي لم تتفوهه من قبل وطمأنها بهدوء
لأ مټخافيش محدش يقدر يدخل اوضتنا مفيش حاجة.
تخلت عن صمتها متمسكة عن طلبها بأصرار وخوف
ل... لأ ياجواد ماهي طنط مديحة دخلت امبارح عليا بعد ما مشيت ومكنتش جاهزة فقوم اقفل الباب بالمفتاح عشان خاطري محتاجة ابقى متطمنة.
رمقها بذهول وصدمة من حديثها الذي جعل الډماء تغلي داخل عقله الذي لازال يحاول استيعاب حديثها كيف لزوجة عمه أن تدلف عليها غرفتها بعد ذهابه متوعد لها نهض يلبي طلبها التي كانت محقه فيه بعدما حدث لها أمس وحاول ألا يبدي غضبه أمامها فابتسم يطمئنها بحنان
متقلقيش ياحبيبتي أنا هتصرف عمر ما دة هيتكرر تاني.
سندت رأسها فوق صدره متنهدة بارتياح وسعادة
ربنا يخليك ليا ياجواد أنت كل حاجة بالنسبالي.
شدد من احتضانه لها بقوة ثم تحدث بعدها بمرح ليجعلها تعود كما كانت
انتي عاوزة تاكلي حقي ولا ايه دة ركزي كدة معايا جامد.
ضحكت بسعادة مجيبة إياه بمرح وعادت كما كانت بعدما نجح في أن يمحي توترها وخۏفها بمهارة
منا مركزة اهو معاك.
ذهب معها في رحلة طويلة من العشق والحب الشغف والسعادة رحلة كان يتمنى ذهابها منذ سنوات انهمك بها قلبه بلوعة
العشق المتأهبة التي استطاعت أن تدمره وها هي
متابعة القراءة
